Share on Social Media

கொரோனா நோயின் தாக்கம் தாய் மற்றும் கருவுக்கும் ஏற்படுகிறது. இந்நிலையில் கர்ப்பிணிகளும் கோவிட் தடுப்பூசி போட்டு கொள்ள பரிந்துரைக்கப்படும் நிலையில் இதன் நன்மைகள் பாதகமான விளைவுகள் ஏதேனும் உள்ளதா என்பதையும் தெரிந்துகொள்ள வேண்டும்.

​கர்ப்பிணிக்கு கோவிட் தடுப்பூசி !

மத்திய சுகாதார அமைச்சகம் பாலூட்டும் அம்மாக்களை தொடர்ந்து கர்ப்பிணி பெண்களும் தடுப்பூசி போட்டு கொள்ள வேண்டுமென வலியுறுத்தியுள்ளது. கொரோனா தொற்றிலிருந்து பெரும்பாலும் கர்ப்பிணிகள் மீண்டு விடுகிறார்கள். தீவிரமான கொரோனா நிலையை சில கர்ப்பிணிகள் மட்டுமே எதிர்கொள்கிறார்கள்.

ஆபத்தான கர்ப்பத்தை கொண்டிருக்கும் பெண்கள், பிரசவம் சுகமாக என்ன செய்ய வேண்டும்?

கர்ப்பிணிக்கு கொரோனா பாதிப்பு நேரிடும் போது அது கருவை பாதிக்கும் என்பதால் கர்ப்பிணிகள் கோவிட் தடுப்பூசி போட்டுகொள்ள வேண்டும் என்று மத்திய சுகாதார அமைச்சகம் அறிவுறுத்துகிறது.

​கோவிட் தடுப்பூசி கர்ப்பிணிகளுக்கு ஏன் அவசியம்!

samayam tamil Tamil News Spot

பொதுவாகவே கர்ப்பிணிகள் நோய்த்தொற்று அபாயத்தை அதிகமாக எதிர்கொள்கிறார்கள். கர்ப்பிணிகள் கொரோனாவை எதிர்கொள்ளும் போது கடுமையான ஆபத்தை எதிர்கொள்கிறார்கள். கர்ப்பிணி பெண்கள் மற்றவர்களை காட்டிலும் அதிகமாகவே பாதிக்கப்படுகிறார்கள்.

கூடுதலாக கொரோனா உடன் குறைபிரசவ ஆபத்தை எதிர்கொள்கிறார்கள். அதோடு வேறு விளைவுகளின் ஆபத்தும் அதிகமாக இருக்கலாம். பிறந்த குழந்தை இரண்டு மடங்கு நோய்பாதிப்பை கொண்டிருக்கலாம். இது எல்லோருக்குமானது இல்லை என்றாலும் சில பெண்கள் இந்த பாதிப்பை எதிர்கொள்கிறார்கள்.

பெரும்பாலான கர்ப்பிணி பெண்கள் அறிகுறியற்றவர்களாகவோ அல்லது இலேசான நோயால் பாதிக்கப்பட்டவர்களாகவோ இருக்கலாம். ஆனாலும் அவர்களது உடல்நலம் வெகுவாக பாதிக்கப்படுகிறது. இது கருவையும் பாதிக்கலாம். அதனால் தான் கர்ப்பிணிகள் கொரோனாவிலிருந்து பாதுகாத்துகொள்வது அவசியமாகிறது. அதில் ஒன்று கொரோனா தடுப்பூசி போட்டுகொள்வது.

கர்ப்பிணி பெண்களுக்கு கோவிட் 19 உடன் கொமொர்பிடிட்டி கொண்ட பெண்களுக்கு கடுமையான ஆபத்துக்களை உண்டாக்கலாம். அதனால் கர்ப்பிணி பெண்கள் கோவிட் தடுப்பூசி எடுத்துகொள்ள வேண்டும் என்று உலக சுகாதார நிறுவனம் பரிந்துரைக்கிறது.

​கோவிட் தொற்று அபாயம் கொண்டிருப்பவர்கள்

samayam tamil Tamil News Spot

கர்ப்பிணி பெண் சுகாதாரத்துறை பணியாளர் அல்லது முன்னிலை அதிகாரியாக பணியாற்றுபவர்களாக இருந்தால் . நோய் எதிர்பு சக்தி மிக பலவீனமாக இருக்கும் நிலையி நோய்த்தொற்றூகள் அதிகம் இருக்கும் இடத்தில் புழங்குபவர்கள்.கர்ப்பிணி பெண் வேலை விஷயங்களுக்காக வெளியில் செல்வதாக இரூக்கும் போது.

