Share on Social Media


கார்த்திக் நரேன் இயக்கத்தில் தனது 43 வது திரைப்படத்தில் நடித்து வருகிறார் தனுஷ். விறுவிறுப்பாக நடந்து வந்த இந்த படத்தின் படப்பிடிப்பு கொரோனா ஊரடங்கு காரணமாக தடைபட்டது. அதனை தொடர்ந்து நடிகர் தனுஷ் தி கிரே மேன் ஹாலிவுட் திரைப்பட படப்பிடிப்பிற்காக அமெரிக்கா பறந்தார். இந்நிலையில் அமெரிக்காவில் இருந்து இந்தியா திரும்பியுள்ள தனுஷ் ஹைதராபாத்தில் நடக்கும் D43 படப்பிடிப்பில் கலந்து கொண்டுள்ளார்

கார்த்திக் சுப்புராஜ் இயக்கத்தில் தனுஷ் நடித்த ஜகமே தந்திரம் திரைப்படம் அண்மையில் வெளியானது. ரசிகர்களின் மிகப்பெரிய எதிர்பார்ப்புகளுக்கு மத்தியில் வெளியான இந்த திரைப்படம் பெரும்பாலும் எதிர்மறை விமர்சனங்களையே பெற்றது. இந்நிலையில் செல்வராகவன் இயக்கத்தில் தனுஷ் நடிக்க உள்ள ‘நானே வருவேன்’ திரைப்படம் குறித்த அப்டேட் அண்மையில் வெளியாகி ரசிகர்கள் மத்தியில் எதிர்பார்ப்பை கிளப்பியது.

இந்நிலையில் தி கிரே மேன் ஹாலிவுட் திரைப்படத்தின் படப்பிடிப்பிற்காக அமெரிக்கா சென்ற இந்தியா திரும்பியுள்ள தனுஷ், தற்போது ‘D43’ படப்பிடிப்பிற்காக ஹைதராபாத் சென்றுள்ளார். அங்கு நடிகர் தனுஷை சேகர் கம்முலாவும், தயாரிப்பாளர்கள் நாராயண்தாஸ் நரங், சுனில் நரங், பரத் நரங் மற்றும் பி.ராம் மோகன் ஆகியோர் சென்று சந்தித்துள்ளனர். அப்போது சேகர் கம்முலா இயக்கத்தில் தனுஷ் நடிக்க உள்ள திரைப்படம் குறித்து பேச்சு வார்த்தை நடத்தப்பட்டுள்ளது.

என்னுடைய தனிப்பட்ட வாழ்க்கையில் யாரும் மூக்கை நுழைக்க வேண்டாம்: பாடகி சின்மயி காட்டம்!
பான் இந்தியா திரைப்படமாக உருவாகும் இந்த திரைப்படத்தில் பல மொழிகளைச் சேர்ந்த முன்னணி நட்சத்திரங்கள் நடிக்கயிருக்கிறார்கள். இந்தியாவின் முன்னணி தொழில்நுட்பக் கலைஞர்களும் இந்த படத்தில் பணியாற்ற ஒப்பந்தம் செய்ய உள்ளனர். மிகப்பெரிய பொருட்செலவில் பிரம்மாண்டமாக இந்த திரைப்படம் உருவாக உள்ளது.

சேகர் கம்முலா படத்தை தொடர்ந்து செல்வராகவன் இயக்கத்தில் நானே வருவேன் படத்திலும் நடிக்க இருக்கிறார் தனுஷ். அத்துடன் ராட்சசன் ராம்குமார், மாரி செல்வராஜ் இயக்கத்திலும் படங்கள் நடிக்க உள்ளார். ஆனந்த் எல்.ராய் இயக்கத்தில் தனுஷ் நடித்துள்ள அத்ரங்கி ரே திரைப்படமும் இந்த வருடம் வெளியாக உள்ளது குறிப்பிடத்தக்கது. இந்நிலையில் தேசிய விருது வென்ற இயக்குனர் நடிகர் தனுஷை நேரில் சந்தித்து பேசிய செய்தி இணையத்தில் வைரலாகி வருகிறது.



Source link

Share on Social Media

Leave a Reply

Your email address will not be published. Required fields are marked *