Share on Social Media

கொரோனா வைரஸால் பாதிக்கப்பட்டவர்கள் நிமோனியாவையும் சேர்த்து எதிர்கொள்ளும் போது இது கடுமையான நோய் மட்டும் அல்ல. ஆபத்தான நோயும் கூட. இது குறித்து பார்க்கலாம்.

நிமோனியா என்றால் என்ன

நிமோனியா என்றால் என்ன, இதன் அறிகுறிகள், மோசமான பாதிப்புகள், அதற்கான சிகிச்சை முறைகள், யாரை அதிகம் தாக்கும் போன்ற பல விஷயங்களை ஏற்கனவே பார்த்திருக்கிறோம். எனினும் சுருக்கமாக பார்க்கலாம்.

நிமோனியா என்பது நுரையீரலில் உண்டாகும் தொற்று ஆகும். இது நுரையீரலுக்குள் இருக்கும் சிறிய காற்று சாக்குகளில் வீக்கத்தை உண்டாக்குகிறது. இது அதிக திரவம் அல்லது சீழ் போன்றவற்றால் நிரப்பப்படலாம். இதனால் சுவாசிப்பு கடினமாக இருக்கும். கடுமையான மூச்சுத்திணறல், இருமல், காய்ச்சல், மார்பு வலி, சளி அல்லது சோர்வு இருக்கலாம்.

வெந்நீர் சூடாக குடித்தால் கொரோனா வராதாமே? உண்மை நிலை என்ன?

இந்த நேரத்தில் மருத்துவர் இருமல் மற்றும் காய்ச்சலை குறைக்கும் வலி நிவாரணிகளை பரிந்துரைக்கலாம் மிகவும் தீவிரமான நேரத்தில் வெண்டிலேட்டர் கருவியுடன் சுவாசிக்க செய்யலாம். சரியான நேரத்தில் மருத்துவரின் சிகிச்சை அவசியம்.

தற்போது கொரோனா வைர்ஸ் அல்லது வைரஸ் தொற்றுகளின் சிக்கலாக நிமோனியாவை பெறுவதற்கு வாய்ப்புண்டு. மேலும் பாக்டீரியா, பூஞ்சை மற்றும் பிற நுண்ணுயிரிகளும் இதற்கு காரணங்களாகின்றன.

​கொரோனாவால் பாதிக்கப்பட்ட நிமோனியா

samayam tamil Tamil News Spot

கொரோனா தொற்று உள்ள சிலருக்கு நிமோனியா உண்டாகிறது. கொரோனாவா நிமோனியாவை பெற்றவர்களை புதிய கொரோனா வைரஸுடன் பாதிக்கப்பட்ட நிமோனியா என்று உலக சுகாதார நிறுவனம் அழைக்கிறது. இது குறுகிய காலம் நீடிக்கும் நோய் ஆகும்.

கொரோனா வைரஸ் உடன் நிமோனியா காய்ச்சலை கொண்டிருந்தால் என்ன மாதிரியான அறிகுறிகள் இருக்கும் என்று கேட்கலாம். காய்ச்சல், உலர்ந்த இருமல், மூச்சுத்திணறல் போன்றவை கொரோனாவின் ஆரம்ப அறிகுறிகளாக இருக்கலாம்.

சோர்வு

குமட்டல் உணர்வு அல்லது வாந்தி

வயிற்றுப்போக்கு

வயிறு வலி

தசை வலி

தலைவலி

சுவை உணர்வு இன்மை’

வாசனை தெரியாமல் இருப்பது

தொண்டையில் புண்

நெரிசல்

மூக்கு ஒழுகுவது

கண்கள் இளஞ்சிவப்பு நிறத்தில் இருப்பது

தோல் தடிப்புகள்

கொரோனா நிமோனியாவை உண்டாக்கினால் இந்த அறிகுறிகளை நீங்கள் நன்றாக உணரலாம்.

விரைவான இதயத்துடிப்பு

மூச்சுத்திணறல்

சுவாசம் வேகமாக இருப்பது

கடுமையான வியர்வை

தலைச்சுற்றல் இருக்கலாம்.

​கொரோனா நோயாளிகளில் நிமோனியா

samayam tamil Tamil News Spot

கொரோனா நோயாளிகளில் 15 % பேர் கடுமையான நிமோனியாவை கொண்டிருக்கலாம். இவர்களுக்கு மருத்துவமனையில் ஆக்ஸிஜன் படுக்கை தேவைப்படலாம். 5% பேருக்கு ஆபத்தான நோய்த்தொற்றுகள் உள்ளன அவர்களுக்கு வெண்டிலேட்டர் தேவைப்படுகிறது.

நிமோனியாவை எதிர்கொள்பவர்களுக்கு கடுமையான சுவாசக்குழாய் நோய்க்குறி நிலை கூட இருக்கலாம். இது விரைவாக சுவாச சிக்கல்களை ஏற்படுத்துகிறது.

புதிய கொரோனா வைரஸ் நுரையீரலில் கடுமையான வீக்கத்தை உண்டாக்குகிறது. உங்கள் நுரையீரலில் உள்ள காற்று பைகளை வரிசைப்படுத்தும் செல்கள் மற்றும் திசுக்களை சேதப்படுத்துகிறது. இந்த பைகளில் தான் சுவாசிக்கும் ஆக்ஸிஜன் சேமிக்கப்பட்டு இரத்தத்துக்கு வழங்கப்படும்.

இந்த பைகள் சேதமடையும் போது திசுக்கள் உடைந்து நுரையீரலில் அடைப்பை உண்டாக்குகிறது. பைகளின் சுவர்கள் தடிமனாக இருப்பதால் சுவாசிப்பதும் கடினமாக இருக்க கூடும்.

