Share on Social Media


ஹைலைட்ஸ்:

  • மீண்டும் முழு ஊரடங்கு
  • கட்டுக்கடங்காத ஒமைக்ரானால் அரசு முடிவு?

ஒமைக்ரான் பரவி வருவதால், தினசரி கொரோனா பாதிப்பு கட்டுக்கடங்காமல் அதிகரித்து வருவதை அடுத்து, மீண்டும் முழு ஊரடங்கை அமல்படுத்த அரசு முடிவு செய்துள்ளதாகக் கூறப்படுகிறது.

தென் ஆப்பிரிக்க நாட்டில் கண்டறியப்பட்ட கொரோனா வைரஸ் தொற்றின் அடுத்த அவதாரமான ஒமைக்ரான் வைரஸ் தொற்று, இஸ்ரேல், இந்தியா, அமெரிக்கா, பிரிட்டன், பிரான்ஸ், ஆஸ்திரியா, நெதர்லாந்து உள்ளிட்ட நாடுகளுக்கு பரவி உள்ளது. இந்த வைரஸ் தொற்று, டெல்டா வகை கொரோனா தொற்றுகளை விட மிகவும் ஆபத்தானது என்றும், ஏற்கனவே கொரோனா வைரஸ் தொற்றால் பாதிக்கப்பட்டவர்களை குறிவைத்து ஒமைக்ரான் தாக்குவதாகவும் மருத்துவ நிபுணர்கள் எச்சரிக்கை விடுத்துள்ளனர்.

ஐரோப்பிய நாடான பிரிட்டனில், ராக்கெட் வேகத்தில், ஒமைக்ரான் வைரஸ் தொற்று பரவி வருகிறது. ஏற்கனவே பிரிட்டனில் கொரோனா தொற்று கடும் பாதிப்புகளை ஏற்படுத்திய நிலையில், தற்போது ஒமைக்ரான் பரவல் அங்கு அச்சத்தை ஏற்படுத்தி உள்ளது. கடந்த மூன்று நாட்களாக கொரோனா தினசரி பாதிப்பு, 90 ஆயிரத்தைத் தாண்டி பதிவாகி வருகிறது. இதனால் அந்நாட்டு மக்கள் அச்சம் அடைந்துள்ளனர். மேலும் ஒமைக்ரான் வைரஸ் தொற்றால் பாதிக்கப்பட்டவர்கள் எண்ணிக்கை 15 ஆயிரத்தை தாண்டி உள்ளது.
ஜன. 14 வரை முழு ஊரடங்கு – பிரதமர் எடுக்கப் போகும் முடிவு!
இந்நிலையில், கட்டுக் கடங்காமல் காட்டுத் தீ போல் கொரோனா வைரஸ் தொற்றுப் பரவி வருவதால், மீண்டும் முழு ஊரடங்கை அமல்படுத்த பிரதமர் போரிஸ் ஜான்சன் முடிவு செய்துள்ளதாகக் கூறப்படுகிறது. அதன்படி கிறிஸ்துமஸ் பண்டிகைக்கு பிறகு 2 வாரங்களுக்கு ஊரடங்கு அமல்படுத்தப்படலாம் என தகவல்கள் வெளியாகி உள்ளன. ஒமைக்ரான் அச்சுறுத்தல் காரணமாக, ஏற்கனவே, நெதர்லாந்தில் முழு ஊரடங்கு அமல்படுத்தப்பட்டு உள்ளது குறிப்பிடத்தக்கது.



Source link

Share on Social Media

Leave a Reply

Your email address will not be published.