Share on Social Media

ஹைலைட்ஸ்:

  • கோவிட்-19 தடுப்பூசி போட்டுக் கொண்டவர்கள் ரத்த தானம் செய்யலாமா…
  • தடுப்பூசி போட்டுக் கொண்டவர்கள் எத்தனை நாட்கள் இடைவெளி விட்டு ரத்த தானம் செய்ய வேண்டும்
  • பிளாஸ்மா தானம் செய்வதற்கு கோவிட்-19 தடுப்பூசி போட்டுக் கொண்டவர்கள் கடைபிடிக்க வேண்டிய வழிமுறைகள்

கோவிட்-19 தடுப்பூசி போட்டுக் கொள்கிறவர்கள் இரத்த தானம் செய்ய முடியுமா? என்ற கேள்விக்கு நீங்கள் பதிலாக என்ன எதிர்பார்த்திருப்பீர்கள்? கொடுக்கக்கூடாது, குறிப்பிட்ட நாட்கள் வரை காத்திருக்க வேண்டும் போன்றவை தானே. ஆனால் நீங்கள் நினைப்பது போல கிடையாது.

இதுகுறித்து அமெரிக்க செஞ்சிலுவைச் சங்கம் மற்றும் இனோவா இரத்த நன்கொடை சேவைகள் சங்கமும் வெளியிட்டுள்ள அறிக்கையின் படி,, நீங்கள் தடுப்பூசி போட்டுக் கொண்ட நீங்கள் ரத்த தானம் மட்டுமல்ல, பிளேட்லெட்டுகள், ஏபி உயரடுக்கு பிளாஸ்மா வரை தானம் செய்ய முடியும்.

கொடுக்கலாம் சரி. எத்தனை நாட்கள் இடைவெளியில் கொடுக்கலாம் என்ற அடுத்த கேள்வி வரும். அதற்கும் பதில் மிக எளிது தான். நீங்கள் எந்தவித கொரோனா வைரஸ் தொற்று அறிகுறியும் இல்லாதவராக இருந்தால், நலமுடன் இருப்பவராக இருந்தால், எந்தவித கால இடைவெளியும் தேவையில்லை.

ஆனால் தடுப்பூசி போட்டுக் கொண்டவர்கள் உணவு மற்றும் மருந்து போன்றவற்றில் கட்டுப்பாட்டுடன் இருக்க அறிவுறுத்தப்பட்டிருந்தால் அவர்கள் பிளாஸ்மா தானம் செய்ய முடியாது. பரிசுாதனைகள் செய்து உறுதிப்படுத்தப்பட்ட பின்பே செய்ய முடியும்.

ரத்த தானம் செய்ய நினைப்பவர்களுக்கு

நீங்கள் ரத்த தானம் செய்ய வேண்டும் என்று விரும்பினால், உங்கள் தடுப்பூசி அட்டையை உங்களுடன் கொண்டு செல்லுங்கள். செஞ்சிலுவைச் சங்கத்தினரிடம் காண்பிக்கும் போது உங்களுக்கு எந்த தடுப்பூசி போடப்பட்டது என்பதை சரிபார்ப்பார்கள்.

சில குறிப்பிட்ட வகை தடுப்பூசி மருந்து செலுத்திக் கொள்பவர்களுக்கு எந்தவித கால தாமதமுமின்றி ரத்த தானம் செய்ய முடியும்.

உங்களுக்கு எந்த தடுப்பூசி போடப்பட்டது என்று உங்களுக்குத் தெரியவில்லை என்றால், நீங்கள் ரத்த தானம் செய்ய குறைந்தது இரண்டு வாரங்கள் வரை காத்திருக்க வேண்டும்.

இந்த பெருந்தொற்று காலகட்டத்தில் இரத்த தானம் செய்வது மிகவும் குறைந்துள்ளது. இரத்த கோளாறுகள், புற்றுநோய் மற்றும் பிற சுகாதார அச்சுறுத்தல்களை எதிர்த்துப் போராடும் மக்கள் உட்பட, மாற்று அறுவை சிகிச்சைகளை நம்பியிருக்கும் பலருக்கு இது உயிருக்கு ஆபத்தான பிரச்சினையாக இருக்கிறது.

பல இரத்த தான மையங்கள் இரத்த தானம் அளிக்கும் டோனர்களுக்கு அவசர அழைப்புகளை விடுக்கின்றன.

நீங்கள் தடுப்பூசி போட்டுக் கொண்டிருந்தால், ஒருவேளை ரத்ததானம் செய்ய விரும்பினால் ரத்த வங்கி மற்றும் தடுப்பூசி மையங்களின் ஆலோசனை மற்றும் வழிகாட்டுதலின் படி ரத்த தானம் செய்யுங்கள்.

Thanks for the Source

Share on Social Media

Leave a Reply

Your email address will not be published. Required fields are marked *