Share on Social Media


ஹைலைட்ஸ்:

  • இங்கிலாந்து நாட்டில் பல மடங்கு வேகமாக ஒமைக்ரான் தொற்று பரவி வருகிறது
  • நடப்பு மாத இறுதியில் மொத்த பாதிப்பு 10 லட்சத்தை தாண்டக்கூடும் என அச்சம்
  • மீண்டும் முழு ஊரடங்கு அமல்படுத்தப்படுமா என்று பொதுமக்கள் கேள்வி

கொரோனா வைரஸின் உருமாறிய ஒமைக்ரான் வகை வைரஸ் தென் ஆப்ரிக்காவில் முதன்முதலில் கண்டறியப்பட்டுள்ளது. தற்போது இந்தியா, இங்கிலாந்து, ஐரோப்பிய, ஆப்ரிக்க நாடுகளில் வேகமாக பரவி வருகிறது. குறிப்பாக தென் ஆப்ரிக்காவை விட பல மடங்கு வேகத்தில் இங்கிலாந்தில் ஒமைக்ரான் பரவுவதாக விஞ்ஞானிகள் வேதனை தெரிவித்துள்ளனர். இதுதொடர்பாக ராயல் சொசைட்டி ஆஃப் மெடிசனில் பேசிய லண்டன் ஸ்கூல் ஆஃப் ஹைஜீன் மறும் ட்ராபிகல் மெடிசனின் தொற்று நோயியல் துறை வல்லுநர் ஜான் எட்மண்ட்ஸ், பரிசோதனைகள் செய்து கண்டறியப்படுவதை விட அதிகப்படியாக ஒமைக்ரான் தொற்று பரவியுள்ளது.

ஒமைக்ரான் வைரஸின் அதிகப்படியான உருமாறிய தன்மையானது தடுப்பூசிக்கு கட்டுப்படுமா, பரவும் வேகம் எப்படி இருக்கும், மிகத் தீவிர பாதிப்பிற்கு ஆளாக்குமா உள்ளிட்ட பல்வேறு கேள்விகள் எழுகின்றன. முதல்கட்ட ஆய்வகத் தகவல்களின்படி, தடுப்பூசிகள் முழுவதுமாக செயல்படாமல் போகவில்லை. சிறிதளவு பயன் இருக்கத்தான் செய்கிறது. தென் ஆப்ரிக்காவில் ஒமைக்ரான் தொற்றுக்கு ஆளான நபர்களிடம் இருந்து லேசான அறிகுறிகள் மட்டுமே தென்பட்டுள்ளன.

பூஸ்டர் ஊசி போட்டாலும் பரவுதாம்.. ஓமைக்ரான்.. சிங்கப்பூரில் 2 கேஸ்!

இருப்பினும் முன்கூட்டியே பாதிப்புகளை கண்டறிய வேண்டியது அவசியம். தற்போதைய வேகத்தில் ஒமைக்ரான் பரவினால் வரும் கிறிஸ்துமஸ் நாளில் தினசரி 60 ஆயிரம் என்ற எண்ணிக்கையில் தொற்று உறுதி செய்யப்பட வாய்ப்புள்ளது. எனவே பிளான் பி வழிகாட்டுதல்களை பிரதமர் வெளியிட்டதில் எந்தவொரு தவறும் இல்லை. இந்த விஷயத்தில் பொதுமக்களும் மிகுந்த எச்சரிக்கையுடன் இருக்க வேண்டும்.

அனைவரும் கைகோர்த்து செயல்பட்டால் தான் ஒமைக்ரான் தொற்றை தடுக்க முடியும் என்று வலியுறுத்தியுள்ளார். மேலும் இங்கிலாந்து நாட்டின் சுகாதாரத்துறை செயலாளர் சஜித் ஜாவித் கூறுகையில், நடப்பு மாதத்தின் இறுதியில் மொத்த ஒமைக்ரான் பாதிப்பு 10 லட்சத்தை தாண்டும் அபாயகரமான சூழல் இருக்கிறது என்று எச்சரித்தார்.

எனவே இங்கிலாந்தில் முழு ஊரடங்கு உத்தரவு அமலாகுமா என்ற அச்சம் பொதுமக்களிடையே ஏற்பட்டுள்ளது. முன்னதாக உலக சுகாதார நிறுவனத்தின் வல்லுநர்கள் குழுவினர் கூறுகையில், ஒமைக்ரான் பரவல் குறித்த பரிந்துரைகளை வழங்குவதற்கு எங்களுக்கு கூடுதல் தகவல்கள் தேவைப்படுவதாக தெரிவித்துள்ளனர். இங்கிலாந்தில் இதுவரை சுமார் 1,300 பேருக்கு ஒமைக்ரான் தொற்று உறுதி செய்யப்பட்டுள்ளதாக தகவல்கள் தெரிவிக்கின்றன.

ஆய்வக பெண் ஊழியரை… கோவிட் தாக்கிய எலி கடித்தது.. தைவானில் பரபரப்பு

இதுதொடர்பாக நடத்தப்பட்ட முதல்கட்ட ஆய்வுகளில் இரண்டு டோஸ் தடுப்பூசி பெரிய அளவில் தாக்கத்தை ஏற்படுத்தவில்லை என்று கூறப்படுகிறது. ஆனால் மூன்றாவது பூஸ்டர் டோஸ் தடுப்பூசி போட்டுக் கொண்டதில் 75 சதவீத பேருக்கு எந்தவொரு அறிகுறிகளும் ஏற்படாமல் தடுக்கப்பட்டுள்ளது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *