Share on Social Media


ஹைலைட்ஸ்:

  • ஜூன் 18ம் தேதி நெட்ஃபிளிக்ஸில் ரிலீஸாகும் ஜகமே தந்திரம்
  • ஜகமே தந்திரம் ரிலீஸால் அதிருப்தியில் தனுஷ்
  • கார்த்திக் சுப்புராஜ் இயக்கியிருக்கும் படம் ஜகமே தந்திரம்

கார்த்திக் சுப்புராஜ் இயக்கத்தில் தனுஷ் நடித்திருக்கும் ஜகமே தந்திரம் படத்தை ஓடிடியில் வெளியிடப் போவதாக அறிவித்தார்கள். அந்த அறிவிப்பை பார்த்த தனுஷ் ரசிகர்களோ, தயாரிப்பாளர் சசிகாந்திடம் அன்பு கோரிக்கை விடுத்தார்கள்.

தயவு செய்து ஜகமே தந்திரம் படத்தை தியேட்டர்களில் ரிலீஸ் செய்யுங்கள் என்றார்கள் ரசிகர்கள். ஓடிடி ரிலீஸால் தனுஷும் அதிருப்தி அடைந்தார். இதையடுத்து ஜகமே தந்திரம் படத்தின் ட்ரெய்லரை கூட அவர் ட்விட்டரில் ஷேர் செய்யவில்லை.

இந்நிலையில் ஜகமே தந்திரம் படம் வரும் ஜூன் மாதம் 18ம் தேதி நெட்ஃபிளிக்ஸில் வெளியாகும் என்று அதிகாரப்பூர்வ அறிவிப்பு வெளியிட்டுள்ளனர். ஜகமே தந்திரம் ரிலீஸ் குறித்து கார்த்திக் சுப்புராஜ் ட்வீட் செய்துள்ளார். ஆனால் தனுஷ் அதை கண்டுகொள்ளவில்லை.

தனக்க பிடிக்காத விஷயத்தை செய்வதால் அவர் பார்த்தும் பார்க்காதது போன்று இருக்கிறார். அவர் விரும்பாத ஒரு விஷயம் ஜூன் 18ம் தேதி நடக்கப் போகிறது. இதற்கிடையே மாரி செல்வராஜ் இயக்கத்தில் தனுஷ் நடித்த கர்ணன் படம் கடந்த மாதம் 9ம் தேதி தியேட்டர்களில் வெளியாகி மிகப் பெரிய வெற்றி அடைந்ததுள்ளது.

கர்ணன் படத்தை பிளாக்பஸ்டராக்கிய அனைவருக்கும் நன்றி தெரிவித்தார் தனுஷ். மேலும் தான் மீண்டும் மாரி செல்வராஜ் இயக்கத்தில் நடிக்கப் போவதாக ட்விட்டரில் அறிவித்தார் தனுஷ். அந்த படத்தின் ப்ரீ ப்ரொடக்ஷன் பணிகள் நடந்து வருவதாகவும், அடுத்த ஆண்டு படப்பிடிப்பு துவங்கும் என்றார். அவரின் ட்வீட்டை பார்த்தவர்கள், தனுஷுக்கு ஒரு ஹிட் பார்சல் என தெரிவித்தார்கள்.

தனுஷ் தற்போது அமெரிக்காவில் தங்கி தி கிரே மேன் ஹாலிவுட் படத்தில் நடித்து வருகிறார். நாடு திரும்பியதும் கார்த்திக் நரேன் இயக்கத்தில் தான் நடித்து வந்த டி43 படப்பிடிப்பில் மீண்டு கலந்து கொள்கிறார்.

அமெரிக்காவுக்கு கிளம்பும் முன் போயஸ் கார்டனில் தன் மாமனார் ரஜினி வீட்டிற்கு அருகில் வீடு கட்ட பூமி பூஜை நடத்தினார். அந்த வீட்டு வேலை தீபாவளிக்குள் முடிந்துவிடும் என்று கூறப்படுகிறது.
ஆண்டவர் ரொம்ப உஷார்: விஜய் தான் பாவம்



Source link

Share on Social Media

Leave a Reply

Your email address will not be published. Required fields are marked *