Share on Social Media

ஹைலைட்ஸ்:

  • நிவாரணம் தரும் மருந்தாக அவை செயல்படாது. வலி அங்கே தான் இருக்கும். வலிக்கான காரணமும் அப்படியே
  • வலி குடைச்சல் இருக்கே அதனால் சத்துமாத்திரைகளை கொடுங்களேன் என்று கேட்குமளவு மாத்திரைகளை


மாத்திரைகள் எப்போதும் நம் பிரச்சனைக்கான தீர்வு இல்லை என்று தொடங்குகிறார் மருத்துவர். உடல் நல கோளாறுகள் ஏற்படும் போது எல்லோரும் மருத்துவரிடம் செல்வது இயல்பானது. இப்போது போன்று அந்த காலம் இல்லை.

நமது மூதாதையர்கள் அவர்களது காலத்தில் உடல் நல குறைபாடு உண்டாகும் போது அப்போது நுழைந்த ஆங்கில மருந்துகளுக்கு அவர்கள் முக்கியத்துவம் கொடுத்தத்தில்லை. பெரும்பாலும் நாட்டு வைத்தியம், கைவைத்தியம், இயற்கை வைத்தியம் மூலமே அதை சரிசெய்துகொண்டார்கள். இதில் ஒரே ஒரு சிரமம் என்றால் காய்ச்சல் என்றாலும் அவை குணமாக சில நாட்கள் ஆக கூடும் அவ்வளவு தான்.

காலப்போக்கில் உடனடியாக காய்ச்சலை விரட்ட ஆங்கில மருந்துகள் உதவுகிறது என்று அதன் பக்கமாக போக துவங்கிவிட்டார்கள். இதனால் இன்று இயற்கை மருத்துவம், மருந்தில்லா மருத்துவம் என்று சொன்னாலும் இறுதியாக மாத்திரைகள் மீதுதான் அவர்களது கவனம் திரும்புகிறது.

இயற்கை வைத்தியம் செய்யும் போது கூட எங்களிடம் வருபவர்கள் மாத்திரைகள் கேட்கிறார்கள். மருந்து கொடுத்தால் தான் நோய் குணமாகும் என்று நினைக்கிறார்கள். அதனால் தான் மருத்துவரிடம் செல்லும் போது எல்லா பரிசோதனைகளையும் செய்து குறைபாடுகள் இல்லையென்றாலும் வலி குடைச்சல் இருக்கே அதனால் சத்துமாத்திரைகளை கொடுங்களேன் என்று கேட்குமளவு மாத்திரைகளை விரும்ப தொடங்கிவிட்டார்கள். மருத்துவரிடம் சுயமாக வாங்கி சாப்பிடும் பழக்கம் மக்களிடம் அதிகமாகவே இருக்கிறது.

வெயில் காலத்தில் முக்கியத்துவம் கொடுக்க வேண்டிய வைட்டமின்கள்! என்ன? ஏன்? எதில் இருக்கு!

மருந்துதான் ஆரோக்கியம் என்று நினைப்பதால் தான் மருந்தில்லாமல் யாரும் வைத்தியம் செய்து கொள்ள விரும்புவதில்லை. உண்மையில் மாத்திரைகள் என்பது என்ன என்று அறிவியல் ரீதியிலாக உணர்ந்து புரிந்துகொள்ள முயற்சிக்க வேண்டும். மருந்து என்றால் என்ன என்பதை புரிந்து கொள்ளுவது அவசியம்.

திருக்குறளில் மருந்து என்னும் அதிகாரத்தில் வள்ளுவர் கூறியிருக்கும் 10 குறள்களுமே மருந்து குறித்து அல்ல. அவர் உணவையே மருந்தாக கூறியிருக்கிறார். ஆக வழிவழியாக மருந்தை உணவாக எடுத்து கொண்டவர்கள் நம் முன்னோர்கள் என்பது தெளிவாக இருக்கிறது.

தமிழ் முறையில் மருந்துகள் எப்போது என்று கேட்கலாம். உடலில் இயற்கையாக இயங்ககூடிய விஷயங்கள் ஏதேனும் குறைபாட்டால் தவறாக இயங்கும் போது அதை சரி செய்ய மருந்துகள் தரப்படுகிறது.

இதுவும் அவரது உடல் நலனை பொறுத்து அவருக்கேற்ற மருந்தை தருகிறார்கள். குறைபாடு கொண்டவர்களது நாடி, அவரது உணவு முறை போன்றவற்றை அறிந்து நோய்க்கான காரணத்தை கண்டறிவார்கள். அவரது கிரக நிலையும் கூட ஆராய்வார்கள்.

அந்தகாலத்தில் பாரம்பரிய மருத்துவர்கள் ஏதேனும் ஒரு உடல் நல குறைபாட்டை கொண்டிருந்தால் அதே குறைபாட்டோடு ஏதேனும் நோயாளி வந்தால் அவர்களுக்கு தன் கையால் மருந்து கொடுக்க மாட்டார். அதே போன்று அந்த நோய்க்கான மருந்தை அவர் தயாரிக்கவும் மாட்டார்.

இப்போது மருந்து தயாரிப்பவர், தயாரிக்கும் இடம், விற்பனைக்கான இடம், அளவு போன்ற அனைத்துக்குமே அரசிடம் அனுமதி பெற வேண்டும். அதற்கு காரணம் இந்த மருந்துகள் தயாரிப்பில் சேர்க்கப்படும் பொருள்கள் துல்லியமாக இருக்க வேண்டும். அளவு மாறினால் அது ஆபத்தை உண்டாக்கிவிடும். பக்கவிளைவை உண்டாக்கிவிடலாம்.

வெயில் காலம் : சிறுநீர் பாதை எரிச்சல் தொற்று வராமல் தடுக்க இதை செய்யுங்க! பெண்களுக்கானது!

மருந்து எந்தவகையாக இருந்தாலும் அவை உள்ளுக்கு செல்லும் போது அது அந்த குறைபாட்டுக்கு நிவாரணம் தரும் மருந்தாக அவை செயல்படாது. வலி அங்கே தான் இருக்கும். வலிக்கான காரணமும் அப்படியே இருக்கும் ஆனால் வலியை மட்டும் உணரவிடாமல் செய்யும்.

அதாவது அறுவை சிகிச்சை செய்யும் இடத்தில் வலி உணர்வு இல்லாமல் இருக்க மயக்க மருந்து செலுத்துவது போன்று தான் மருந்துகள் உடலில் செயல்படுகிறது.

அப்படியெனில் மாத்திரைகள் இல்லாமல் வாழமுடியுமா? என்று கேட்கலாம். அதற்கான விடை உங்களிடம் தான் உள்ளது. முதலில் மருந்தில்லாமல் ஆரோக்கியமாக வாழமுடியும் என்பதை மனதில் நம்புங்கள். இயற்கையாக இயற்கையோடு இணைந்து வாழுங்கள். வாழும் வரை வாழ்க்கை ஆரோக்கியமாக இருக்கும்.

Thanks for the Source

Share on Social Media

Leave a Reply

Your email address will not be published. Required fields are marked *