Share on Social Media


இரத்த சர்க்கரை அளவைக் கட்டுக்குள் வைக்க பலரும் பலவித முயற்சிகளை மேற்கொண்டு வருகின்றனர். சிலர் டயட்டில் இருப்பர், சிலர் உடற்பயிற்சியில் ஈடுபடுவர். அப்படி இருந்தும், என்னதான் செய்தாலும் சர்க்கரை நோய் உங்களின் கட்டுப்பாட்டில் இல்லையா? இந்தப் பகுதியில் சர்க்கரை நோயை கட்டுப்படுத்த தவிர்க்க வேண்டிய சில முக்கியமான உணவுகள் என்ன என்று தெரிந்து கொள்வோம் வாங்க.

​நீரிழிவு பிரச்சினை

அண்மைக் காலமாக சர்க்கரை நோயாளிகளின் எண்ணிக்கை அதிகரித்து கொண்டே வருகின்றது. சர்க்கரை நோயை கட்டுக்குள் வைக்க வேண்டும் என்று பலரும் பல மருந்துகள் மற்றும் மாத்திரைகளை உட்கொண்டு வருவர். இன்னும் சிலர் மருத்துவமனைக்கும், வீட்டுக்கும் அலைந்து கொண்டே இருப்பர். நீங்கள் சர்க்கரையை உங்களின் கட்டுப்பாட்டில் வைக்க விரும்புகிறீர் எனில், உங்களின் உணவு முறையில் சில மாற்றங்களை செய்தாலே போதும். இரத்த சர்க்கரை உங்களின் கட்டுப்பாட்டில் வந்துவிடும்.

​தவிர்க்க வேண்டிய உணவுகள்

samayam tamil Tamil News Spot

சர்க்கரை நோய் உள்ளவர்கள் தங்களின் உணவுப் பழக்கத்தில் ஒரு சில கட்டுப்பாடுகளை விதித்துக் கொள்ள வேண்டும். அதாவது, சர்க்கரை நோய் உள்ளவர்கள் சில வகையான உணவுகளை எடுத்துக் கொள்ளாமல் தவிர்ப்பது இரத்த சர்க்கரை அளவைக் குறைக்கும். அப்படிப்பட்ட சர்க்கரை நோயாளிகள் தவிர்க்க வேண்டிய மிக முக்கியமான உணவுகள் என்ன என்று பார்ப்போம் வாங்க.

weight loss tips: உடல் எடையை குறைக்க நினைப்பவர்கள் பால் குடிக்கலாமா?

​பாலிஷ்டு ரைஸ்

samayam tamil Tamil News Spot

சர்க்கரை நோய் உள்ளவர்கள் பாலிஷ் செய்யப்பட்ட அரிசி உணவை எடுத்துக் கொள்வதை தவிர்க்கவும். பாலிஷ் செய்யப்பட்ட அரிசிக்குப் பதிலாக சிவப்பு அரிசி, மட்டை அரிசி, கைக்குத்தல் அரிசி போன்றவற்றை எடுத்துக் கொள்ளலாம். ஏனெனில், பாலிஷ் செய்யப்பட்ட அரிசியில் வெறும் மாவுச்சத்து மட்டுமே இருக்கும். பாலிஷ் செய்யப்படும் போது அதில் உள்ள நார்ச்சத்துகள் போய்விடும். நார்ச்சத்துகள் இன்றி நம் உடலுக்குப் போகும் கார்போ ஹைட்ரேட்டால் இரத்தச் சர்க்கரை அளவு அதிகரிக்கும்.

வைட்டமின் டி அதிகமுள்ள டாப் 10 உணவுகள் என்னென்ன…

​உணவுகளை கஞ்சியாக எடுத்துக் கொள்வது

samayam tamil Tamil News Spot

பலரும் காலை உணவாக ஓட்ஸ் அல்லது ஏதேனும் சிறுதானியங்களைப் பாலில் சேர்த்து கஞ்சி போன்று எடுத்துக் கொள்வர். ஆனால், சர்க்கரை நோயாளிகள் எந்த சிறுதானியமாக இருந்தாலும் அதனை கஞ்சி வடிவில் எடுத்துக் கொண்டால் அது அவர்களின் இரத்த சர்க்கரை அளவை உயர்த்தும். அதனை வேறுவடிவில் எடுத்துக் கொள்வதன் மூலம் சர்க்கரை அளவைக் குறைக்க முடியும்.

