Share on Social Media


குழந்தைக்கு திட உணவு பழகும் போது அம்மாக்களின் முதல் சாய்ஸ் இட்லி தான். ஆனால் அதற்கு தொட்டுகொள்ள ஊட்டச்சத்து குறையாத இனிப்புச்சட்னியாக இருந்தால் குழந்தைகள் மறுக்காமல் சாப்பிடுவார்கள். சுவையோடு ஊட்டச்சத்தும் இருந்தால் வேண்டாம் என்றா மறுக்க தோன்றும். சுவையும் ஊட்டச்சத்தும் நிறைந்த பேரீச்சம்பழ தக்காளி சட்னியின் செய்முறையை பார்க்கலாம். அதன் பலன்களையும் அறியலாம்.

​குழந்தைக்கு திட உணவுகள்

குழந்தைக்கு திட உணவுகள் பழகும் போது அது மென்மையான உணவாக இருக்க வேண்டும். இட்லி, இடியாப்பம் என ஆவியில் வேக வைத்த உணவுகள் குழந்தைக்கு நன்மை தரும். வயிற்றுகோளாறை உண்டாக்காமல் வயிறை பூப்போன்று வைத்திருக்க செய்யும்.

ஒமேகா 3 கொழுப்பு அமிலங்கள் : குழந்தைக்கு தரும் நன்மைகள், எதில் உண்டு, எவ்வளவு கொடுக்கலாம்!

எப்போதும் இட்லிக்கு தொட்டு கொள்ள சாம்பார், பால், சர்க்கரை என்று இல்லாமல் சற்று சுவையாக வித்தியாசமாக செய்தால் குழந்தைகள் சப்புகொட்டி சாப்பிடுவார்கள். சுவையோடு சத்தும் நிறைந்த சட்னியாக இருந்தால் குழந்தைகள் விரும்பி சாப்பிடுவார்கள்.

அந்த வகையில் பேரீச்சம்பழமும் தக்காளியும் சேர்த்து செய்யப்படும் இந்த இனிப்பு சட்னி குழந்தைகள் சப்பு கொட்டி சாப்பிடுவார்கள். இதை எப்படி தயாரிப்பது என்று பார்க்கலாம்.

​பேரீச்சம்பழம் தக்காளி இனிப்பு சட்னி

samayam tamil Tamil News Spot

தேவை

கடுகு எண்ணெய் / நல்லெண்ணெய் / ஆலிவ் எண்ணெய் – 2 டீஸ்பூன்

கடுகு – கால் டீஸ்பூன்

வரமிளகாய் – 1

தக்காளி – 1

சீரகம் – 1 டீஸ்பூன்

உப்பு – சுவைக்கேற்ப

திராட்சை – 1 டீஸ்பூன் ( உலர் திராட்சை)

பேரீச்சம்பழம் – 8 முதல் 10 வரை

நாட்டுச்சர்க்கரை – 1 டீஸ்பூன் சுவைக்கேற்ப

தக்காளியை சுத்தமாக அலசி சிறு சிறு துண்டுகளாக பொடியாக நறுக்கி எடுக்கவும். சீரகத்தை வறுத்து பொடியாக்கி கொள்ளவேண்டும். அடிகனமான பாத்திரத்தில் எண்ணெய் விட்டு சூடாக்கி கடுகு மற்றும் வரமிளகாய் சேர்த்து பொரிய விடவும். அது பொரிந்ததும் தக்காளியை சேர்த்து நன்றாக கிளறி எடுக்கவும். உப்பு சேர்த்து கலவையை நன்றாக கொதிக்க விடவும்.

பிறகு தக்காளி மென்மையாக கூழ் பதத்துக்கு வேகும் வரை விடவும். பிறகு நாட்டுச்சர்க்கரை சேர்த்து 5 நிமிடங்கள் வரை மீண்டும் நன்றாக கிளறி வேகவிடவும்.

