Share on Social Media


ஹைலைட்ஸ்:

  • திருப்பூர் மக்களை நினைத்து ரவிகுமார் கவலை
  • கொரோனா பயம் இல்லாமல் இருக்கும் மக்கள்
  • வேண்டா வெறுப்பாக மாஸ்க் அணியும் மக்கள்

கொரோனாவின் இரண்டாம் அலை மோசமாக இருக்கிறது. ஆனால் தமிழக மக்கள் அதை பெரிதாக எடுத்துக்கொள்ளவில்லை. மாஸ்க் அணிவது அவர்களுக்கு சுத்தமாக பிடிக்கவில்லை. பெயருக்காக மாஸ்க் அணிகிறார்கள். அதுவும் தாடையில் இருக்கிறது.

இன்று தமிழகத்தில் துணிக் கடைகளில் கூடிய கூட்டத்தை பார்த்த மீம்ஸ் கிரியேட்டர்களோ, எதை எடுத்தாலும் கொரோனா இலவசம் என்று தெரிவித்துள்ளனர். அவர்கள் சொல்வது உண்மை தான். சமூக இடைவெளி என்றால் என்ன என்று கேட்கும் அளவுக்கு மக்கள் அருகருகே நிற்கிறார்கள்.

இந்நிலையில் சிவகார்த்திகேயனை வைத்து அயலான் படத்தை இயக்கிய ரவிகுமார் தன் ஃபேஸ்புக் பக்கத்தில் கூறியிருப்பதாவது,

திருப்பூரில் பெரும்பாலோனோர் அணிந்திருப்பது ஒரே ஒரு துணியிலான பனியன் மாஸ்க். துவைத்து பயன்படுத்திக்கொள்ளலாம் என்று வசதியாக அந்த மாஸ்க்கை அணிகிறார்கள். ஆனால் அந்த மாஸ்க் கொரோனா வைரஸை துளியும் தடுக்காது. கொடுமை அதையும் தாடைக்கு அணிந்தபடி சுற்றுவதுதான். கூட்டமில்லாத ஒரு மளிகை கடையில் நிறுத்தினேன். அவ்வளவு பேரை சந்திக்கும் கடைக்காரர் தாடைக்கு மாஸ்க் அணிந்தபடி சர்வசாதாரணமாக புலங்கிக்கொண்டிருக்கிறார் “அண்ணா மூக்குக்கு போடுங்க” என்று சொன்னதும் சுரத்தையே இல்லாமல் இழுத்துவிட்டுக்கொண்டார். ஒரு அக்கா சேலை தலைப்பால் மூக்கை மூடியபடி வந்து நின்றார். சாலையில் எதிர்படும் பலரும் மாஸ்க் விஷயத்தில் ரொம்பவும் கவனக்குறைவாக இருப்பது கவலையாக இருக்கிறது.

ஒரு வைரஸுக்கு எதிரான பாதுகாப்பான தடுப்பு நடவடிக்கை எது என்பது இன்னமும் மக்களுக்கு சரிவர தெரியவில்லை. மாஸ்க் பற்றிய விழிப்புணர்வு இல்லை. தமிழ்நாட்டில் கொரோனா பரவலில் திருப்பூர் முதல் ஐந்து இடத்திற்குள் இருக்கிறது முன்னணிக்கு வந்தாலும் ஆச்சர்யம் இல்லை. நிலவரம் அப்படி இருக்கிறது என்று தெரிவித்துள்ளார்.
சிவகார்த்திகேயன் பட இயக்குநர், 3 வயது மகளுக்கு கொரோனாரவிகுமாரும், அவரின் 3 வயது மகள் நறுமுகையும் அண்மையில் தான் கொரோனா பாதிப்பில் இருந்து மீண்டு வந்தனர் என்பது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *