Share on Social Media


ஹைலைட்ஸ்:

  • கொரோனாவை தடுக்கும் புதிய மருந்துகள்
  • ஆஸ்திரேலிய ஆய்வாளர்களின் அட்டகாசமான அறிவிப்பு

உலகம் முழுவதும் கொரோனா நெருக்கடி இன்னும் தணிந்தபாடில்லை. பொது மக்களுக்கு தடுப்பூசி போடும் பணிகள் ஒருபுறம் தீவிரமாக நடைபெறுகிறது. மறுபுறம், புதிய சக்திவாய்ந்த மருந்துகள், சிகிச்சை முறைகள், தடுப்பூசிகள் ஆகியவற்றுக்கான தேடலும், முயற்சியும் தொடர்ந்துகொண்டே இருக்கிறது.

இந்நிலையில், கொரோனா வைரஸை தடுக்கக்கூடிய இரண்டு மருந்துகளை ஆஸ்திரேலியாவை சேர்ந்த ஆய்வு நிறுவனம் உருவாக்கியுள்ளது. தற்போது பரவி வரும் கோவிட்-19 நோய் SARS-CoV-2 என்ற கொரோனா வைரஸால் ஏற்படுகிறது. இந்த வைரஸை தடுக்கக்கூடிய இரண்டு மருந்துகளை ஆஸ்திரேலியாவில் குயின்ஸ்லாந்தில் உள்ள பெர்கோபர் மருத்துவ ஆய்வு நிறுவனம் உருவாக்கியுள்ளது.

கொரோனா வைரஸால் பாதிக்கப்பட்ட நோயாளிகளுக்கும் இந்த மருந்தை கொடுத்தால் அவர்களுக்கு தீவிர நோய் பாதிப்பு ஏற்படாமல் தடுக்க முடியும் என்று தெரிவிக்கப்பட்டுள்ளது.

உலகிலேயே முதல் தடுப்பூசி போட்டுக்கொண்டவர் மரணம்!
கொரோனா வைரஸை மையமாக கொள்ளாமல், கொரோனா வைரஸுக்கு மனித செல்கள் எப்படி எதிர்வினையாற்றுகிறது என்பதை மையமாக வைத்து இம்மருந்துகள் உருவாக்கப்பட்டுள்ளதாக பெர்கோபர் மருத்துவ ஆய்வு நிறுவனம் தெரிவித்துள்ளது.

இம்மருந்துகளை சாதாரணமாக அறை வெப்பநிலையிலேயே செமித்து வைக்க முடியும் என்பதால் விநியோகத்தில் சிக்கல்கள் இருக்காது என்கின்றனர். இம்மருந்தை வைத்து ஏற்கெனவே மனித ரத்தம், மனித செல்களில் சோதனை நடத்திவிட்டனர். ஆரம்பகட்ட முடிவுகள் திருப்திகரமாக இருப்பதாக கூறுகின்றனர்.



Source link

Share on Social Media

Leave a Reply

Your email address will not be published. Required fields are marked *