Share on Social Media


ஹைலைட்ஸ்:

  • வயதான ஹீரோக்களுக்கு டீனேஜ் ஹீரோயின், ஆனால்…- தியா மிர்சா
  • நடுத்தர வயது நடிகைகள் வாய்ப்பு இல்லாமல் அல்லாடுகிறார்கள்
  • இளமை தான் அழகு என்று திரையுலகினர் நினைக்கிறார்கள்

அரவிந்த்சாமி, இஷா கோபிகர் நடித்த என் சுவாசக் காற்றே படம் மூலம் நடிகையானவர் தியா மிர்சா. தொடர்ந்து இந்தி படங்களில் கவனம் செலுத்தி வருகிறார். ஒன் இந்தியா ஸ்டோரீஸ் என்கிற தயாரிப்பு நிறுவனத்தையும் நடத்தி வருகிறார்.

சினிமா துறை ஆணாதிக்கம் மிக்கது என்று பல நடிகைகள் தெரிவித்துள்ளனர். ஹீரோயினுக்கு கொஞ்சம் வயதானால் அக்கா அல்லது அண்ணி கதாபாத்திரத்திற்கு சென்றுவிடுவார்கள். ஆனால் ஹீரோவுக்கு எத்தனை வயாதானாலும் அவர் இளம் நடிகைகளுடன் ஜோடி சேர்ந்து டூயட் பாடுவது வழக்கமாக இருக்கிறது.

இந்நிலையில் இது குறித்து தியா மிர்சா கூறியிருப்பதாவது,

வயதான நடிகர்கள் டீனேஜ் நடிகைகளுக்கு ஜோடியாக நடிப்பது துரதிர்ஷ்டவசமானது. ஆணாதிக்கமிக்க துறை என்பது தான் இதற்கு காரணம். நடிகைகள் விஷயத்தில் இளமை தான் அழகு என்று திரையுலகினர் நினைக்கிறார்கள்.

வயதான நடிகர்களுக்காக கதாபாத்திரம் எழுதப்படுவது போன்று வயதான நடிகைகளுக்கு எழுதப்படுவது இல்லை என்பது தான் உண்மை. வயதான நடிகர்கள் இளம் கதாபாத்திரத்தில் நடிப்பதை பார்ப்பது தான் மேலும் துரதிர்ஷ்டவசமானது. அழுகு என்பது இளமையுடன் தொடர்புடையது என்று நினைக்கிறார்கள்.

அதனால் தான் நிறைய இளம் கலைஞர்களை நடிக்க வைக்க விரும்புகிறார்கள். இதில் வித்தியாசமானவர் நடிகை நீனா குப்தா. நான் ஒரு நடிகை, என் வேலை எனக்கு பிடிக்கும், தயவு செய்து வாய்ப்பு கொடுங்கள் என்று அவர் பலமுறை கூறிவிட்டார்.

சில சுவாரஸ்யமான இயக்குநர்கள் அவரின் வயதை கணக்கில் கொள்ளாமல் ஹீரோயினாக நடிக்க வைக்க முடிவு செய்தனர். ஆனால் நிறைய நடுத்தர வயது நடிகைகள் வேலை இல்லாமல் கஷ்டப்படுகிறார்கள். அவர்களுக்காக எந்த கதையும் எழுதப்படுவது இல்லை என்பதால் அவர்களுக்கு வாய்ப்பு கிடைப்பது இல்லை.

சினிமா துறை ஆணாதிக்கமிக்கது. 50 வயதுக்கு மேற்பட்ட நடிகர் 19 வயது நடிகையுடன் சேர்ந்து நடிப்பது வினோதமானது என்றார்.
தாயாக ஆசையா இருக்கு, ஆனால் எப்படி நடக்கும்னு தெரியல: சர்ச்சை நடிகை



Source link

Share on Social Media

Leave a Reply

Your email address will not be published. Required fields are marked *