Share on Social Media


ஹைலைட்ஸ்:

  • கலெக்டின்-1 எனப்படும் புரதத்தில் இருக்கும் ஒரு நிலையானது டைப் 2 நீரிழிவு நோயிற்குக் காரணமாகவும் அதனால் பெரும் தாக்கம் ஏற்படாமல் போவதற்கு மருந்தாகவும் இருக்கிறது.
  • கோதன்பர்க் பல்கலைக்கழகம் மற்றும் லண்ட் பல்கலைக்கழக ஆராய்ச்சியாளர்கள் கலெக்டின்-1 என்ற புரதத்தின் உயர்ந்த அளவுகள் சுமார் 18 ஆண்டுகளுக்குப் பிறகு வகை 2 நீரிழிவு நோயை உருவாக்கும் அபாயத்தினை கொண்டது என்று கண்டறிந்துள்ளனர்.
  • இந்த புரதம் ஆனது அதிக ஆபத்தில் உள்ள டைப் 2 நீரிழிவு நோயாளிகளுக்கு சிறுநீரகங்களுக்கு மற்றும் நீரிழிவு நெஃப்ரோபதிக்கு ஒரு பாதுகாப்பு அம்சமாகவும் இது இருக்கிறது என தெரிகிறது.

புரோட்டீன் கலெக்டின்-1 மற்றும் வகை 2 நீரிழிவு நோய்க்கு இடையே நெகட்டிவ் மற்றும் பாசிட்டிவ் கனெக்சன்களை ஆராய்ச்சியாளர்கள் சுட்டிக்காட்டினர். கலெக்டின்-1 நீரிழிவு நோயிற்கு அதிக அபாயத்துடன் தொடர்புடையதாக இருக்கலாம், ஆனால் சிறுநீரக பாதிப்பு அபாயத்தை அதிகரிக்கும் நீரிழிவு நோய்களுக்கு கலெக்டின்-1 நன்மை பயக்கும் தன்மை கொண்டது. நோயாளிகளின் சிறுநீரகத்தில் பாதிப்பினை குறைப்பதில் இவை முக்கிய பங்கு வகிக்கின்றன.

“இது விசித்திரமாக இல்லை. சிறுநீரகத்தில் காணப்படும் கலெக்டின்-1 இன் செயல்கள் அழற்சி செயல்முறைகளுடன் இணைக்கப்பட்டுள்ளன என்பது எனது சொந்தக் கோட்பாடு, அதேசமயம் கொழுப்பு திசுக்களில் உள்ள கலெக்டின்-1 இன் செயல்கள் வளர்சிதை மாற்ற செயல்முறைகளுடன் பெரும்பாலும் இணைக்கப்பட்டதாகத் தோன்றுகிறது. எனவே தான் ஒரே புரதம் ஆனது நமக்கு பாசிட்டிவாகவும் நெகட்டிவாகவும் இருக்கிறது ” என்று ஆய்வின் முதன்மை ஆசிரியர் தெரிவிக்கிறார்.

கலெக்டின்-1 என்ற புரதத்தினைக் கொழுப்பு செல்கள் மற்றும் பிற உயிரணுக்களால் வெளிப்படுத்தப்படும் பொழுது, உடலில் உள்ள வீக்கத்தைக் கட்டுப்படுத்துதல் மற்றும் கொழுப்பு செல்களின் செயல்பாடுகளைக் கட்டுப்படுத்துவது போன்றவற்றினைச் செய்கிறது.

ஆய்வு முடிவு

வகை 2 நீரிழிவு வளர்ச்சியில் கொழுப்பு திசுக்களில் புரதம் செயல்படுகிறது என ஆய்வுகள் தெரிவிக்கின்றன. ஆய்வில் பங்கேற்ற ஆயிரம் பேரின் இரத்தத்தில் புரதம் ஆனது அதிக இன்சுலினுடன் இணைக்கப்பட்டிருப்பதை கண்டறிய முடிந்தது.