கர்ப்பகாலத்தில் மாத்திரைகள் : உஷார் அலட்சியமாக இருந்தால் கருவை பாதிக்கலாம், என்ன செய்வது!

சிறிய வீட்டில் வசிக்கும் போது வீட்டிலிருந்து வெளியே சென்று வரும் நபர்களால் பாதிக்கப்படலாம். சமூக இடைவெளி கடைப்பிடிக்க முடியாத நிலையில் தடுப்பூசி மிக மிக அவசியமாக கருதப்படுகிறது.

​கொரோனா கர்ப்பிணி பெண்ணின் ஆரோக்கியத்தை எப்படி பாதிக்கிறது?

samayam tamil Tamil News Spot

கோவிட் பாதித்த 90% கர்ப்பிணி பெண்கள் அதிக சிகிச்சையிலாமல் வீட்டிலேயே குணமடைந்துவிடுகிறார்கள். மருத்துவமனையில் அனுமதிக்கும் அளவு தீவிரமான கொரோனா பாதிப்பை கொண்டிருக்கும் கர்ப்பிணிகளுக்கு இறப்பு அபாயமும் இருக்கலாம்.

இவர்கள் கொரோனா இல்லாத கர்ப்பிணி பெண்களை காட்டிலும் ஐசியூ சிகிச்சைக்கு தேவையாக இருக்கிறார்கள். அதோடு குறைப்பிரசவம், எக்ளாம்பிசியா போன்ற அறிகுறிகள், சிசேரியன் மற்றும் இறப்பு வரையான ஆபத்தை கொண்டிருக்கிறார்கள்.

​கர்ப்பிணிக்கு கொரோனா தொற்று நேர்ந்தால் அது எப்படி குழந்தையை பாதிக்கிறது?

samayam tamil Tamil News Spot

கொரோனா பாதிப்பை எதிர்கொண்ட கர்ப்பிணி பெண்கள் பிரசவித்த (95% சதவீதம்) குழந்தைகள் நல்ல நிலையில் இருக்கிறார்கள். எனினும் கர்ப்பத்தில் கொரோனா தொற்று இருப்பவர்களுக்கு குறைப்பிரசவ அபாயம் அதிகரிக்கிறது. பிறந்த குழந்தைக்கும் மருத்துவ சிகிச்சை தேவைப்படும் அளவு அபாயம் இருக்கலாம். அதிலும் சில குழந்தைகள் இறக்கும் அபாயம் வரை கூட கொண்டிருக்கலாம்.

​கொரோனா வந்த பிறகு அதிக சிக்கலை எதிர்கொள்ளும் கர்ப்பிணிகள்?

samayam tamil Tamil News Spot

கர்ப்பகாலத்தில் கொரோனா தொற்றுக்கு பிறகு சிக்கலை வளர்ப்பதற்கான ஆபத்துகளை கொண்டிருப்பவர்கள். ஏற்கனவே நோய்த்தொற்றால் பாதிக்கப்பட்டவர்கள் வயது அதிகம் கொண்ட கர்ப்பிணிகள், உடல் பருமனை கொண்டிருப்பவர்கள் அதிக ஆபத்தை எதிர்கொள்வார்கள்.

ஏற்கனவே சில ஆபத்து கொண்டிருக்கும் பெண்களுக்கு கடுமையான நோய்க்கான ஆபத்தும் உள்ளது. குறிப்பாக நீரிழிவு நோய், உறுப்பு மாற்றம் ஏதேனும் செய்து கொண்டவர்கள், தீவிர ஆஸ்துமா பிரச்சனை கொண்டிருப்பவர்கள், சிஸ்டிக், ஃபைப்ரோசிஸ், சுவச பிரச்சனை கொண்டிருப்பவர்கள், டயாலிசிஸ், மேம்பட்ட்ட நாள்பட்ட சிறுநீரக நோய், இதய நோய் மற்றும் செல் நோய்களை கொண்டிருப்பவர்களுக்கு ஆபத்துகள் அதிகமாகலாம்.

​கர்ப்பிணிக்கு எப்போது கோவிட் தடுப்பூசி போட வேண்டும்? கருவுக்கு ஏதேனும் பக்கவிளைவுகள் உண்டாகுமா?

samayam tamil Tamil News Spot

கர்ப்பிணி கர்ப்பகாலத்தில் கொரோனாவை சந்தித்து குணமாகியிருந்தால் பிரசவத்துக்கு பிறகு அவருக்கு தடுப்பூசி போட வேண்டும். கோவிட் தடுப்பூசி பாதுகாப்பானவை. கர்ப்பிணி பெண்களை பாதுகாக்கிறது .கொரோனா தடுப்பூசி குறித்து சில நிபுணர்கள் கர்ப்பிணிக்கு அல்லது கருவுக்கு சில ஆபத்தை உண்டாக்கும் என்று நம்புகிறார்கள்.

