Share on Social Media


ஹைலைட்ஸ்:

  • கொரோனா ஆபத்து மிகுந்தவர்களுக்கு மூன்றாம் டோஸ்
  • செப்டம்பர் முதல் பணியை தொடங்கும் பிரிட்டன்

கொரோனா பரவலை கட்டுப்படுத்துவதற்காக உலகம் முழுவதும் தடுப்பூசி போடும் பணிகள் தீவிரமாக நடைபெற்று வருகின்றன. பெரும்பாலான கொரோனா தடுப்பூசிகள் ஒவ்வொரு நபருக்கும் இரண்டு டோஸ் போடப்பட்டு வருகிறது.

இந்நிலையில், டெல்டா, டெல்டா பிளஸ் போன்ற உருமாறிய கொரோனா வைரஸ்கள் பரவி வருவதாலும், குளிர் காலம் நெருங்கி வருவதாலும், கொரோனாவால் ஆபத்து மிகுந்த நபர்களுக்கு மூன்றாம் டோஸ் தடுப்பூசி போட பிரிட்டன் அரசு தயாராகி வருகிறது.

பூஸ்டர் டோஸ் எனப்படும் மூன்றாம் டோஸ் தடுப்பூசி போடும் திட்டத்தை தொடங்க பிரிட்டன் அரசு கிரீன் சிக்னல் கொடுத்துள்ளது. செப்டம்பர் முதல் இத்திட்டத்தை தொடங்கவுள்ளதாக சுகாதார மற்றும் சமூக நல துறை செயலாளர் சஜித் ஜாவித் தெரிவித்துள்ளார்.

கோவிஷீல்டு தடுப்பூசிக்கு பச்சை கொடி காட்டிய ஐரோப்பிய நாடுகள் இவை தான்!
தடுப்பூசி போடும் திட்டத்தால் கொரோனா பிடியில் இருந்து விடுதலை கிடைத்து வருவதாகவும், இந்த சுதந்திரத்தை மூன்றாம் டோஸ் பாதுகாக்கும் எனவும் அவர் தெரிவித்துள்ளார். உருமாறிய கொரோனா வைரஸ், குளிர் காலம் போன்றவற்றை கருத்தில் கொண்டு தொலைநோக்கு பார்வையுடன் மூன்றாம் டோஸ் போட முடிவு செய்துள்ளதாக அவர் கூறினார்.



Source link

Share on Social Media

Leave a Reply

Your email address will not be published. Required fields are marked *