Share on Social Media


ஹைலைட்ஸ்:

  • 2020-21ல் மாணவர் எண்ணிக்கை சரிந்து விட்டது.
  • 2019-20ல் இது 2 லட்சமாக இருந்தது.
  • கொரோனா காரணமாக மாணவர் எண்ணிக்கையில் சரிவு.


கொரோனா வந்ததற்குப் பின்னால் இந்தியாவிலிருந்து அமெரிக்காவுக்குப் படிக்கப் போகும் மாணவர்கள்
எண்ணிக்கை வெகுவாக குறைந்து விட்டதாக புள்ளிவிவரத் தகவல்கள் தெரிவிக்கின்றன.

அமெரிக்க பல்கலைக்கழகங்களில் 2020-21 ஆண்டில் சர்வதேச மாணவர்களின் எண்ணிக்கையில் 15 சதவீத அளவுக்கு சரிவு ஏற்பட்டுள்ளதாகவும் இந்த ஆய்வு தெரிவிக்கிறது.

2020-21ம் ஆண்டில் அமெரிக்கப் பல்கலைக்கழகங்களில் 9 லட்சத்து 14 ஆயிரத்து 095 சர்வதேச மாணவர்கள் சேர்ந்தனர். இதுவே கடந்த 2014-15 ஆண்டுவாக்கில் 9 லட்சத்து 74 ஆயிரத்து 926 ஆக இருந்தது. அமெரிக்காவில் தங்கிப் படிப்போர் மட்டுமல்லாமல் தத்தமது நாடுகளிலிருந்து ஆன்லைன் மூலம் படிப்போரையும் சேர்த்த எண்ணிக்கை இது. சீனா மற்றும் இந்தியாவைச் சேர்ந்த மாணவர்கள் தான் அதிக அளவில் அமெரிக்காவில் படிக்கிறார்கள். 2020-21ல் இவர்களது கூட்டு எண்ணிக்கை மட்டும் 53 சதவீதமாக இருந்தது.

இந்திய மாணவர்களின் எண்ணிக்கை 2019-20ம் ஆண்டில் 1.93 லட்சமாக இருந்தது. இது 2020-21ல் 1.67 லட்சமாக குறைந்து விட்டது. 2016-17ல் இந்திய மாணவர்களின் எண்ணிக்கை 1.86 லட்சமாக இருந்தது. இது 2017-18ல் 1.96 லட்சமாக உயர்ந்தது. 2018-19ல் 2.02 லட்சமாக எகிறியது. ஆனால் கொரோனாவுக்குப் பின்னர் இது குறைய ஆரம்பித்து விட்டது.

கொரோனா காரணமாகவே மாணவர்கள் எண்ணிக்கையில் சரிவு ஏற்பட்டுல்ளது. பல சர்வதேச மாணவர்களால் கொரோனா கட்டுப்பாடு காரணமாக அமெரிக்காவுக்கு வர முடியாத நிலை ஏற்பட்டுள்ளது இன்னொரு முக்கியக் காரணம்.

இருப்பினும் 2021-22ல் இந்த நிலை மாறும் என்று அமெரிக்க பல்கலைக்கழகங்கள் எதிர்பார்க்கின்றன. 2021 ம் கல்வியாண்டுக்கு இதுவரை இல்லாத அளவுக்கு அதிக அளவிலான விசாக்கள் தரப்பட்டிருப்பதாகவும் தெரிவிக்கப்பட்டுள்ளது.



Source link

Share on Social Media

Leave a Reply

Your email address will not be published. Required fields are marked *