1607637044 pic Tamil News Spot
Share on Social Media

இதில் டைப் 1 சர்க்கரை நோய் ஆனது குழந்தைகளை தாக்க கூடிய நீரிழிவு வகையாகும். குழந்தைக்கு 1 வயதுக்கு பிறகு 2வயதுக்குள், 5 வயதில், பிறகு பருவ வயதில் இந்த நீரிழிவு அதிகமாக கண்டறியப்படுகிறது. குழந்தைகளுக்கு என்ன மாதிரியான அறிகுறிகள் உண்டாகும் என்று பார்க்கலாம்.

​டைப் 1 நீரிழிவு

-1-

குழந்தைகளை தாக்கும் டைப் 1 சர்க்கரை நோய் என்றால் என்ன என்பது குறித்து தெரிந்துகொண்டால் பெற்றோர்களுக்கு இது குறித்த விழிப்புணர்வும் கூடுதலாக இருக்கும். இந்த வகையும் வாழ்நாள் முழுக்க இருக்கும் நோய் தான். உடலில் இன்சுலின் இல்லாததால் இது உண்டாகிறது.இது இன்சுலின் சார்ந்த அல்லது சிறுவர்களுக்கு உண்டாகும் சர்க்கரை நோய் என்றும் மருத்துவத்துறை அழைக்கிறது.

டவுண் சின்ட்ரோம் குழந்தைகள் என்று யாரை சொல்கிறோம், கர்ப்பிணிகள் தெரிஞ்சுக்கணும்!

உடலில் இரத்த உயிரணுக்களை உடல் ஆற்றலுக்கு நகர்த்தும் பணியை இன்சுலின் செய்கிறது. ஆனால் இன்சுலின் சுரப்பு இல்லாத நிலையில் டைப் 1 நீரிழிவு கொண்டிருப்பவர்களுக்கு ரத்தத்தில் குளுக்கோஸ் அளவு அதிகமாக இருக்கும். இந்த டைப் 1 சர்க்கரை நோய்க்கு 1 முதல் 20 வயதுக்குட்பட்ட இளம் பருவத்தினர் பாதிக்கப்படுகின்றனர்.

நிரந்தரமாக இதை குணப்படுத்த முடியாது எனினும் இன்சுலின் சுரப்பை சீராக நிர்ணயிப்பதன் மூலம் இந்த நோயை திறம்பட நிர்வகிக்கலாம். அதனால் குழந்தைகளிடம் இந்த அறிகுறிகள் இருந்தால் தாமதிக்காமல் மருத்துவரை அணுகுவதன் மூலம் பாதிப்பு தீவிரமாகாமல் தடுக்க முடியும்.

​தண்ணீர் அதிகம் குடிப்பார்கள்

samayam tamil Tamil News Spot

குழந்தைகள் தண்ணீர் குடிப்பது நல்ல விஷயம் தானே. இது ஒரு குத்தமா என்று கேட்காதீர்கள். குழந்தைகள் இயல்பாகவே தண்ணீரை மடக் மடக் என்று குடிப்பதுதான். ஆனால் நீரிழிவு பாதிப்பு இருக்கும் போது இந்த அறிகுறிகள் அதிகமாக இருக்கும். உடலில் நீரிழிப்பு அதிகமாக உண்டாகும்.

அப்போது அதிகப்படியான நீரை குடிப்பார்கள். உங்கள் குழந்தை வழக்கத்தை காட்டிலும் அதிகப்படியாக தண்ணீர் குடித்தால் அது டைப் -1 நீரிழிவுக்கான அறிகுறியாகவும் இருக்கலாம். எனினும் பதறாமல் மருத்துவரை அணுகுவது நல்லது.

​அடிக்கடி சிறுநீர் கழிப்பது

samayam tamil Tamil News Spot

குழந்தைகள் எப்போதுமே அடிக்கடி சிறுநீர் கழிப்பது உண்டு என்றாலும் உரிய இடைவேளையில் அடிக்கடி சிறுநீர் கழிப்பது தொடர்ந்தால் அதுவும் கவனிக்கத்தக்கதே. சில குழந்தைகள் தினமும் படுக்கையை நனைப்பதும் உண்டு. அதிலும் எப்போதும் இல்லாத வகையில் தொடர்ந்து சிறுநீர் கழித்து கொண்டே இருப்பதற்கான காரணங்களை மருத்துவரை அணுகி பரிசோதிக்க வேண்டும்.

ஏனெனில் அடிக்கடி சிறுநீர் கழிப்பது சிறுநீர்த்தொற்றாலும் உண்டாகியிருக்கலாம். சமயங்களில் சில உணவுகள் ஒவ்வாமையாலும் இது உண்டாக கூடும். அதனால் மருத்துவரை அணுகி இதற்கான காரணத்தை கண்டறிவது அவசியம்.

​அதிகமாக பசி உணர்வு

samayam tamil Tamil News Spot

இந்த அறிகுறி இருந்தால் அது டைப்1 நீரிழிவு அபாயமாகவே கருதலாம். ஏனெனில் குழந்தைகள் அடம்பிடிக்கும் முதல் விஷயம் உணவு தான். ஜங்க் ஃபுட், துரித உணவுகள், ஐஸ்க்ரீம் போன்றவற்றுக்கு நடுவே உணவை எடுத்துகொள்வது சவாலான விஷயம் தான். ஆனால் டைப் 1 நீரிழிவு அறிகுறியில் அதிகமாக சாப்பிடுவதும் ஒன்று.

