Share on Social Media


ஹைலைட்ஸ்:

  • கோஸ்டா ரிக்கா நாட்டில் 5 வயது மேற்பட்ட குழந்தைகளுக்கு தடுப்பூசி கட்டாயம்
  • கோஸ்டா ரிக்கா அரசு அதிரடி

கோஸ்டா ரிக்கா நாட்டில், 5 வயதுக்கு மேற்பட்ட குழந்தைகளுக்கு, கொரோனா தடுப்பூசி செலுத்துவது கட்டாயம் என அந்நாட்டு அரசு அறிவித்துள்ளது.

கொரோனா வைரஸ் தொற்றால், இந்தியா, அமெரிக்கா, பிரிட்டன், பிரான்ஸ் உள்ளிட்ட உலக நாடுகள் கடுமையான பாதிப்புகளை சந்தித்துள்ளன. கொரோனா தடுப்பூசி கண்டுபிடிக்கப்பட்ட பிறகு உலக நாடுகள் நிம்மதி பெருமூச்சு விட்டன. இந்தியா உள்ளிட்ட நாடுகளில், 18 வயது மேற்பட்டோருக்கு கொரோனா தடுப்பூசிகள் போடப்பட்டு வருகின்றன.

சீனா, சிலி, கியூபா, ஐக்கிய அரபு அமீரகம் உள்ளிட்ட நாடுகளில் சிறுவர்களுக்கும் கொரோனா தடுப்பூசி போடப்பட்டு வருகிறது. இந்தியாவில், சிறுவர்களுக்கு கொரோனா தடுப்பூசி போடுவதற்கான பரிசோதனைகள் நடைபெற்று வருகின்றன.
நீண்ட வாலுடன் பிறந்த ஆண் குழந்தை – வைரலாகும் புகைப்படம்!
இந்நிலையில், மத்திய அமெரிக்க நாடான கோஸ்டா ரிக்காவில், 5 வயதுக்கு மேற்பட்ட குழந்தைகள் அனைவருக்கும் கட்டாயமாக கொரோனா தடுப்பூசி செலுத்தப்பட வேண்டும் என அந்நாட்டு அரசு அறிவித்துள்ளது. உலகிலேயே முதல் முறையாக கோஸ்டா ரிக்காவில் தான் குழந்தைகளுக்கு கொரோனா தடுப்பூசி செலுத்துவது கட்டாயம் ஆக்கப்பட்டுள்ளது குறிப்பிடத்தக்கது.

கோஸ்டா ரிக்கா நாட்டில் ஏற்கனவே 12 வயதுக்கு மேற்பட்டவர்கள் அனைவருக்கும் கொரோனா தடுப்பூசி செலுத்தப்பட்டு வரும் நிலையில், இதுவரை 54 சதவீதத்திற்கும் அதிகமானோர் 2 டோஸ் தடுப்பூசிகளையும் செலுத்திக் கொண்டுள்ளனர் என்பது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *