Share on Social Media


கார்த்திக் நரேன் இயக்கத்தில் தனது 43 வது திரைப்படத்தில் நடித்து வருகிறார் தனுஷ். கொரோனா ஊரடங்கு காரணமாக இந்த படத்தின் படப்பிடிப்பு நிறுத்தி வைக்கப்பட்டிருந்தது. அதனை தொடர்ந்து நடிகர் தனுஷ் தி கிரே மேன் ஹாலிவுட் திரைப்பட படப்பிடிப்பிற்காக அமெரிக்கா பறந்தார். இந்நிலையில் அமெரிக்காவில் இருந்து இந்தியா திரும்பியுள்ள தனுஷ் ஹைதராபாத்தில் நடக்கும் D43 படப்பிடிப்பில் கலந்து கொண்டுள்ளார்

கார்த்திக் சுப்புராஜ் இயக்கத்தில் தனுஷ் நடித்த ஜகமே தந்திரம் திரைப்படம்அண்மையில் வெளியானது. ரசிகர்களின் மிகப்பெரிய எதிர்பார்ப்புகளுக்கு மத்தியில் வெளியான இந்த திரைப்படம் பெரும்பாலும் எதிர்மறை விமர்சனங்களையே பெற்றது. இந்நிலையில் செல்வராகவன் இயக்கத்தில் தனுஷ் நடிக்க உள்ள நானே வருவேன் திரைப்படம் குறித்த அப்டேட் அண்மையில் வெளியாகி ரசிகர்கள் மத்தியில் எதிர்பார்ப்பை கிளப்பியது.

இந்நிலையில் தி கிரே மேன் ஹாலிவுட் திரைப்படத்தின் படப்பிடிப்பிற்காக அமெரிக்கா சென்ற தனுஷ், படப்பிடிப்பு முடிந்த பின்னரும் சில வாரங்களாக அங்கேயே தங்கியிருந்தார். இந்த படத்தை ஆன்டனி மற்றும் ஜோ ரூசோ என்ற இரட்டை இயக்குனர்கள் இணைந்து இயக்கியுள்ளனர்.

சிரிப்புக்கு நாங்க கியாரண்டி: ஆர்.கண்ணன் இயக்கத்தில் மீண்டும் இணையும் மிர்ச்சி சிவா – யோகி பாபு!
இந்த நிலையில் அண்மையி ‘D43’ படத்தை தயாரித்து வரும் சத்யஜோதி நிறுவனம் தனது சமூக வலைதளப் பக்கத்தில் ‘D43’ படத்தின் அடுத்த கட்ட படப்பிடிப்பு ஜூலை மாதம் துவங்கும் என்றும் தெரிவித்திருந்தது. இந்நிலையில் நேற்றைய தினம் சென்னை திரும்பிய நடிகர் தனுஷ், இன்று ஹைதராபாத்தில் நடைபெற்ற ‘D43’ படப்பிடிப்பில் கலந்து கொண்டார்.

கார்த்திக் நரேன் இயக்கத்தில் உருவாகி வரும் இந்த படத்தில் தனுஷ் ஜோடியாக மாளவிகா மோகனன் நடித்து வருகிறார். இவர்களுடன் சமுத்திரகனி, காளி வெங்கட், மாஸ்டர் மகேந்திரன் உள்பட பலர் நடித்து வருகின்றனர். ஜிவி பிரகாஷ் இசையில் உருவாகி வரும் இந்தப் படத்தின் இறுதிக்கட்ட படப்பிடிப்பு தற்போது நடைபெற்று வருவது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *