Share on Social Media


இயக்குனர் வெற்றிமாறன், தனுஷ் கூட்டணி. பொல்லாதவன், ஆடுகளம், வடசென்னை படங்களுக்குப் பிறகு இந்த ‘அசுரன்’ படம் மூலமாக இணைந்தனர். அசுரன் திரைப்படம் கடந்த வருடம் அக்டோபர் 4ஆம் தேதி வெளியானது. தனுஷ், மஞ்சு வாரியர், கருணாஸ், பசுபதி, அபிராமி உள்ளிட்டோர் இப்படத்தில் நடித்திருந்தனர். இந்தப்படம் மாபெரும் வெற்றிப் படமாக அமைந்தது. சமீப காலத்தில் 100 நாள் ஓடிய படம் என்ற பெருமையை பெற்றுள்ளது.

இந்நிலையில் நடிகர் தனுஷ் டிவிட்டர் பக்கத்தில் ,சற்று முன்னர் ‘அசுரன் நடிகர்’ என அதில் குறிப்பிடப்பட்டுள்ளதை அனைத்து டுவிட்டர் பயனாளிகளும் கவனித்து ‘நடிப்பின் அசுரன்’ என்று கருத்துக்களை பதிவு செய்து வருகிறார்கள். இதையடுத்து #JagameThandhiram , #Karnan போன்ற ஹேஷ்டேகுகள் டிவிட்டரில் ட்ரெண்ட் ஆகி வருகிறது.

‘ஜகமே தந்திரம்’ பேட்ட படத்திற்குப் பிறகு இயக்குநர் கார்த்திக் சுப்புராஜ் தனுஷை வைத்து இயக்கும் படம். தனுஷின் 40 வது படமான இப்படத்தின் ‘ரகிட ரகிட ரகிட’ பாடல் தனுஷ் பிறந்த நாளையொட்டி ஜூலை 28 ஆம் தேதி வெளியாகி ஹிட் ஆனது. அதற்கடுத்ததாக, தீபாவளியையொட்டி ‘புஜ்ஜி’ பாடல் வெளியிடப்பட்டிருந்தது.

ரிலையன்ஸ் என்டர்டெயின்மென்ட் நிறுவனத்துடன் இணைந்து ஒய்நாட் ஸ்டுடியோஸ் ‘ஜகமே தந்திரம்’ படத்தை தயாரித்துள்ளது. இந்த படத்தில் தனுஷ் ஒரு மதுரை கேங்க்ஸ்டராக நடிக்கிறார். ஜோஜு ஜார்ஜ் மற்றும் கலையரசன் துணை கதாபாத்திரங்களில் நடிக்கிறார்கள்.

’ஜகமே தந்திரம்’ படம் OTT தளத்தில் வெளியிடப்படும் என்று பேச்சுகள் எழுந்த போது, இந்தப் படம் திரையரங்குகளில் வெளியாகும் என உறுதியளித்தார் தயாரிப்பாளர் சசிகாந்த். இந்நிலையில் தனுஷின் ‘ஜகமே தந்திரம்’ 2021 பிப்ரவரி 12ஆம் தேதி, காதலர் தினத்தை முன்னிட்டு வெளியாகும் என்று எதிர்பார்க்கப்படுகிறது.

‘சகுந்தலம்’ படத்தில் சமந்தாவுக்கு ஜோடியாகும் மலையாள நடிகர்!

மேலும் தனுஷின் 41ஆவது படம் கர்ணன். பரியேறும் பெருமாள் படத்தின் மூலம் பிரபலமான இயக்குனர் மாரி செல்வராஜ் இப்படத்தை இயக்கி உள்ளார். லாக்டவுனுக்கு முன்பே இப்படத்தின் பெரும்பாலான காட்சிகள் படமாக்கப்பட்டுவிட்டன.

இப்படத்தை வி கிரியேஷன்ஸ் சார்பாக தாணு தயாரித்துள்ளார். இதில் தனுஷுக்கு ஜோடியாக மலையாள நடிகை ரெஜிஷா விஜயன் நடித்துள்ளார். மேலும் யோகிபாபு, லால், கவுரி கிஷான் ஆகியோர் முக்கிய கதாபாத்திரத்தில் நடித்துள்ளனர். சந்தோஷ் நாராயணன் இசையமைக்கிறார். தற்போது தனுஷ் தனது டிவிட்டர் பயோவை மாற்றிய நிலையில் #JagameThandhiram , #Karnan படத்தின் ஹேஷ்டேகுகள் ட்ரெண்டாகி வருகிறது என்பது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *