Share on Social Media

உலகம் முழுவதும் மருத்துவர்களை கெளரவிக்கும் பல்வேறு நிகழ்வுகள் நடக்கின்றன. ஏனெனில் மருத்துவர்கள் நமது வாழ்வில் மிகவும் முக்கியமானவர்கள். மேலும் இந்த கொரோனா தொற்று காலத்தில் அவர்களுடைய பங்கு மிகவும் முக்கியமானது. ஜூலை 1 ஆம் தேதியானது இந்தியாவில் தேசிய மருத்துவர் தினமாக கொண்டாடப்படுகிறது.

மருத்துவர்களை நாம் கெளரவிப்பதற்கான ஒரு நாளாக இந்த நாள் உள்ளது. இந்தியாவில் சிறந்த மருத்துவராக இருந்தவர்தான் டாக்டர் பிதான் சந்திர ராய். மேலும் இவர் மேற்கு வங்கத்தின் இரண்டாவது முதல்வராகவும் இருந்தவர். மருத்துவ துறையில் அவர் செய்த மகத்தான அர்பணிப்பையும் பங்களிப்பையும் போற்றும் விதமாக அவருடைய பிறந்த நாளான ஜூலை 1 ஆம் தேதியானது இந்தியாவின் தேசிய மருத்துவர் தினமாக கொண்டாடப்படுகிறது.

தடுப்பூசி போட்டவர்களையும் கோவிட் டெல்டா வகை வைரஸ் பாதிக்கிறதா?… ஆய்வு சொல்லும் உண்மை என்ன…

அமெரிக்காவில் மார்ச் 30 அன்று தேசிய மருத்துவர் தினமானது கொண்டாடப்படுகிறது. இந்த கொரோனா தொற்று உலகம் முழுவதும் பரவ துவங்கியது முதலே மக்களின் உயிரை காப்பதற்காக காலம் நேரம் பார்க்காமல் வீட்டிற்கு கூட செல்லாமல் மருத்துவர்கள் பணி செய்து வருகின்றனர். இந்த காலக்கட்டத்தில் பல மருத்துவர்கள் இந்த கொடிய கொரோனா வைரஸால் பாதிக்கப்பட்டனர்.

தொற்று பரவ துவங்கிய ஆரம்பக்கட்டத்தில் வைரஸ் சிகிச்சை பற்றி எந்த தெளிவும் இல்லாதப்போது பல மருத்துவர்கள் தங்களின் அனுபவத்தை பயன்படுத்தி நோயாளிகளை குணப்படுத்த முயன்றனர். பல்வேறு நோய்களுக்கு பயன்படுத்தும் மருந்துகளை கொண்டு அவர்கள் சிகிச்சை அளித்தனர்.

புதிய டெல்டா பிளஸ் கொரோனாவின் அறிகுறிகள் என்னென்ன… அவற்றை எப்படி தவிர்க்கலாம்…

அந்த சமயத்தில் மருத்துவமனையில் மருத்துவர்களுக்கு போதுமான தனிப்பட்ட பாதுகாப்பு உபகரணங்கள் கூட இல்லாத காலமாக இருந்தது. ஆனாலும் மருத்துவர்கள் யாரும் தங்களது கடமையில் இருந்து பின்வாங்கவில்லை. சமூகத்தின் நன்மைக்காக அவர்கள் தொடர்ந்து கொரோனாவிற்கு எதிராக போராடி வந்தனர்.

இந்த கடினமான காலங்களில் பல மருத்துவர்கள் சிகிச்சை பெற முடியாதவர்களுக்கு ஆன்லைன் மூலம் இலவச ஆலோசனையை வழங்கி வந்தனர். எந்த ஒரு அடிப்படை வசதிகளும் கிடைக்காத கிராமப்புறங்களை சேர்ந்த மக்களுக்கு சிகிச்சையளிப்பதற்காக சில மருத்துவ வல்லுநர்கள் குழு கிராமபுறங்களுக்கும் சென்றது.

கொரோனா தடுப்பூசி போட்டபின் தடுப்பூசி சான்றிதழை பதிவிறக்கம் செய்வது எப்படி?

இப்படியாக கொரோனாவுக்கு எதிராக போராடி மக்களை காப்பாற்ற மருத்துவர்கள் எடுத்துக்கொண்ட பணி கொரோனா தாக்கத்தை குறைப்பதில் முக்கிய பங்கு வகிக்கிறது. எனவே இன்றைய நாளில் அவர்களை கெளரவிப்பதே நாம் அவர்களுக்கு செய்யும் கடமையாக இருக்கும்.

Thanks for the Source

Share on Social Media

Leave a Reply

Your email address will not be published. Required fields are marked *