Share on Social Media


தடுப்பூசி போட்டுக் கொள்ள மக்கள் தயங்கும் நேரத்தில் அது தொடர்பாக சத்யராஜ் பேசிய வீடியோ வெளியாகியுள்ளது.

தடுப்பூசி

கொரோனாவின் இரண்டாம் அலை இந்தியாவில் சுனாமியாக மாறி பல உயிர்களை குடித்துக் கொண்டிருக்கிறது. இந்நிலையில் தடுப்பூசி போட்டுக் கொள்ள பலரும் தயங்குகிறார்கள். திரையுலக பிரபலங்கள் தாங்கள் தடுப்பூசி போட்டுக் கொள்வதுடன் மற்றவர்களையும் போட்டுக் கொள்ளுமாறு தொடர்ந்து ஊக்குவித்து வருகிறார்கள். இருப்பினும் மக்களிடையே இருக்கும் தயக்கம் இன்னும் தீரவில்லை. இந்நிலையில் தடுப்பூசி போட்டுக் கொள்வது குறித்து சத்யராஜ் பேசிய வீடியோ வெளியாகியிருக்கிறது.

சத்யராஜ்

samayam tamil Tamil News Spot

அந்த வீடியோவில் சத்யராஜ் கூறியிருப்பதாவது, சமீபமாக சில வேதனையான விஷயங்களைக் கேள்விப்படுகிறேன். யாருமே சரியாகத் தடுப்பூசிப் போட்டுக் கொள்வதில்லை. செல்போன் வந்த பிறகு நமக்கு நாமே மருத்துவர் ஆகிவிட்டோம். அக்கம்பக்கத்தினர், சொந்தக்காரர்கள், நண்பர்கள் என அனைவருமே மருத்துவர்கள். அது எப்படி என்று கேள்வி எழுப்பியுள்ளார்.

மருத்துவர்கள்

samayam tamil Tamil News Spot

மருத்துவத்துக்கு படித்தவர்கள் தான் மருத்துவராக இருக்க முடியும். அதனால் தடுப்பூசி பற்றி ஏதாவது குழப்பம் இருந்தால், தெரிந்த மருத்துவரை அணுகுங்கள். அவர்கள் சரியான அறிவுரை வழங்குவார்கள். நம் உடம்புக்கு ஒன்றும் வராது என்று காலரைத் தூக்கிவிட்டுக் கொண்டு, இது சத்தியத்துக்குக் கட்டுப்பட்ட உடம்பு என்பது எல்லாம் இருந்துவிட்டுப் போகட்டும். ஆனாலும், நம்மை விட மருத்துவர்களுக்கு நமது உடம்பை பற்றி நன்றாகத் தெரியும். அதற்குத்தான் அவர்கள் மருத்துவத்துக்கு படித்துள்ளார்கள். நான் சொல்வதைக் கூடக் கேட்காதீர்கள். நான் என்ன மருத்துவரா என்கிறார் சத்யராஜ்.

அறிவுரை

samayam tamil Tamil News Spot

சமீபத்தில் கேட்கும் விஷயம் எல்லாம் மனவேதனையைத் தருகிறது. மாஸ்க் அணிவது, தனிமனித இடைவெளி, கிருமி நாசினி மூலம் கையைச் சுத்தப்படுத்துவது எல்லாம் அனைவரும் செய்கிறார்கள். ஆனால், இந்த தடுப்பூசி விஷயத்தில் பெரிய குழப்பம் இருக்கிறது. தயவுசெய்து மருத்துவர்களை அணுகி அறிவுரை பெற்று தடுப்பூசி போட்டுக் கொள்ளுங்கள் என்று சத்யராஜ் தெரிவித்துள்ளார்.



Source link

Share on Social Media

Leave a Reply

Your email address will not be published. Required fields are marked *