Share on Social Media

இந்த கொரோனா தொற்று காலத்தில் வீட்டில் இருந்தே உடல் எடையை குறைப்பது எவ்வாறு என்று பலரும் குழம்பி கொண்டிருக்கலாம். ஆனால் ஒரு தம்ளர் பால் உடல் எடையை குறைப்பதில் முக்கிய பங்கு வகிக்கிறது என்று உங்களுக்கு தெரியுமா. தினசரி ஒரு தம்ளர் பால் அருந்துதல் நமது ஆரோக்கியத்தை மேம்படுத்தி உடல் எடையை குறைக்க நமக்கு உதவுகிறது. மேலும் இது குறித்து இந்த கட்டுரையில் தெரிந்து கொள்வோம்.

​பால் குடிப்பது

ஒரு டம்ளர் பாலை தினமும் அருந்துவது உடல் எடையைக் குறைக்க எவ்வாறு உதவுகிறது?

பால் ஊட்டச்சத்து நிறைந்த ஒரு உணவு, அதில் அதிகளவு புரதசத்து உள்ளது. பதப்படுத்தப்பட்ட புரத பானங்களுக்கு மாற்றான ஒரு இயற்கை பானம் பால் ஆகும். இது நீண்ட நேரம் பசியை தூண்டுவதில்லை. இது மட்டுமல்ல, பால் நுகர்வு GLP-1, PYY மற்றும் CCK போன்ற பசியைக் குறைக்கும் ஹார்மோன்களின் அளவை அதிகரிக்கிறது. அதே நேரத்தில் க்ரெலின் (பசி ஹார்மோன்) அளவைக் குறைக்கிறது. இது ஒரு நபரை குறைவான கலோரிகளை உட்கொள்ள செய்கிறது மற்றும் இதன் காரணமாக எடை இழப்பிற்கு உதவுகிறது.

​பாலின் பிற ஆரோக்கிய நன்மைகள்

samayam tamil Tamil News Spot

நிபுணர்கள் கூறுகையில், படுக்கைக்குச் செல்வதற்கு முன் ஒரு டம்ளர் வெதுவெதுப்பான பாலைக் குடிப்பது நல்ல அளவு தூக்கத்தைப் பெற உதவுகிறது. இயற்கையில், பாலில் டிரிப்டோபான், மெக்னீசியம் மற்றும் மெலடோனின் போன்ற பல ஊட்டச்சத்துக்கள் உள்ளன. இது தூக்கம் தொடர்பான அனைத்து பிரச்சினைகளையும் தீர்க்க உதவுகிறது.

​ஊட்டச்சத்துக்கள் நிறைந்தது

samayam tamil Tamil News Spot

பாலில் புரத சத்து நிறைந்திருப்பதால், அது விரைவான வளர்சிதை மாற்றத்திற்கு உதவுகிறது. இதனால் இது கலோரிகளை வேகமாக எரிக்க உதவுகிறது. புரத சத்து மட்டுமல்ல, பாலில் கால்சியம், வைட்டமின் டி மற்றும் லினோலெனிக் அமிலம் ஆகியவையும் உள்ளன. அவை வளர்சிதை மாற்றத்தை விரைவுபடுத்துவதன் மூலம் கூடுதல் கிலோ எடையை இழக்க உதவுகின்றன.

​ஆற்றல் கிடைக்க

samayam tamil Tamil News Spot

தினமும் ஒரு கிளாஸ் சூடான பாலுடன் உங்கள் நாளை தொடங்கினால், அது புரதத்தைக் கொண்டிருப்பதால் தசையை வலுவடையச் செய்யும். தசையை வளர்ப்பதற்கு உதவுவதோடு மட்டுமல்லாமல், ஏராளமான ஆற்றல்களையும் தருகிறது – மேலும் நாள் முழுவதும் உங்களை சுறுசுறுப்பாக வைத்திருக்க உதவுகிறது.

​உயர் இரத்த அழுத்தத்தை நிர்வகிக்க

samayam tamil Tamil News Spot

ஒவ்வொரு நாளும் குறைந்த கொழுப்புள்ள பாலை உட்கொள்வது உயர் இரத்த அழுத்தத்தைத் தடுக்க உதவும் என்று உங்களுக்குத் தெரியுமா? முயற்சி செய்து பாருங்கள்.

​நல்ல தூக்கம்

samayam tamil Tamil News Spot

படுக்கைக்குச் செல்வதற்கு முன் ஒரு கிளாஸ் சூடான பால் குடிப்பதால் உங்களுக்கு நல்ல தூக்கம் கிடைக்கும் என்று நிபுணர்கள் கூறுகிறார்கள். வெறுமனே பால் குடிக்கப் பிடிக்காதவர்கள் மஞ்சள், சுக்குப்பொடி, மிளகு, தேன், பனங்கற்கண்டு ஆகியவற்றில் ஏதேனும் ஒன்றைச் சேர்த்து உங்களுக்குப் பிடித்த சுவையில் அருந்துங்கள். இதை முயற்சி செய்து பாருங்கள்

​மலச்சிக்கலை சரிசெய்ய

samayam tamil Tamil News Spot

உங்களுக்கு மலச்சிக்கல் பிரச்சனை இருந்தால், ஒரு கிளாஸ் சூடான பால் குடித்தால் போதும். இது மலச்சிக்கல் பிரச்சனையில் இருந்து விரைவில் விடுபட உதவும். இரவில் பால் குடித்துவிட்டு படுத்தால் செரிமானக் கோளாறு ஏற்படும் என்று சிலர் சொல்லுவார்கள். ஆனால் அது உண்மையல்ல. மருத்துவர்கள் பெரும்பாலும் இரவில் பால் குடிப்பதையே பெரிதும் பரிந்துரைக்கிறார்கள்.

Thanks for the Source

Share on Social Media

Leave a Reply

Your email address will not be published. Required fields are marked *