​ யாருக்கு நிமோனியா பாதிப்பு வரலாம்

samayam tamil Tamil News Spot

கொரோனாவால் நிமோனியா என்பது யாருக்கு வேண்டுமானாலும் வரலாம். பெரும்பாலும் 65 வயதுக்கு மேற்பட்டவர்கள் இந்த ஆபத்தை கொண்டுள்ளனர்.

கடுமையான ஆஸ்துமாவுக்கு

மிதமான நுரையீரல் நோய்

உயர் இரத்த அழுத்தம்

இதய நோய்

நீரிழிவு நோய்

கல்லீரல் நோய்

கொரோனாவால் தனிமை : ஆக்ஸிஜன் அளவு குறையாமல் இருக்க செய்ய வேண்டியது என்ன? மருத்துவரின் குறிப்பு!

சிறுநீரக செயலிழப்பு

கடுமையான உடல்பருமன்

40 அல்லது அதற்கு மேற்பட்ட பிஎம்ஐ குறியீடு கொண்டவர்களுக்கு

பலவீனமான நோய் எதிர்ப்பு சக்தி கொண்டவர்கள்

எய்ட்ஸ் நோய் கொண்டுள்ளவர்கள்

ஸ்டீராய்டு மருந்துகள் நோய் எதிர்ப்பு சக்தியை மெதுவாக்கும் மருந்துகளை எடுத்துகொள்பவர்களும் அடங்குவர்கள்.

​கொரோனா உடன் நிமோனியா எப்படி கண்டறியப்படுகிறது

samayam tamil Tamil News Spot

கொரோனா நோயாளிகளின் அறிகுறிகள் மற்றும் ஆய்வக சோதனைகள் அடிப்படையில் மருத்துவர் நிமோனியாவை கண்டறியலாம். இரத்த பரிசோதனைகள், கொரோனா 19 நிமோனியாவின் அறிகுறிகளை காட்டகூடும்.

குறைந்த லிம்போசைட்டுகள், சி.ஆர்.பி போன்றவை அடங்கும். மேலும் இரத்தத்தில் ஆக்ஸிஜன் அளவு குறைவாக இருக்கலாம். சி.டி.ஸ்கேன் பரிசோதனையில் இரண்டு நுரையீரல்களிலும் சேதமடைந்த பகுதிகளை பார்க்க முடியும்.

​கொரோனாவால் நிமோனியாவுக்கு சிகிச்சை என்ன

samayam tamil Tamil News Spot

கொரோனா நோயாளிகள் நிமோனியாவை பெறும் போது அவர்களது சிகிச்சை அளிக்க ஆக்ஸிஜன் படுக்கை தேவைப்படலாம். சுவாசிக்க உதவும் வெண்டிலேட்டர் நீரிழப்பை தடுக்க நரம்பு திரவங்கள் தேவைப்படும்.

சில மருந்துகள் பிற நிலைமைகளுக்கு பயன்படுத்தப்படும் சிகிச்சைகள் கடுமையான கொரோனா நிமோனியாக்கு சிகிச்சையளிக்குமா என்பதை மருத்துவ பரிசோதனைகள் ஆராய்ந்து வருகின்றன.

கொரோனா உடன் நிமோனியாவை கொண்டுள்ள நோயாளிகளுக்கு ரெம்டெசிவிர் பயன்படுத்த Food and Drug Administration ஒப்புதல் அளித்துள்ளது. இது எபோலா வைரஸ்க்கு சிகிச்சை அளிக்க பயன்படுத்தப்பட்டது.

​கொரோனா நிமோனியாவை தடுக்க முடியுமா

samayam tamil Tamil News Spot

கொரோனா நோயாளிகள் நிமோனியாவை தடுக்க என்னவெல்லாம் செய்யலாம் என்றூ பார்க்கலாம். கைகளை அடிக்கடி கழுவ வேண்டும். குறைந்தது 20 விநாடிகளாவது சோப்பு கொண்டு கழுவ வேண்டும். கைகளை கழுவ முடியாத நிலையில் சானிடைசர் பயன்படுத்த வேண்டும். கைகளில் முழுமையாக கரைந்து வெளியேறும் வரை அதை கைகளில் தேய்க்கவும்.

கைகளை கழுவும் வரை முகம், வாய் கண்களை தொடக்கூடாது. தொற்று மற்றும் நோய் பாதித்தவரை தவிர்க்க வேண்டும். இயன்றவரை வீட்டில் இருப்பது தான் பாதுகாப்பு. தவிர்க்க முடியாமல் வெளியே சென்றால் மாஸ்க் அணிந்து கொள்ளுங்கள்.

ஆஸ்துமா நோயாளிகள் கொரோனா காலத்தில் பின்பற்ற வேண்டிய குறிப்புகள்!

கொரோனா தடுப்பூசியை தவிர்க்காமல் போடுவது நல்லது. அதே நேரம் இந்த தடுப்பூசி நிமோனியாவை தடுக்காது. நிமோனியா தடுப்பூசி ஒரு வகையான பாக்டீரியாவிலிருந்து பாதுகாக்க்றது. கொரோனா வைரஸிடமிருந்து அல்ல.

உங்கள் ஒட்டுமொத்த ஆரோக்கியத்தையும் பாதுகாக்க நீங்கள் வயதானவராகவோ அல்லது பலவீனமான நோய் எதிர்ப்பு அமைப்பு கொண்டவர்களாக இருந்தால் மருத்துவரை அணுகி தடுப்பூசி குறித்து கலந்து ஆலோசித்து சரியான முறையில் எடுத்துகொள்ளுங்கள்.

Thanks for the Source

Share on Social Media

Leave a Reply

Your email address will not be published. Required fields are marked *