Share on Social Media

இந்தியாவில் முட்டைக்கு என்று ஒரு முக்கியத்துவம் உண்டு. நாம் அனைவரும் முட்டையை பயன்படுத்துகிறோம். அடுத்த முறை நீங்கள் முட்டையை சமைத்த பிறகு முட்டையின் ஓடுகளை தூக்கி எறிய வேண்டாம். ஏனெனில் அவை உங்கள் முகத்திற்கு பல நன்மைகளை செய்ய கூடியவையாக உள்ளன.

​முட்டையின் வெள்ளைக்கரு

முட்டையின் வெள்ளைக்கரு மற்றும் மஞ்சள் கரு இரண்டும் புரத சத்துக்களை கொண்டுள்ளன. இவை இரண்டும் சரும ஆரோக்கியத்திற்கு உதவுகின்றன என பலருக்கும் தெரியும். ஆனால் முட்டையின் ஓடு கூட சருமத்திற்கு உதவுகின்றன. இவை சருமத்தில் மாற்றத்தை ஏற்படுத்தி உங்கள் வயதை குறைக்கின்றன.

​முட்டை ஓடு

samayam tamil Tamil News Spot

முட்டையின் ஓடானது சருமத்தில் உள்ள இறந்த செல்களை அகற்ற உதவுகிறது. இதனால் சருமத்தின் அடியில் உள்ள தெளிவான மென்மையான சரும வெளிப்படுகிறது. முட்டை ஓட்டில் 750 முதல் 800 மில்லி கிராம் வரை கால்சியம் சத்து உள்ளது. இது புதிய சருத செல்களை மீளுருவாக்கம் செய்ய ஊக்குவிக்கிறது.

உங்கள் சருமத்தை இது சமன் செய்கிறது. மேலும் உங்கள் சருமத்தை உறுதியாகவும் மிருதுவாகவும் மாற்றுகிறது. எனவே முட்டை ஓட்டை சரும பராமரிப்பிற்கு பயன்படுத்துவதற்கான சில வழிகளை நாங்கள் பட்டியலிட்டுள்ளோம்.

​முட்டை ஓட்டின் நன்மைகள்

samayam tamil Tamil News Spot
  • சருமத் துளைகளை அழிக்க உதவுகிறது
  • வயதை குறைவாக காட்டுகிறது
  • ஒளிரும் சருமத்தை வழங்குகிறது
  • சரும எரிச்சலை சரி செய்கிறது
  • சருமத்தில் உள்ள கோடுகள் மற்றும் சுருக்கங்களை சரி செய்கிறது
  • தோலில் கருமையான இடங்களை சரி செய்கிறது
  • சரும பராமரிப்பிற்கு முட்டை ஓடுகளை எப்படி பயன்படுத்தலாம்

​சரும அழற்சிக்கு உதவும் முட்டை ஓடு மற்றும் ஆப்பிள் வினிகர்

samayam tamil Tamil News Spot

ஆப்பிள் சைடர் வினிகர் பல்வேறு மருத்துவ குணங்களை கொண்டுள்ளது. இது பாக்டீரியா எதிர்ப்பு, பூஞ்சை காளான் மற்றும் வைரஸ் எதிர்ப்பு பண்புகளை கொண்டுள்ளது. அவை உங்கள் சரும தொற்றுநோய்களை தடுக்கவும் அழற்சியை குறைக்கவும் உதவுகின்றன. முட்டை ஓடு மற்றும் ஆப்பிள் வினிகர் கலவையை எப்படி செய்வது என பார்ப்போம்

தேவையான பொருட்கள்

  • ½ கப் ஆப்பிள் சைடர் வினிகர்
  • 2 முட்டை கூடுகள் அல்லது ஓடுகள்

செய்முறை:

முட்டை ஓடுகளை நொறுக்கி அவற்றை ஒரு கிண்ணத்தில் போட்டு அதில் ஆப்பிள் சைடர் வினிகரை சேர்க்கவும்

இந்த கலவையை 5 நாட்கள் ஊற வைக்கவும்

இப்போது இந்த கலவையில் ஒரு பஞ்சை நனைத்து சருமத்தில் தேவையான இடங்களில் தடவவும்.

சில நிமிடங்கள் இதை அப்படியே வைத்துவிட்டு பிறகு முகத்தை கழுவவும்.

இதை வாரம் ஒரு முறை அல்லது இரண்டு முறை செய்யலாம்.

​சரும துளைகளை சுருக்குவதற்கு உதவும் முட்டை ஓடு மற்றும் வெள்ளை கரு

samayam tamil Tamil News Spot

முட்டையின் வெள்ளை கருவில் சருமத்தை சுருக்க உதவும் அஸ்ட்ரிஜெண்ட் பண்புகள் உள்ளன. அவை உங்களுக்கு ஒளிர கூடிய அழகிய சருமத்தைத் தருகின்றன. இந்த முட்டை ஓடு மற்றும் வெள்ளை கரு கலவையை எப்படி செய்யலாம் என இப்போது பார்ப்போம்.