​சாப்ட் ட்ரிங்க்ஸ் மற்றும் பிரெஷ் ஜூஸ்

samayam tamil Tamil News Spot

வெளியே சென்றால் பலரும் தாகம் எடுக்கும் சமயத்தில் தண்ணீருக்குப் பதிலாக கார்பனேட் செய்யப்பட்ட பானங்கள் அல்லது பழச்சாறுகளை அருந்துவோம். இது தவறான செயல்முறை. செயற்கையாக தயாரிக்கப்பட்ட பானங்களில் உள்ள சர்க்கரை உங்களின் இரத்த சர்க்கரை அளவை உயர்த்தி விடும். அதேபோல், ஆரோக்கியம் தரும் என்று நாம் கூறும் பழச்சாறுகளும் சர்க்கரை நோயாளிகளுக்கு உகந்தது அல்ல. ஏனெனில், பழங்களில் உள்ள நார்ச்சத்துகள் பழச்சாறுகளில் இருக்காது. அதனால் இவையும் சர்க்கரை அளவை உயர்த்தும். எனவே அதனை தவிர்த்து பழங்களாகவே அவற்றை உண்ணலாம்.

திருமணமான பெண் உடலில் ஏற்படும் மாற்றங்கள்… சமீரா ரெட்டி கூறும் பாடி பாசிடிவ் அட்வைஸ்

​வறுத்த அல்லது பொரித்த உணவுகள்

samayam tamil Tamil News Spot

பலரும் எண்ணெய்யில் வறுத்த அல்லது பொரித்த உணவுகளை விரும்பி உண்பர். அதாவது பலரும் வடை, சமோசா, பக்கோடா போன்ற உணவுகள் பேக்கரி அயிட்டங்களை வெளியிடங்களுக்குச் சென்றால் சிற்றுண்டியாக எடுத்துக் கொள்வர். பொதுவாக அவற்றில் நார்ச்சத்துகள் எதுவும் இல்லை. வெறும் கார்போ ஹைட்ரேட்டுகள், கொழுப்புகள் மட்டுமே அவற்றில் இருக்கும். இதுவும் உங்களின் இரத்த சர்க்கரை அளவை உயர்த்திவிடும். அதோடு இதில் அதிக அளவில் கலோரிகள் இருக்கும். இது உங்களின் கொலஸ்ட்ரால் அளவை அதிகரிக்கச் செய்து விடும்.

ghee benefits: மஞ்சள் நெய் Vs வெள்ளை நெய் – இரண்டில் எது ஆரோக்கியமானது

​மைதா உணவுகள்

samayam tamil Tamil News Spot

பரோட்டா, பப்ஸ் போன்ற பேக்கரி உணவுகள் அனைத்தும் ரீபைன்டு பொருளான மைதாவினால் தான் தயாரிக்கப்படுகின்றன. மைதா தான் அதிக அளவில் கார்போ ஹைட்ரேட் உள்ள ஒரு பொருளாகும். இதனை உணவாக எடுத்துக் கொள்வது உங்களின் இரத்தச் சர்க்கரை அளவைக் அதிகரித்து விடக்கூடும்.

சர்க்கரை நோயாளியான நீங்கள் மேலே கூறிய ஐந்து உணவுகளையும் தவிர்த்து, ஆரோக்கியமான உணவுப் பழக்க வழக்கங்களை பின்பற்றினாலே இரத்த சர்க்கரை உங்களின் கட்டுப்பாட்டில் இருக்கும்.



Source link

Share on Social Media

Leave a Reply

Your email address will not be published. Required fields are marked *