Share on Social Media

மழைக்காலத்தில் காது குத்துவது என்பது உங்களது தொற்றை அதிகப்படுத்த வாய்ப்பு உள்ளது. ஆனால் இன்றைய நவீன கால கட்டத்தில் மாடர்ன் பெண்கள் அழகுக்காக காதுகளை சுற்றி நிறைய கம்மல்களை மாட்டிக் கொள்கின்றனர். இது குறித்து நிபுணர்கள் என்ன கூறுகிறார்கள் என்றால் மழைக்காலத்தில் காதுகளில் துளையிடுவது பல தோல் பிரச்சினைகளை உண்டாக்கும். ஏனெனில் அறிவியல் கூற்றுப்படி காது மற்றும் மூக்கு சந்திக்கும் இடங்களில் அழுத்தம் கொடுப்பது தவறு என கூறுகிறது. மழைக்காலத்தில் காது அல்லது மூக்கு பகுதியில் அழுத்தம் கொடுத்து குத்துவது உங்க வலியை மேலும் அதிகரிக்கும்.

​சருமப் பிரச்சினைகள் ஏற்படாமல் இருக்க

எனவே இது போன்ற சரும பிரச்சனைகள் ஏற்படாமல் இருக்க சரியான நேரம் பார்த்து காது மற்றும் மூக்கு குத்துவது நல்லது. முடிந்த வரை கோடை காலத்தில் இந்த மாதிரியான காது குத்தை செய்யலாம். அதே மாதிரி காது குத்திய பிறகும் அந்த இடம் மேலும் புண்ணாகாமல் இருக்க சரியான பராமரிப்பு நடவடிக்கைகளில் ஈடுபட வேண்டும். மழைக்காலத்தில் காற்றில் ஈரப்பதம் இருப்பதால் காது குத்திய புண் ஆற நேரம் எடுக்கும். இதுவே காற்று மற்றும் வெயில் காலம் என்றால் சீக்கிரமே புண்கள் வறண்டு போய் சீக்கிரமே ஆறி விட வாய்ப்பு உள்ளது.

சரி வாங்க. மழைக்காலத்தில் காது குத்துவதால் நீங்கள் எந்த மாதிரியான பிரச்சினைகளை சந்திக்க நேரிடும் என தெரிந்து கொள்வோம். மழைக்காலத்தில் காது குத்துவதால் ஏற்படும் பிரச்சினைகள்

​வீக்கம் :

samayam tamil Tamil News Spot

மழைக்காலத்தில் காது குத்தினால் 3-4 நாட்களுக்கு வீக்கமானது இருக்கும். இதனால் அந்த பகுதிக்கு உடலானது அதிக இரத்த ஓட்டத்தை ஏற்படுத்தும். அதே நேரத்தில் மழைக்காலத்தில் உள்ள ஈரப்பதம் புண் ஆற ஏதுவான சூழ்நிலையை கொடுக்காது. சுற்றுப்புற சூழல் வெப்பம் மற்றும் ஈரப்பதம் இரத்த நாளங்களில் நீர் கோர்ப்பு ஏற்பட்டு அந்த பகுதி வீங்க ஆரம்பித்து விடும்.

​அழற்சி விளைவுகள் :

samayam tamil Tamil News Spot

சூடான மற்றும் ஈரமான நிலைகள் தொற்றை மேலும் செழித்து வளர வைக்கும். சரும துளைகள் எண்ணெய் மற்றும் அழுக்கால் அடைபட்டு வீக்கம் மற்றும் தொற்றுநோயை மேலும் அதிகப்படுத்தும். இதனால் சிவத்தல் மற்றும் அசெளகரியம் போன்ற பிரச்சினைகள் ஏற்படலாம்.

​சரும தடிப்புகள் :

samayam tamil Tamil News Spot

வெப்பம் மற்றும் ஈரமான சூழ்நிலையால் சரும தடிப்புகள் ஏற்படலாம். அதிகப்படியான வியர்வை உங்க சரும அழற்சியை மேலும் மோசமாக்கும். இதனால் அரிப்பு மற்றும் சொறி போன்றவற்றை சந்திப்பீர்கள். அழுக்கான கைகளால் அந்த இடத்தை சொறிவது, சொறிந்து அந்த இடம் புண்ணாவது போன்ற பிரச்சினைகளை சந்திக்க நேரிடலாம்.

​சீழ் வடிதல் :

samayam tamil Tamil News Spot

சிலருக்கு காது குத்திய இடத்தில் இருந்து சீழ் வடிய ஆரம்பிக்கும். இது பாக்டீரியாவால் பாதிக்கப்பட்ட மயிர்க்கால்களின் விளைவால் ஏற்படலாம். அங்குள்ள பாக்டீரியாவை அழிக்க நம்முடைய நோயெதிர்ப்பு மண்டலம் இரத்த வெள்ளை அணுக்களை செயல்படுத்தும். அப்போது இறந்த பாக்டீரியாக்கள் சேர்ந்து ஒரு சீழ் வடிவ திரவமாக வெளியேறுகிறது. இது உங்களுக்கு வேதனையையும் அதே நேரத்தில் அசெளகரியத்தையும் கொடுக்கும்.

எக்ஸிமா :

samayam tamil Tamil News Spot

எக்ஸிமா என்பது சருமத்தில் ஏற்படும் வறண்ட செதில் மற்றும் நமைச்சலை குறிக்கிறது. சுற்றுப்புற வெப்பம் மற்றும் ஈரப்பதத்தால் எக்ஸிமா என்ற தோல் உரிதல் பிரச்சினைகளை நீங்கள் சந்திக்கலாம். இதனால் தாங்க முடியாத வலி மற்றும் அசெளகரியம் உண்டாகும். எனவே இனிமேல் காது குத்துவதற்கு சரியான காலநிலையை தேர்ந்தெடுங்கள்.

Thanks for the Source

Share on Social Media

Leave a Reply

Your email address will not be published. Required fields are marked *