Share on Social Media


ஹைலைட்ஸ்:

  • வளிமண்டலத்தில் உள்ள மிகச் சிறிய அளவிலான வாயுதான் கார்பன் டை ஆக்சைட்.
  • அதை எடுத்து ராக்கெட் எரிபொருள் தயாரிக்க மஸ்க்கின் ஸ்பேஸ்எக்ஸ் திட்டம்.
  • விரைவில் இந்தத் திட்டம் தொடங்கப்படும் என்று மஸ்க் தகவல்.

2021ம் ஆண்டின் மாபெரும் மனிதர் என்று இப்போதுதான் டைம் பத்திரிகை எலான் மஸ்க்கை தேர்வு செய்து கெளரவப்படுத்தியது. ஆனால் இந்த மனிதரோ, இந்த நூற்றாண்டின் மாபெரும் மனிதராக மாறி விடுவார் போல. அப்படித்தான் தோன்றுகிறது, அவர் தற்போது அறிவித்துள்ள திட்டத்தைப் பார்க்கும்போது.

இன்று ஒரு டிவீட் போட்டுள்ளார் எலான் மஸ்க். “வளி மண்டலத்தில் இருக்கும் கார்பன் டை ஆக்சைடை தனியாக எடுத்து அதை ராக்கெட்களுக்கான எரிபொருளாக மாற்றும் திட்டத்தை ஸ்பேக்எக்ஸ் மேற்கொள்ளவுள்ளது. யாருக்காவது விருப்பம் இருந்தால் சேரலாம். இது செவ்வாய் கிரகத்துக்கு ரொம்ப முக்கியமானது” இதுதான் அந்த டிவீட்டின் சாராம்சம்.

மேம்போக்காக பார்த்தால் ராக்கெட்டுக்கான எரிபொருள் தயாரிப்பு என்றுதான் தோன்றும். ஆனால் செம மாஸான திட்டத்தை படு கூலாக சொல்லியிருக்கிறார் எலான் மஸ்க். அவர் எப்பவுமே இப்படித்தான்.. ஜஸ்ட் லைக் தட் சொல்லி விட்டு போய் விடுவார். அவரது ஸ்பேஸ்எக்ஸ் திட்டமே அப்படித்தான் ஆரம்பித்தது. செவ்வாய் கிரகத்தில் மனிதர்களை குடியமர்த்தும் திட்டத்துடன்தான் இந்த நிறுவனத்தை ஆரம்பித்தார் எலான் மஸ்க். இன்று அது உலகின் மிகப் பெரிய தனியார் விண்வெளி நிறுவனமாக மாறி நிற்கிறது.

நமது வளிமண்டலத்தில் கார்பன் டை ஆக்சைடின் அளவு என்று பார்த்தால் மிக மிக மிக குறைவுதான். வாயுக்களால் நிரம்பிய வளி மண்டலத்தில் பிரதானமாக இருப்பது நைட்ரஜன்தான். கிட்டத்தட்ட 77 சதவீத அளவுக்கு நைட்ரஜன் வாயு நிரம்பிக் கிடக்கிறது. அடுத்து ஆக்சிஜன் கிட்டத்தட்ட 20 சதவீதத்திற்கு மேல் இருக்கிறது. மிச்ச சொச்ச வாயுக்கள் அதற்கு அடுத்த நிலையில் உள்ளன. அதில்தான் கார்பன் டை ஆக்சைடும் அடக்கம். ஆனால் இந்த மிச்ச சொச்ச வாயுக்களில் அதிகம் இருப்பது கார்பன் டை ஆக்சைடுதான்.

இந்த கார்பன் டை ஆக்சைடைத்தான் பிரித்து எடுத்து அதை ராக்கெட்டுகளுக்கான எரிவாயுவாக மாற்றும் திட்டத்தை மஸ்க்கின் ஸ்பேஸ்எக்ஸ் நிறுவனம் மேற்கொள்ளவுள்ளது. இது மிக முக்கியமான திட்டமாக பார்க்கப்படுகிறது. புவியில் நிலவும் மாசு மற்றும் காலநிலை மாற்றம் காரணமாக வளி மண்டலத்தில் உள்ள கார்பன் டை ஆக்சைடு அளவு அதிகரித்து வருவதாக சொல்கிறார்கள் விஞ்ஞானிகள். எனவே எலான் மஸ்க்கின் திட்டம் வெற்றி பெற்றால் வளி மண்டலத்தில் உள்ள கார்பன் டை ஆக்சைடு அளவை கட்டுக்குள் வைத்திருக்க முடியும். கார்பன் டை ஆக்சைட் அளவு அதிகரிப்பதால்தான் பூமியில் எல் நினோ போன்ற இயற்கைப் பேரிடர்கள் உருவாகிறது என்பது நினைவிருக்கலாம்.



Source link

Share on Social Media

Leave a Reply

Your email address will not be published.