Share on Social Media


கடந்த 2017 ஆம் ஆண்டு மோகன்லால், மீனா நடிப்பில் ஜீத்து ஜோசப் இயக்கத்தில் வெளியாகி மிகப்பெரிய வெற்றி பெற்ற திரைப்படம் ‘த்ரிஷ்யம்’. இந்த படம் தமிழ் உள்பட கிட்டத்தட்ட அனைத்து இந்திய மொழிகளிலும் வெளியாகி வசூல் சாதனை படைத்தது. இந்நிலையில் சீனா மொழியில் ரீமேக் செய்யபட்ட ‘த்ரிஷ்யம்‘ திரைப்படம் குறித்த சில சுவாரஸ்யமான தகவலகள் தற்போது வெளியாகி இணையத்தில் வைரலாகி வருகின்றன.

கேரளா மட்டுமல்லாது உலகம் முழுக்க வெளி்யாகி 500 மில்லியன் வரை வசூல் சாதனை புரிந்த திரைப்படம் என்ற பெருமை ‘த்ரிஷ்யம்’ திரைப்படத்திற்கு உள்ளது. அதோடு சீனாவில் ரீமேக் செய்யப்பட்ட முதல் இந்தியப் படம் என்ற சாதனையும் படைத்தது. ‘வூ ஷா’ (Wù Shā) எனப் பெயரிடப்பட்ட ‘த்ரிஷ்யம்’ சீன ரீமேக் கடந்த 2019 ஆம் ஆண்டு டிசம்பர் மதம் வெளியானது. இயக்குனர் சாம் குவா என்பவர் இந்த ரீமேக்கை இயக்கியிருந்தார்.

மலையாள ‘த்ரிஷ்யம்’ கதையை அப்படியே சீனா மொழியில் ரீமேக் செய்ய நினைத்த இயக்குனர் சாமின் ஆசையில் சிக்கல் இருந்தது. அதாவது, மலையாள த்ரிஷ்யத்தில் மோகன்லால் குடும்பத்தை விசாரணை செய்யும் போது போலீசார் சித்ரவதை செய்வது போல் காட்சி அமைக்கப்பட்டிருக்கும். சீனாவில் இப்படி சீன போலீஸ் சித்ரவதை செய்வதுபோல் காண்பித்தால் சீன சட்டதிட்டங்களின் படி சென்சார் போர்டு படத்தை தடை செய்யும்.

நயன்தாரா பாணியை பின்பற்றும் காஜல் அகர்வால்: எதிர்பார்ப்பில் ரசிகர்கள்!
இதனால் திரைக்கதையில் சில மார்ராங்க்களை செய்தார் இயக்குனர் சாம் குவா. அதன்படி கதை நடக்கும் இடத்தை சீனாவின் ஒரு நகரமாக காட்டாமல் கற்பனையில் ஒரு நகரத்தை உருவாக்கி அந்த நகரத்தின் போலீசார் ஹீரோ குடும்பத்தினரை சித்திரவதை செய்வது போல் காட்டியுள்ளார். அதேபோல் கிளைமாக்ஸில் நாயகன் சரண் அடைவது போல் காட்டி உள்ளார் என்பது குறிப்பிடத்தக்கது.

மிக குறைந்த பொருட்செலவில் தயாரான சீன ரீமேக்கான ‘த்ரிஷ்யம்’ 2019 ஆம் ஆண்டு சீனாவில் வெளியாகி வரவேற்பை பெற்றது. இதன் காரணமாக இந்தப் படம் 168 மில்லியன் டாலர்களை வசூலித்ததுள்ளது. அதே தருணத்தில் வெளியாகி சாதனை படைத்திருந்த டோனி யென் நடித்த ‘IP Man 4’ படத்தின் வசூலை ‘த்ரிஷ்யம்’ சீன ரீமேக் முறியடித்தது என்பது குறிப்பிடத்தக்கது. இந்நிலையில் ஓடிடியில் வெளியாகி ரசிகர்களிடம் வரவேற்பை பெற்ற ‘த்ரிஷ்யம்’ இரண்டாவது பாகத்தையும் சாம் குவாவே சீன மொழியில் ரீமேக் செய்ய உள்ளதாக தகவல்கள் வெளியாகியுள்ளன.



Source link

Share on Social Media

Leave a Reply

Your email address will not be published. Required fields are marked *