Share on Social Media


ஹைலைட்ஸ்:

  • பிரான்ஸ் அதிபரின் செல்போன் ஒட்டுக் கேட்கப்படவில்லை
  • கூடுதல் பாதுகாப்பு கருதி செல்போன் மற்றும் எண் மாற்றப்பட்டுள்ளது
  • மொபைலின் மைக்ரோபோன்களையும் பெகாசஸ் ஸ்பைவேர் மூலம் ரகசியமாக இயக்க முடியும்

உலகெங்கிலும் உள்ள சமூக ஆர்வலர்கள், பத்திரிகையாளர்கள், வழக்கறிஞர்களின் செல்போன்கள், இஸ்ரேலின் என்எஸ்ஓ நிறுவனத்தின் பெகாசஸ் என்ற ஸ்பைவேர் மூலம் ஒட்டுக் கேட்கப்பட்டு, அவர்களின் தகவல்கள் அரசிடம் விற்கப்பட்டுள்ளதாக செய்திகள் வெளியாகியுள்ளன.

அத்துடன், இந்த பட்டியலில் 14 நாட்டு தலைவர்களின் பெயரும் இடம்பெற்றுள்ளது பெரும் சர்ச்சையை ஏற்படுத்தியுள்ளது. பெகாசஸ் ஸ்பைவேர் மூலம், ஐபோன்கள், ஆண்ட்ராய்டு போன்களில் ஊடுருவி குறிப்பிட்ட நபர்களின் மெசேஜ்கள், இமெயில்கள், தொலைபேசி அழைப்புகள் ஒட்டுக் கேட்கப்பட்டுள்ளது. மேலும் தாக்குதலுக்கு உள்ளான மொபைலின் மைக்ரோபோன்களையும் பெகாசஸ் ஸ்பைவேர் மூலம் ரகசியமாக இயக்க முடியும்.

பிரான்ஸை சேர்ந்த ஊடக நிறுவனமான ஃபர்பிடன் ஸ்டோரிஸ் நிறுவனத்துடன் உலகம் முழுவதும் உள்ள பல்வேறு பத்திரிகைகள் இணைந்து இந்த தகவலை புலனாய்வு செய்து வெளியிட்டுள்ளது. ஆனால், இந்தச் செய்தியில் உள்ள பொய்யான குற்றச்சாட்டுகளை நாங்கள் உறுதியாக மறுக்கிறோம் என்றும் என்எஸ்ஓ விளக்கமளித்துள்ளது.

10 பிரதமர்கள், 3 அதிபர்கள்…! உலகத் தலைவர்களை வேவு பார்த்த பெகாசஸ்! திடுக்கிடும் தகவல்கள்!
இந்த நிலையில், பிரான்ஸ் அதிபர் இம்மானுவேல் மேக்ரோனும் பெகாசஸ் ஸ்பைவேர் மூலம் உளவு பார்க்கப்பட்டதாக தகவல் வெளியானது. ஆனால் பிரான்ஸ் அதிபரின் செல்போன் ஒட்டுக் கேட்கப்படவில்லை என்று அந்நாட்டு பிரதமர் அலுவலகம் விளக்கம் அளித்தது. ஆனாலும், பிரான்ஸ் அதிபர் இம்மானுவேல் மேக்ரோன் தனது செல்போன் எண்ணை தற்போது மாற்றியுள்ளார். கூடுதல் பாதுகாப்பு கருதி செல்போன் மற்றும் எண் மாற்றப்பட்டுள்ளதாக தெரிகிறது.



Source link

Share on Social Media

Leave a Reply

Your email address will not be published. Required fields are marked *