Share on Social Media

எப்சம் உப்பு அல்லது மெக்னீசியம் சல்பேட் என்பது மெக்னீசியம், ஆக்ஸிஜன் மற்றும் கந்தகத்தால் (சல்பர்) ஆனது. இது வழக்கமாக நாம் உபயோகிக்கக் கூடிய உப்பு போல் தோன்றலாம்; ஆனால் உண்மையில், இது ஒரு குளியல் உப்பு (பாத் சால்ட்). இது ஒரு வேதியியல் அமைப்பு ஆகும்; மற்றும் இது பெரும்பாலும் குளிக்க பயன்படுத்தும் தண்ணீரில் கரைக்கப்படுகிறது.

எப்சம் உப்பில் ஏராளமான நன்மைகளைக் கொண்டுள்ளன. மேலும், அவை பலவிதமான சிக்கல்களுக்கு ஒரு தீர்வாக அறியப்படுகின்றன. இது பல தாதுக்களைக் கொண்டுள்ளது மற்றும் உங்கள் ஆரோக்கியத்திற்கு மிகவும் நல்லது.

​மன அழுத்தத்தை எதிர்த்துப் போராட உதவுகிறது:

மன அழுத்தம் என்பது இப்போது உலகின் மிக முக்கியமான பிரச்சினைகளில் ஒன்றாக உள்ளது. உங்கள் பிஸியான வாழ்க்கையின் அன்றாட செயல்பாடுகளை செய்து வருவது, மற்றும் அதில் இருக்கக்கூடிய வேலை பளு போன்றவை உங்கள் கார்டிசோலின் அளவை அதிகரிக்கும்; மற்றும் மன அழுத்தத்திற்கு இது வழிவகுக்கும். உங்கள் உடலில் போதுமான அளவு மெக்னீசியம் இல்லாதது, மன அழுத்தத்தை சமாளிக்கக்கூடிய உங்கள் திறனை பாதிக்கும். மேலும், எப்சம் உப்பு குளியல் எடுத்துக் கொள்வது மன அழுத்தத்தை குறைக்கவும், தளர்வை ஊக்குவிக்கவும் உதவும் என்று நம்பப்படுகிறது. அதனால், நீங்கள் குளிக்கும் போது அந்த தண்ணீரில் சிறிது எப்சம் உப்பு சேர்த்து குளியுங்கள்.

​எப்சம் உப்பு தூக்கத்தைத் தூண்டுகிறது:

samayam tamil Tamil News Spot

இந்த மன அழுத்தம் ஆனது, உங்கள் தூக்க முறைகளையும் தொந்தரவு செய்யலாம். எப்சம் உப்பு குளியல் எடுத்துக் கொள்வது, உங்கள் உடலை தோல் வழியாக போதுமான மெக்னீசியத்தை உறிஞ்சுவதற்கு அனுமதிக்கின்றது; இதன் மூலம் இந்த பிரச்சினைகளை எதிர்த்துப் போராட இது உதவுகிறது. எப்சம் உப்பில் குளியல் எடுத்துக் கொள்வது, உங்கள் உடலுக்கு ஒரு அமைதியான அல்லது இனிமையான விளைவை தருகிறது. இதனால், தூக்கத்தின் தரத்தை இது மேம்படுத்தக் கூடும். மேலும், தூக்கமின்மை போன்ற பிரச்சினைகளுக்கு கூட இது உதவக்கூடும்.

​தசைக்கு நிவாரணம் அளிக்க உதவுகிறது:

samayam tamil Tamil News Spot

உடலில் போதுமான அளவு மெக்னீசியம் இல்லாத நபர்களுக்கு தசைப்பிடிப்பு, வலி மற்றும் வீக்கம் போன்றவை ஏற்படக்கூடும். குளிக்கும் பொழுது அந்த தண்ணீரில் சிறிது எப்சம் உப்பு சேர்த்து குளிப்பது, தசை வலியில் இருந்து நீங்கள் நிவாரணம் பெற உதவும். ஆகையால், உங்களுக்கு கால் வலி ஏற்பட்டால், உங்கள் கால்களை எப்சம் உப்பு சேர்க்கப்பட்ட வெதுவெதுப்பான நீரில் சிறிது நேரம் ஊற வையுங்கள்.

​உங்கள் சருமத்தை ஆற்ற உதவுகிறது:

samayam tamil Tamil News Spot

உங்களின் சருமம் மிருதுவாக இல்லையா? வறண்ட சருமம் போல் காணப்படுகிறதா? ஆம் எனில், இந்த தீர்வு உங்களுக்கு உதவக்கூடும். தோல் மற்றும் கால்களை மென்மையாக்க உதவும் ஒரு எக்ஸ்ஃபோலியண்டாக இந்த எப்சம் உப்பு செயல்படுகிறது. நீங்கள் செய்ய வேண்டியது எல்லாம், சிறிது எப்சம் உப்பை கையில் எடுத்து, அதனை உங்கள் சருமத்தில் தேய்த்தவாறு மசாஜ் செய்யுங்கள். இருப்பினும், இந்த வைத்தியத்தை செய்வதற்கு முன்பு, ஒவ்வாமைகளை சரிபார்க்க உங்கள் தோல் மருத்துவரை நீங்கள் அணுகுவது நல்லது.