உடல் பருமன், வயது மற்றும் பாலினம் போன்றவை வகை 2 நீரிழிவு நோய்க்கான அறியப்பட்ட ஆபத்து காரணிகளாக இருப்பினும், புரதம் அதிகரித்த இன்சுலினும் நீரிழிவுக்கு காரணம் ஆகிறது.

மால்மோ டயட் மற்றும் கேன்சர் ஆய்வில், டைப் 2 நீரிழிவு நோயின் வளர்ச்சியில் கலெக்டின் -1 முக்கிய பங்கு வகிக்கிறது என்பதை ஆராய்ச்சியாளர்கள் இப்போது உறுதிப்படுத்தியுள்ளனர். இந்த பெரிய மக்கள்தொகை ஆய்வில், பங்கேற்பாளர்களை பல காலத்திற்கு தொடந்து கண்காணிக்கின்றனர்.

1991 மற்றும் 1994 க்கு இடையில் சேகரிக்கப்பட்ட 4,000 க்கும் மேற்பட்ட பங்கேற்பாளர்களின் இரத்த மாதிரிகளினை ஆய்வு செய்யப்பட்டது. இரத்த மாதிரிகளில் உள்ள கலெக்டின்-1 அளவுகள் டைப் 2 நீரிழிவு நோயை உருவாக்கும் அபாயத்தை கொண்டுள்ளதாக ஆய்வுகள் தெரிவித்தன.

எது டைப் 2 நீரிழிவு நோயை உருவாக்குகிறது என்பதைக் கணிக்க கலெக்டின்-1 பற்றி தெரிந்து கொள்வது அவசியம் ஆனதாகிறது. இது நோயை நன்கு புரிந்துகொள்வதில் ஒரு படியாகும்.

உடல் பருமன் ஏன் நோய்க்கான ஒரு பெரிய ஆபத்து காரணி என்பது பற்றிய ஆராய்ச்சித் துறையில் உள்ள புதிரின் முக்கியமான பகுதி இது. பின்னர் வகை 2 நீரிழிவு நோயை கொண்ட உடல் பருமன் உள்ளவர்களின் உடலில் என்ன நடக்கிறது என்பதைக் கண்டறிவதற்கு இது நல்ல யோசனையைக் கொடுத்துள்ளது.”

டைப் – 2 நீரிழிவு என்பது ஒரு சிக்கலான நோயாகும், இதில் பல காரணிகள் நோயின் வளர்ச்சிக்குப் பங்களிக்கின்றன. மிகவும் தீவிரமான சிக்கல்களில் ஒன்று நாள்பட்ட சிறுநீரக நோய் ஆகும், இது வகை 2 நீரிழிவு நோயாளிகளில் பாதிக்கு மேற்பட்டவர்களுக்கு இந்த பாதிப்பினை உருவாக்குகிறது.

இது அப்படியே தொடர்ந்தால் சிறுநீரகச் செயலிழப்பு மற்றும் அகால மரணத்திற்கு கூட வழிவகுக்கும். அந்த காரணத்திற்காக, ஆராய்ச்சியாளர்கள் சிறுநீரக நோயால் பாதிக்கப்பட்டவர்களை மிகவும் உன்னிப்பாகக் கவனித்தனர்.

கலெக்டின்-1 இன் மரபணு அளவீடுகளை பார்க்கும்பொழுது அவர்கள் கலெக்டின்-1 மற்றும் நீரிழிவு மற்றும் சிறுநீரக நோய்க்கு இடையே உள்ள மரபணு தொடர்பைக் கண்டறிந்தனர்.

இதனை ANDIS ஆய்வு என்கின்றனர். இந்த ஆய்வின் படி, ஆராய்ச்சியாளர்கள் இப்போது கலெக்டின்-1 ஆனது நோயாளிகளுக்கு சிறுநீரக பாதிப்புக்கு எதிரான பாதுகாப்பை வழங்கக்கூடும் என்பதைக் கண்டறிந்தனர். எனவே கலெக்டின்-1 என்பது நீரிழிவு நோயிற்கு மிக முக்கியமான ஒன்று என கண்டறிய முடிகிறது.



Source link

Share on Social Media

Leave a Reply

Your email address will not be published. Required fields are marked *