Share on Social Media


அமெரிக்காவை சேர்ந்த ஃபைசர், மாடெர்னா ஆகிய இரு நிறுவனங்களும் உருவாக்கியுள்ள கோவிட்-19 தடுப்பூசிகள் இறுதிகட்ட சோதனையிலும் வெற்றிபெற்றுள்ளன. இந்நிறுவனங்களிடம் கோடிக்கணக்கில் தடுப்பூசிகளை வாங்க அமெரிக்க அரசு ஏற்கெனவே ஒப்பந்தம் போட்டுள்ளது.

இதுபோக, இந்தியா உள்பட ஏராளமான நாடுகள் கோடிக்கணக்கான தடுப்பூசிகளுக்கு ஆர்டர் கொடுத்துள்ளன. இங்கிலாந்து நேற்று முதல் பொதுமக்களுக்கு ஃபைசர் தடுப்பூசியை போடத் தொடங்கிவிட்டது. இந்தியாவில், ஃபைசர் தடுப்பூசிகளை சேமித்து வைப்பதற்காக மத்திய அரசு குளிர் சேமிப்பு வசதிகளுக்கு ஏற்பாடு செய்து வருகிறது.

இவங்களெல்லாம் கோவிட்-19 தடுப்பூசி போடக்கூடாது: அரசு எச்சரிக்கை!

இந்நிலையில், கோவிட்-19 தடுப்பூசியை வழங்குவதில் அமெரிக்கர்களுக்கு முன்னுரிமை வழங்குவதற்கான உத்தரவில் அதிபர் டொனால்ட் ட்ரம்ப் கையெழுத்திட்டுள்ளார். அமெரிக்கர்களுக்கு தடுப்பூசியில் முன்னுரிமை வழங்குவதற்காக, தேவைப்பட்டால் ராணுவ தயாரிப்பு சட்டத்தை (defence production act) பயன்படுத்தவும் தயாராக இருப்பதாக ட்ரம்ப் தெரிவித்துள்ளார்.

பாதுகாப்பான, சக்திவாய்ந்த கோவிட்-19 தடுப்பூசிகளை அமெரிக்க நிறுவனங்களே முதல்முறையாக உருவாக்கியுள்ளதாக ட்ரம்ப் தெரிவித்துள்ளார். உத்தரவில் கையெழுத்திட்டபோது பேசிய ட்ரம்ப், “நாம் ஒன்றாக இணைந்து கொரோனாவை வீழ்த்துவோம். நம் நாட்டிலும், உலகம் முழுவதிலும் கோடிக்கணக்கான மக்களின் உயிர்களை காப்பாற்றுவோம்” என்று தெரிவித்துள்ளார்.

மெகா குடும்பத்துக்கு நடிகைக்கு ரூ. 1.5 கோடி மதிப்புள்ள நகையை பரிசளித்த சிரஞ்சீவி

மேலும், தடுப்பூசி உருவாக்கப்படுவதற்காக அமெரிக்க அரசு 1400 கோடி டாலர் செலவிட்டுள்ளதாக ட்ரம்ப் செய்தியாளர்களிடம் தெரிவித்தார். இந்த முதலீட்டின் விளைவாக சக்திவாய்ந்த தடுப்பூசிகளை ஃபைசர், மாடர்னா ஆகிய நிறுவனங்கள் உருவாக்கியுள்ளதாக அவர் தெரிவித்துள்ளார்.



Source link

Share on Social Media

Leave a Reply

Your email address will not be published. Required fields are marked *