மற்ற மருந்துகளை போன்றே இந்த தடுப்பூசியும் இலேசான பக்கவிளைவுகளை உண்டாக்கும். தடுப்பூசி போட்டு கொண்ட பிறகு கர்ப்பிணிக்கு இலேசான காய்ச்சல், ஊசி போடும் இடத்தில் வலி. 1 முதல் 3 நாட்கள் வரை உடல்நிலை சரியில்லாமல் போவது போன்றவற்றை எதிர்கொள்ளலாம்.

Infertility : குழந்தையின்மை பிரச்சனைக்கு மருத்துவ காரணங்கள், தீர்வுகள்! தம்பதியர் அறிவது அவசியம்!

கரு மற்றும் குழந்தைக்கு தடுப்பூசி நீண்ட கால பாதகமான விளைவுகள் இல்லை. கர்ப்பிணிக்கு தடுப்பூசி செலுத்தப்பட்ட பிறகு 20 நாட்களுக்குள் தென்படும் சில அறிகுறிகள் அவருக்கு உடனடி சிகிச்சை அவசியத்தை உணர்த்துவதாக இருக்கலாம்.

​யாருக்கு தடுப்பூசி தேவையில்லை

samayam tamil Tamil News Spot

கர்ப்பிணி பெண்கள் அனாபிலாக்டிஸ் அதிர்ச்சி அல்லது ஒவ்வாமை எதிர்வினைகளை கொண்டிருப்பவர்கள். ஊசி முறைகளில் ஒவ்வாமை கொண்டிருப்பவர்கள், மருந்துகள், உணவு பொருள்கள் போன்ற ஒவ்வாமை கொண்டிருப்பவர்கள்.

தற்காலிகமாக தடுப்பூசியை தவிர்க்க வேண்டியவர்கள் கொரோனா தொற்று நோயிலிருந்து மீண்டவர்கள் 12 வாரங்கள் அல்லது 4 முதல் 8 வாரங்கள் வரை தவிர்க்க வேண்டும். கொரொனாவுக்கு ஆண்டி பாடிகளுடன் சிகிச்சை அல்லது பிளாஸ்மா சிகிச்சை செய்து கொண்டவர்கள் தற்காலிகமாக தவிர்க்க வேண்டும்.

தடுப்பூசிக்கு பிறகு வரும் மோசமான அறிகுறிகள்!

samayam tamil Tamil News Spot

அரிதாக 1 முதல் 5 இலட்சம் உள்ள கர்ப்பிணிகளில் ஒருவருக்கு தடுப்பூசி செலுத்தப்பட்ட பிறகு 20 நாட்களுக்குள் தென்படும் சில அறிகுறிகள் அவருக்கு உடனடி சிகிச்சை அவசியத்தை உணர்த்துவதாக இருக்கலாம்.

மூச்சுத்திணறல், சுவாசிப்பதில் சிரமமாக இருந்தால், நெஞ்சு வலி, கைகால்களில் வீக்கம், தடுப்பூசிக்கு பிறகு இரத்தக்கசிவு , தோலில் சிராய்ப்பு, தளம், வாந்தியுடன் அல்லது இல்லாமல் தொடர்ந்து வயிற்றுவலி உருவாவது, வலிப்பு தாக்கங்கள் இல்லாத நிலையில் வாந்திஎடுப்பது,

ட்வின்ஸ் : இரட்டைக்குழந்தையை சுமக்கறீங்களா? சுகமான பிரசவத்துக்கு இந்த குறிப்புகள் உதவும்!

கடுமையான தொடர்ச்சியான தலைவலி இருந்தால் ( முந்தைய நிலையில் தலைவலி இல்லாமல் இருப்பது) கை கால்களில் பலவீனம், முடக்கம், காரணமே இல்லாமல் வாந்தி, மங்கலான பார்வை, கண்களில் வலி, கவலை அளிக்கும் வேறு எந்த அறிகுறிகள் இருந்தாலும் தாமதிக்காமல் மருத்துவரை அணுக வேண்டும்.

Thanks for the Source

Share on Social Media

Leave a Reply

Your email address will not be published. Required fields are marked *