தேவையான பொருட்கள்

  • 1 முட்டை
  • 1 முட்டையின் வெள்ளைக்கரு

செய்முறை:

முட்டை ஓடுகளை நொறுக்கி அவற்றை முழுமையாக உலர வைக்கவும்

நன்றான தூளாக்குவதற்காக அவற்றை அரைக்கவும். பிறகு அரைத்த தூளை ஒரு கிண்ணத்தில் எடுத்துக் கொள்ளவும்.

இப்போது ஒரு முட்டையை எடுத்து அதில் வெள்ளை கருவை மட்டும் தனியாக எடுக்கவும்.

முட்டை பொடியுடன் அந்த வெள்ளை கருவை நன்கு கலக்கவும்.

இப்போது அதை உங்கள் முகத்தில் தேவையான இடத்தில் தடவவும். பிறகு சற்று நேரம் அவை முகத்தில் உலர வைக்கவும்.

பின்பு குளிர்ந்த நீரில் உங்கள் முகத்தை கழுவ வேண்டும். வாரத்திற்கு இருமுறை இதை செய்யலாம்.

​கரும்புள்ளியை நீக்க உதவும் முட்டை ஓடு மற்றும் தேன்

samayam tamil Tamil News Spot

தேன் சிறந்த சரும எக்ஸ்போலியேட்டர் ஆகும். இது சருமத்தில் உள்ள இறந்த செல்கள் மற்றும் சருமத்தில் உள்ள அசுத்தங்கள், நச்சுக்கள் ஆகியவற்றை நீக்குகிறது. இந்நிலையில் முட்டை ஓடு மற்றும் தேன் கலவையை நாம் முகத்தில் பயன்படுத்தும்போது அவை முகத்தில் உள்ள கரும் புள்ளிகளை நீக்க உதவுகிறது.

தேவையான பொருட்கள்

  • ஒரு முட்டை ஓடு
  • 2 டீஸ்பூன் தேன்

செய்முறை

ஒரு பாத்திரத்தில் முட்டையை நொறுக்கி அதனுடன் தேனை கலந்து கலவையாக்கவும்

அதை முகமெங்கும் தடவி உலர வைக்கவும்

பிறகு முகத்தை குளிர்ந்த நீரில் கழுவ வேண்டும்

வாரத்திற்கு இருமுறை இந்த கலவையை பயன்படுத்தலாம்

​இறந்த சரும செல்களை அகற்ற உதவும் முட்டை ஓடு மற்றும் சர்க்கரை

samayam tamil Tamil News Spot

சர்க்கரை நமது சருமத்தை ஈரப்பதமாக வைத்துக்கொள்ள மிகவும் உதவுகிறது. மேலும் இது உங்கள் சருமத்தில் இருந்து இறந்த செல்களை அகற்றவும் உதவுகிறது. இந்த கலவைக்கான செய்முறையை இப்போது பார்ப்போம்.

தேவையான பொருட்கள்

  • 1 முட்டை ஓடு
  • 2 டீஸ்பூன் சர்க்கரை

செய்முறை:

ஒரு பாத்திரத்தில் முட்டை ஓட்டை தூளாக்கி வைத்துக்கொள்ளவும். அதில் சர்க்கரை சேர்த்து சிறிது நீர் விட்டு நன்கு கலக்கவும்.

உங்கள் முகத்தை நன்கு துடைத்து 5 நிமிடங்களுக்கு பிறகு இந்த கலவையை தடவிக்கொள்ளவும். இதை 10 நிமிடம் வைத்திருக்க வேண்டும்.

பிறகு குளிர்ந்த நீரில் முகத்தை கழுவ வேண்டும்

வாரத்திற்கு ஒரு முறை இதை செய்யலாம்.

​சரும நெகிழ்ச்சி தன்மைக்கு உதவும் முட்டை ஓடு மற்றும் வெல்லம்

samayam tamil Tamil News Spot

உங்கள் சருமத்தின் நெகிழ்ச்சி தன்மைக்கும் முகப்பரு போன்ற பல சரும பிரச்சனைகளை சரி செய்யவும் வெல்லம் உதவுகிறது. மேலும் உங்கள் சருமத்தின் நெகிழ்வு தன்மையை பராமரிக்க இது உதவுகிறது. இதன் செய்முறையை இப்போது பார்ப்போம்.

தேவையான பொருட்கள்

  • 1 முட்டையின் ஓடு
  • 1 டீஸ்பூன் வெல்லம் தூள்

செய்முறை:

முட்டை ஓடுகளை நொறுக்கி தூளாக்கி அவற்றை நன்கு உலர வைக்கவும்.

அதை அரைத்து ஒரு கிண்ணத்தில் எடுத்துக் கொள்ளவும்.

இப்போது அதில் சிறிது வெல்லத் தூளை சேர்க்கவும்.

இந்த கலவையை முகம் முழுவதும் தடவி அதை சுமார் 20 நிமிடங்கள் முகத்தில் உலர விடவும்.

பிறகு முகத்தை குளிர்ந்த நீரில் கழுவ வேண்டும்.

வாரத்திற்கு ஒரு முறை இந்த செய்முறையை செய்யலாம்.

இந்த முறைகளை தொடர்ந்து பின்பற்றுவதன் மூலம் சிறந்த அழகான மிருதுவான சருமத்தை நீங்கள் பெற முடியும்.

Thanks for the Source

Share on Social Media

Leave a Reply

Your email address will not be published. Required fields are marked *