குழந்தைக்கு சென்னா கடலை எப்போது, எப்படி, எவ்வளவு கொடுக்கலாம்? என்ன நன்மை கிடைக்கும்?

குழந்தைகள் அடிக்கடி பசி என்று சொல்வதோடு அள்ளி அள்ளி சப்பிடவும் செய்தால் , இதையே தொடர்ந்து செய்தால் அது இந்த நோயின் அறிகுறியாக இருக்கலாம் என்பதால் இதை கவனிக்க வேண்டும்.

​எடை இழப்பு இருந்தால்

samayam tamil Tamil News Spot

குழந்தைகள் அதிகமாக சாப்பிடுவது டைப் 1 அறிகுறி என்றால் குழந்தைகளின் உடல் எடை குறைவதும் மற்றொரு அறிகுறிதான். குழந்தை நாளுக்கு நாள் உடல் எடை குறைப்பை கொண்டிருந்தாலும் இதை கவனிக்க வேண்டும். எனினும் இந்த அறிகுறியை பெரும்பாலும் பெற்றவர்கள் உணர்வதில்லை.

வேறு நோய் பாதிப்பு வரும் போது தான் இந்த டைப்1 நோயை கண்டறிகிறார்கள். குழந்தை நாளுக்கு நாள் உடல் மெலிவை கொண்டால் தாமதிக்காமல் மருத்துவரை அணுகுங்கள்.

​பார்வை தெளிவின்மை அல்லது மங்கலான பார்வை

samayam tamil Tamil News Spot

சில குழந்தைகள் பார்வையில் தெளிவின்மையை உணர்வார்கள். கண்களின் ஆரோக்கியமும் உண்ணும் உணவின் வழியாகவே பெறப்படுகிறது. குறிப்பாக பார்வைத்திறனுக்கு கண் லென்ஸின் சீரான செயல்பாடு அவசியம். ஆனால் இன்சுலின் சுரப்பு குறையும் போது ரத்த சர்க்கரை அளவு காரணமாக திரவங்கள் அளவு குறைகிறது. இதனால் கண்களின் ஆரோக்கியம் பாதிக்கப்படுகிறது. குழந்தையின் பார்வை மங்கலாகவோ அல்லது பார்வை தெளிவின்மை நிலையோ உண்டாகிறது.

​சோர்வாகவே இருப்பது

samayam tamil Tamil News Spot

குழந்தைகள் உடல் சோர்வை கொண்டிருப்பது நிச்சயம் ஏற்றுகொள்ள முடியாது. காய்ச்சல், கப நோய்கள் இருக்கும் காலத்தில் தான் இவை உண்டாகும். ஆனால் உடல் ஆற்றலை குறைக்கும் வகையில் ரத்த சர்க்கரை அளவு பயன்படுத்த முடியாமல் போகும் போது சுறுசுறுப்பாக ஓடி ஆடும் குழந்தைகள் ஒரே இடத்தில் உட்கார்ந்துவிடுவார்கள்.

பிறந்த குழந்தையின் மீது ஒருவித நாற்றம் இருக்கும், ஏன் உண்டாகிறது? தவிர்க்க முடியுமா?

எப்போதும் சோர்வை கொண்டிருக்கும் குழந்தைகளை கண்டால் டைப்1 குறித்த பரிசோதனையை மருத்துவரின் ஆலோசனையோடு செய்து கொள்வது நல்லது.

​டைப் 1 அறிகுறி

-1-

குழந்தைகளுக்கு மேற்கண்ட அறிகுறிகளில் ஒன்றோ அல்லது இரண்டுக்கும் மேற்பட்டோ அல்லது எல்லாமுமாக இருக்கலாம். மேற்கண்ட அறிகுறிகள் தவிர இந்த அறிகுறிகளையும் மருத்துவ உலகம் அறிவுறுத்துகிறது. குழந்தைகளின் மூட் ஸ்விங் என்றும் சொல்லலாம்.

குழந்தை அடிக்கடி எரிச்சலுக்கு உள்ளாவது, அழுவது, சோகமாக இருப்பது, சமயங்களில் இயல்பாக இருப்பது போன்றவை உண்டாகும். இது அவர்களது உடலில் ரத்த சர்க்கரை அதிகரிக்கும் போதும், குறையும் போதும் என மாறி மாறி உண்டாக கூடும். ஆனால் குழந்தைகள் அடிக்கடி எரிச்சல் படுவது உண்டு என்பதால் இதை அறிகுறியாக பெற்றவர்கள் நினைப்பதில்லை. இனி இதையும் மனதில் கொள்ளுங்கள்.

அதே போன்று குழந்தையின் உடலில் உள்ள குளுக்கோஸ் பயன்படுத்தாமல் உடலில் தேங்கும் போது உடலில் இருக்கும் கொழுப்பு ஆற்றலாக வெளிப்படும். அப்போது வெளிப்படும் கீட்டோன்கள் குழந்தை மூச்சுவிடும் போது ஒரு வித பழ வாசனையை உண்டாக்குகிறது. இதுவும் அரிதாக கண்டுபிடிக்கப்படுகிறது.

குழந்தைகளிடம் தோன்றும் இந்த அறிகுறிகள் டைப்1 நிரிழிவு நோய்க்கானதாகவும் இருக்கலாம் என்பதால் அலட்சியப்படுத்த வேண்டாம்.

Thanks for the Source

Share on Social Media

Leave a Reply

Your email address will not be published. Required fields are marked *