​மலச்சிக்கல் பிரச்சினைக்கு உதவுகிறது

samayam tamil Tamil News Spot

எப்சம் உப்பு ஒரு மலமிளக்கியாக செயல்படுகிறது. இது குடல் இயக்கங்களை மேம்படுத்துகிறது; மற்றும் மலச்சிக்கல் பிரச்சன்னையில் இருந்து நீங்கள் நிவாரணம் பெற உங்களுக்கு உதவுகிறது. உப்பு உங்கள் உடலில் இருந்து நச்சுகள் மற்றும் தண்ணீரை வெளியேற்றும். இதை உட்கொள்வதற்கு நீங்கள் முதலில் ஒரு தொழில்முறை மருத்துவரை அணுக வேண்டும். மேலும், மலச்சிக்கலில் இருந்து நிவாரணம் பெற நீங்கள் இதனை எவ்வளவு உட்கொள்ள வேண்டும் என்பதையும் உங்கள் மருத்துவரிடம் கேட்டு தெரிந்து கொள்ள வேண்டும்.

சிறந்த முடி பெற உதவுகிறது:

samayam tamil Tamil News Spot

உங்கள் முடி ரொம்ப சுருட்டையாக உள்ளதா? அல்லது உங்கள் முடி ஒரு சேதமடைந்த முடி போல் தோற்றமளிக்கிறதா? இனி கவலை வேண்டாம்! எப்சம் உப்பு உங்கள் தலைமுடியை வலுப்படுத்த உதவுகிறது; மற்றும் உங்கள் உச்சந்தலையை சுத்தப்படுத்தவும் உதவுகிறது. இந்த எப்சம் உப்பை உங்கள் ஹேர் கண்டிஷனருடன் கலந்து அப்படியே உங்கள் தலைமுடியில் தடவலாம். சில நிமிடங்கள் இதை அப்படியே விட்டுவிட்டு, பின்னர் உங்கள் தலைமுடியை நன்கு அலசுங்கள். மேலும், நீங்கள் இதை செய்வதற்கு முன்பு பேட்ச் டெஸ்ட் செய்ய மறக்காதீர்கள்.

​எப்சம் உப்பின் பக்க விளைவுகள்:

samayam tamil Tamil News Spot

எப்சம் உப்பு பயன்படுத்தி குளிப்பதால் எந்த ஒரு பக்க விளைவுகளும் ஏற்படாது. இருப்பினும், இது உங்கள் சருமத்தில் தடிப்புகளை ஏற்படுத்தும்; அல்லது உணர்திறன் வாய்ந்த சருமம் உள்ளவர்களுக்கு பிற தோல் பிரச்சினைகளுக்கு வழிவகுக்கும். எனவே, மருத்துவரின் ஆலோசனையின்றி இதை உட்கொள்வதை நீங்கள் தவிர்க்க வேண்டும். மேலும், பின்வரும் அறிகுறிகளில் ஏதேனும் ஒன்றை நீங்கள் சந்தித்தால் (எப்சம் உப்பை உட்கொண்ட பிறகு), மருத்துவ உதவியை உடனே நாடுங்கள்!

– தலைச்சுற்றல்

– வயிற்று வலி

– மங்களான பார்வை

– சீரற்ற இதயத் துடிப்பு

– தசைப்பிடிப்பு

– சோம்பல்

– சுவாசிப்பதில் சிரமம்

– வயிற்றுப்போக்கு

– சிறுநீர் கழிக்கும் முறையில் ஏற்படும் மாற்றங்கள்

இறுதியாக, எப்சம் உப்பு உங்களின் தசை வலியை போக்க உதவுகிறது; மற்றும் மலச்சிக்கல் சம்பந்தமான பிரச்சனைகளுக்கு உதவுகிறது. மேலும், பல ஆரோக்கிய நன்மைகளையும் இது உங்களுக்கு வழங்குகிறது. இருப்பினும், மெக்னீசியம் சல்பேட்டின் நன்மைகளுக்கு மட்டுப்படுத்தப்பட்ட சான்றுகள் உள்ளன. எனவே, நீங்கள் ஏதேனும் வித்யாசமான அறிகுறிகளை சந்தித்தால், எப்சம் உப்பு பயன்படுத்துவதை தவிர்க்கவும்.

Thanks for the Source

Share on Social Media

Leave a Reply

Your email address will not be published. Required fields are marked *