Share on Social Media


ஹைலைட்ஸ்:

  • பேச்சு உரிமைக்கு எதிராக செயல்படும் பெரிய டெக் நிறுவனங்களை எதிர்க்கும் நோக்கிலே தொடங்கப்பட்டுள்ளது
  • ட்விட்டர் தளத்தில் தாலிபான்கள் அதிகளவில் மிகத் தீவிரமாக இயங்கி வருகிறார்கள்
  • ட்ரூத் சோஷியல் என்ற பெயரில் பிரத்யேக சமூக வலைதளத்தை டொனால்ட் ட்ரம்ப் தொடங்கியுள்ளார்

அமெரிக்க முன்னாள் அதிபர் டொனால்ட் ட்ரம்ப் சர்ச்சைகளுக்கு பெயர் போனவர். அவரது சமூக வலைதளங்களில் தெரிவிக்கும் கருத்துகள் அவரது ஆதரவாளர்களை தூண்டும் விதத்தில் இருப்பதாக குற்றம் சாட்டப்படுகிறது. கடந்த அதிபர் தேர்தலின் போது ஜோ பைடன் வெற்றியை ஏற்க மறுத்த டொனால்ட் ட்ரம்ப் தெரிவித்த கருத்துகளால் அந்நாட்டு நாடாளுமன்றத்தில் அவரது ஆதரவாளர்கள் வன்முறையில் ஈடுபட்டனர்.

இதனால், டொனால்ட் ட்ரம்ப்பின் அதிகாரப்பூர்வ ஃபேஸ்புக், ட்விட்டர் கணக்குகள் நிரந்தரமாக முடக்கப்பட்டன. டொனால்ட் ட்ரம்ப் வன்முறையைத் தூண்டுவதாகக் கூறி அவரது கணக்குகள் முடக்கப்பட்டன. சுமார் 9 மாதங்களாக சமூக வலைதளங்களில் இருந்து வெளியேற்றப்பட்ட டொனால்ட் ட்ரம்ப், தற்போது சொந்தமாக சமூக வலைதளம் ஒன்றை தொடங்குவதாக அறிவித்துள்ளார்.

அதன்படி, ட்ரூத் சோஷியல் என்ற பெயரில் பிரத்யேக சமூக வலைதளத்தை டொனால்ட் ட்ரம்ப் தொடங்கியுள்ளார். இந்த வலைதளம் அடுத்த மாதம் செயல்பாட்டுக்கு வரும் என தெரிவிக்கப்பட்டுள்ளது. இந்த வலைதளத்தை ட்ரம்ப் மீடியா அண்ட் டெக்னாலஜி க்ரூப் (Trump Media & Technology Group TMTG) என்ற நிறுவனம் உருவாக்கி வருகிறது.
100 கோடி தடுப்பூசி: பிரதமர் மோடிக்கு உலக சுகாதார நிறுவனம் பாராட்டு!
இதுகுறித்து டொனால்ட் ட்ரம்ப் கூறுகையில், “ட்ரூத் சோஷியல் சமூக வலைத்தளத்தை தொடங்கியுள்ளேன். பேச்சு உரிமைக்கு எதிராக செயல்படும் பெரிய டெக் நிறுவனங்களை எதிர்க்கும் நோக்கிலே தொடங்கப்பட்டுள்ளது” என்றார். மேலும், ட்விட்டர் தளத்தில் தாலிபான்கள் அதிகளவில் மிகத் தீவிரமாக இயங்கி வருகிறார்கள். அவர்களுக்கு அதில் இடம் உள்ளது. ஆனால், எனக்கு இடமில்லை என்பது ஏற்றுக் கொள்ள முடியாது என்றும் டொனால்ட் ட்ரம்ப் தெரிவித்துள்ளார்.



Source link

Share on Social Media

Leave a Reply

Your email address will not be published. Required fields are marked *