Share on Social Media


நம்மில் பலரும் சாப்பாட்டிற்குப் பிறகு பற்களில் சிக்கும் உணவுகளை நீக்குவதற்கு டூத் பிக் எனப்படும் பல் குத்தும் குச்சியைப் பயன்படுத்துகிறோம். ஆனால் அவை நமக்கு பெரும்பாலும் நன்மையை செய்வதில்லை. பல் குத்தும் குச்சியைப் பயன்படுத்தும்போது பலரும் ஈறுகளில் எரிச்சலை உணர்ந்திருக்கலாம். சிலருக்கு ஈறுகளில் இரத்தம் கூட வந்திருக்கலாம். பல் குத்தும் குச்சியைப் பயன்படுத்துவது நமது பற்கள் மற்றும் ஈறுகளுக்குத் தீங்கு விளைவிக்கும் என மருத்துவர்கள் கூறுகின்றனர்.

​பல் குத்தும் குச்சியின் அபாயங்கள்

பல் குத்தும் குச்சிகளைப் பயன்படுத்தும்போது முதலில் நமக்கு எந்தவித அறிகுறிகளும் தெரியாது. ஆனால் இந்த குச்சிகள் கூரான முனையைக் கொண்டிருப்பதால், ஒவ்வொரு முறை பயன்படுத்தும்போதும் அவை பற்களின் இடுக்குகளில் அல்லது ஈறுகளில் காயங்களை ஏற்படுத்தும். நமது ஈறுகள் மிகவும் மென்மையானவை. எனவே தொடர்ந்து நாம் பல் குத்தும் குச்சிகளைப் பயன்படுத்தும்போது அவை ஈறுகளின் பல இடங்களில் இரத்த கசிவை ஏற்படுத்தலாம்.

இதனால் உங்கள் பற்கள் பலவீனமடையலாம். அதாவது தொடர்ந்து பல் குத்தும் குச்சியைப் பயன்படுத்துபவர்கள், பற்களை இழப்பதற்கான அபாயத்தை அதிகமாகக் கொண்டுள்ளனர்.

​ஏன் பல் குத்தும் குச்சியைப் பயன்படுத்தக்கூடாது?

samayam tamil Tamil News Spot

மருத்துவர்கள் பின்வரும் காரணங்களால் பல் குத்தும் குச்சியைப் பயன்படுத்த வேண்டாம் எனப் பரிந்துரைக்கின்றனர்.

பல் குத்தும் குச்சிகள் மரத்துண்டுகளால் செய்யப்பட்டவை. எனவே அவற்றைப் பயன்படுத்தும்போது அவை உடைந்து நமது ஈறுகளிலேயே தங்கிவிடுவதற்கான வாய்ப்புகள் உள்ளன, சரியான சமயத்தில் இவை அகற்றப்படவில்லை எனில் அதனால் உங்கள் ஈறுகளில் வீக்கம் ஏற்படும். இந்த வீக்கமானது ஆபத்தானதாகவும், வேதனையளிப்பதாகவும் இருக்கும்.

குளிர்காலத்தில் பப்பாளி பழம் சாப்பிடலாமா? சாப்பிட்டால் என்னென்ன பயன்கள் கிடைக்கும்…

​பாக்டீரியா தொற்று

samayam tamil Tamil News Spot

பல் குத்தும் குச்சிகளில் பாக்டீரியா போன்ற தொற்று நோய்களை ஏற்படுத்தும் கிருமிகள் இருப்பதற்கான வாய்ப்புகள் உள்ளன. எனவே பல் குத்தும் குச்சியைப் பயன்படுத்துவதன் மூலம் நீங்கள் பற்கள் அல்லது வாய் பகுதியில் நோய்த் தொற்றைப் பெறுவதற்கான வாய்ப்புகள் அதிகமாக உள்ளன.

பல் குத்தும் குச்சிகளை அடிக்கடி பயன்படுத்தும்போது அதனால் ஈறுகளில் காயங்கள் ஏற்படுகின்றன. இதன் விளைவாக ஈறுகளில் இரத்தபோக்கு போன்ற பிரச்சனைகள் ஏற்படலாம். மேலும் இதனால் ஈறுகளில் பாக்டீரியா தொற்று ஏற்படலாம்.

கெட்ட கொழுப்பை கரைக்க எலுமிச்சை சாறுடன் இந்த ஒரு பொருளை கலந்து குடிங்க…

​பற்கள் வலுவிழக்கலாம்

samayam tamil Tamil News Spot

ஈறுகளில் பல் குத்தும் குச்சியைக் கொண்டு அதிக அழுத்தத்தைக் கொடுக்கும்போது அது பற்களின் சேதத்தை மேலும் அதிகரிக்கிறது. மேலும் பற்கள் வலுவிழக்கவும் இது காரணமாகிறது.

முறையற்ற வகையில் பல் குத்தும் குச்சிகளைப் பயன்படுத்தும்போது, அதனால் பற்களில் உணர்திறன் குறைவதற்கான வாய்ப்புகள் உள்ளன. இதனால் குளிரான அல்லது சூடான உணவுகளை உண்ணும்போது பல் கூச்சம் ஏற்பட வாய்ப்புள்ளது.

எடையும் ஊளைச்சதையும் குறையணுமா? வாரத்துல ரெண்டு நாள் இந்த சுரைக்காய் சூப் குடிங்க… ரெசிபி இதோ…

​வாய் கொப்பளியுங்கள்

samayam tamil Tamil News Spot

வாய் ஆரோக்கியத்திற்குத் தீங்கு விளைவிப்பதாக இருந்தாலும் கூட பல் குத்தும் குச்சிகளை சரியான வகையில் பயன்படுத்தும்போது அவை நமக்குத் தீங்கிழைப்பதில்லை. ஆனால் நம்மில் எத்தனை பேர் அதை சரியான வகையில் பயன்படுத்த தெரிந்து, பயன்படுத்துகிறோம்? என்பதே கேள்வியாக உள்ளது. எனவே பல் குத்தும் குச்சியை பயன்படுத்த தெரியாதவர்கள், பல் இடுக்குகளில் சிக்கியுள்ள உணவுகளை அகற்றுவதற்கு வாய் கொப்பளிக்கலாம். நீரைக் கொண்டு வாய் கொப்பளிப்பது மூலம் உணவு துகள்களை வெளியேற்ற முடியும்.



Source link

Share on Social Media

Leave a Reply

Your email address will not be published.