Share on Social Media


ஹைலைட்ஸ்:

  • கொரோனா தடுப்பூசி போட்டுக் கொள்பவர்களுக்கு ரூ.7500
  • நியூயார்க் மேயர் அதிரடி அறிவிப்பு

அமெரிக்காவின், நியூயார்க் சிட்டியில் கொரோனா தடுப்பூசி போட்டுக் கொள்பவர்களுக்கு 100 அமெரிக்க டாலர்கள் வழங்கப்படும் என, நகர நிர்வாகம் அறிவித்துள்ளது.

சர்வதேச அளவில், அமெரிக்காவில் தான் கொரோனா பாதிப்பு அதிகம். கொரோனா தொற்றால் உயிரிழந்தவர்களின் எண்ணிக்கையும் இங்கு தான் அதிகம். அமெரிக்காவில் கொரோனா பரவல் குறைந்துள்ள நிலையில், தடுப்பூசி போடும் பணிகள் முடுக்கி விடப்பட்டுள்ளன.

தடுப்பூசி குறித்து பொது மக்களிடையே விழிப்புணர்வு ஏற்படுத்த பல்வேறு முயற்சிகளை அமெரிக்க அரசு அறிவித்து வருகிறது. இந்நிலையில், அமெரிக்காவில் கடந்த சில நாட்களாக, கொரோனா பரவல் அதிகரித்து வருகிறது. அங்கு டெல்டா வகை கொரோனா தொற்று பரவி வருவது மக்களிடையே அச்சத்தை ஏற்படுத்தி உள்ளது.
அலுவலகத்திற்கு வர தடுப்பூசி கட்டாயம் – பிரபல நிறுவனம் அறிவிப்பு!
இந்நிலையில், நியூயார்க் சிட்டியில், கொரோனா தடுப்பூசி போட்டுக் கொள்பவர்களுக்கு 100 அமெரிக்க டாலர்கள் வழங்கப்படும் என அந்நகர மேயர் டெ பிளாசியோ அறிவித்துள்ளார். இது குறித்து அவர் கூறியதாவது:

சிரட்டையில் கைவண்ணம் காட்டும் இளைஞர்

நாளை முதல் செப்டம்பர் மாதம் 2வது வாரத்திற்குள் தடுப்பூசி செலுத்திக் கொள்ளும் நியூயார்க் மக்களுக்கு 100 டாலர் பரிசு கிடைக்கும். செப்டம்பர் மாதத்திற்குள் தடுப்பூசி போட்டுக் கொள்ளாதவர்களுக்கு வாரந்தோறும் பரிசோதனை செய்யப்படும்.

நியூயார்க்கில் இதுவரை 66 சதவீதம் பேர் இரண்டு டோஸ் தடுப்பூசிகளும், 71 சதவீதம் பேர் ஒரு டோஸ் தடுப்பூசியும் போட்டுக் கொண்டுள்ளனர்.
இவ்வாறு அவர் தெரிவித்தார்.
100 அமெரிக்க டாலர் என்பது, இந்திய மதிப்பில், சுமார் 7 ஆயிரத்து 500 ரூபாய் ஆகும்.



Source link

Share on Social Media

Leave a Reply

Your email address will not be published. Required fields are marked *