பிறகு பேரீச்சம்பழம் மற்றும் திராட்சையை அரைத்து சேர்க்கவும். தேவையெனில் சிறிது தண்ணீர் சேர்க்கலாம். (இவை அரைக்க கடினமாக இருக்கும் என்பதால் சிறிது நேரம் தண்ணிர் தெளித்து அரைக்கவும். )

இவை எல்லாம் சேர்ந்து நன்றாக கிளறி ஒன்றாக கொதித்தது இறக்கி வைக்கவும். அதன் மேல் சீரகப்பொடியை தூவி விடவும். பிறகு ஆறவைத்து பரிமாறவும். இது காரம், இனிப்பு, புளிப்பு மூன்று சுவையிலும் இருப்பதால் குழந்தைகள் விரும்பி சாப்பிடுவார்கள். இதை ஒரு வயது குழந்தைகள் முதல் வளர்ந்த குழந்தைகள், வயதானவர்கள் வரை சாப்பிடலாம். ருசியும் சுவையும் அனைவருக்கும் பிடிக்கும். இதனால் குழந்தைகளுக்கு கிடைக்கும் நன்மைகள் குறித்து பார்க்கலாம்.

​கடுகு எண்ணெய்

samayam tamil Tamil News Spot

கடுகு எண்ணெய் சக்தி வாய்ந்த பாக்டீரியா எதிர்ப்பு பண்புகள் கொண்டவை. இது தீங்கு விளைவிக்கும் பாக்டீரியக்களையும், பூஞ்சைகளையும் கொல்லும். உடல் வலிகளுக்கு நிவாரனம் கொடுக்கும்.

​தக்காளி

samayam tamil Tamil News Spot

தக்காளி குழந்தைகளுக்கு ஒவ்வாமை உண்டாக்கும் அபாயம் குறைவாகவே உள்ளது. அதோடு குழந்தைக்கு 8 முதல் 10 மாதங்களில் இதை கொடுத்துவிடுவதால் ஒரு வயதுக்கு பிறகு இது ஒவ்வாமையை உண்டாக்காது.

இதில் உள்ள ஆண்டி ஆக்ஸிடண்ட்கள் நோய் எதிர்ப்பு சக்தியை வலுப்படுத்த செய்கின்றன. குழந்தைகளுக்கு நோய் எதிர்ப்பு திறனை உண்டாக்குகின்றன. இது வைட்டமின் கே கொண்டவை. குழந்தைக்கு ஆரோக்கியமான எலும்பு உருவாக்கவும் செய்கிறது.

​பேரீச்சம்பழம்

samayam tamil Tamil News Spot

பேரீச்சம்பழம் அதிக ஊட்டச்சத்து கொண்டவை.இது ஒரு சூப்பர் ஃபுட் என்றும் சொல்லலாம். இதில் உள்ள நார்ச்சத்து மலச்சிக்கலை நீக்குகிறது. பொட்டாசியம் குழந்தைகளின் மூளை வளர்ச்சிக்கு உதவுகிறது. இரும்புச்சத்து இருப்பதால் குழந்தைக்கு ஹீமோகுளோபுன் அளவு மேம்படுத்துகிறது.

குழந்தைக்கு காது வலியா விரைவாக குறைய தாமதிக்காமல் இந்த கைவைத்தியம் செய்யுங்கள்!

சோடியம், கால்சியம், மெக்னீசியம் மற்றும் துத்தநாகம் போன்ற பிற தாதுக்கள் நோய் எதிர்ப்பு சக்தியை அதிகரிக்க செய்யும். குறிப்பு இந்த இனிப்பு சட்னியை ஒரு வயது குறைவான குழந்தைக்கு கொடுப்பதாக இருந்தால் உப்பு மற்றும் சர்க்கரை இரண்டையும் தவிர்க்க வேண்டும்.

Thanks for the Source

Share on Social Media

Leave a Reply

Your email address will not be published. Required fields are marked *