Share on Social Media


ஹைலைட்ஸ்:

  • மூன்றாம் பாலினத்தவர்களில் 11,499 பேர் மட்டுமே அடையாளம் காணப்பட்டுள்ளனர்
  • அடையாள அட்டை இல்லாதவர்களுக்கும் நிவாரண உதவி வழங்கப்படும்

தமிழக அரசு கொரோனா நிவாரண நிதியாக ரேஷன் அரிசி அட்டைதாரர்களுக்கு ரூ.4000 வழங்கப்படும் என அறிவித்தது. அதன்படி, முதல் தவணை ரூ.2000 வழங்கப்பட்டு தற்போது இரண்டாம் தவணையும் அதனுடன் இணைந்து 14 வகையான மளிகைப் பொருட்கள் அடங்கிய தொகுப்பும் வழங்கப்பட்டு வருகிறது.

இதனிடையே, தூத்துக்குடி மாவட்டத்தைச் சேர்ந்த கிரேஸ்பானு சென்னை உயர் நீதிமன்றத்தில் வழகு ஒன்றை தொடர்ந்தார். அதில், தமிழகத்தில் சுமார் 50 ஆயிரம் மூன்றாம் பாலினத்தவர்கள் உள்ளனர். அதில், 11,499 பேர் மட்டுமே அடையாளம் காணப்பட்டுள்ளனர். அதிலும், 2,541 பேர் மட்டுமே குடும்ப அட்டைகள் வைத்துள்ளனர். கடந்த ஆண்டு கொரோனா தொற்று பொதுமுடக்கத்தின் போது மூன்றாம் பாலினத்தவர்களுக்கு ஆயிரம் ரூபாய் நிதியுதவி வழங்கப்பட்டது. எனவே குடும்ப அட்டைகளோ, நலவாரியத்தில் பதிவு செய்து அடையாள அட்டைகளோ இல்லாத மூன்றாம் பாலினத்தவர்களுக்கும், ரூ.4 ஆயிரம் நிவாரண உதவித் தொகையை வழங்க தமிழக அரசுக்கு உத்தரவிட வேண்டும் என கோரியிருந்தார்.

இந்த வழக்கு தலைமை நீதிபதி சஞ்சீவ் பானர்ஜி, நீதிபதி செந்தில்குமார் ராமமூர்த்தி ஆகியோர் அடங்கிய அமர்வு முன் விசாரணைக்கு வந்தது. அப்போது அரசு தரப்பில் ஆஜரான அரசு தலைமை வழக்குரைஞர் ஆர்.சண்முக சுந்தரம், அடையாள அட்டை இல்லாதவர்களுக்கும் நிவாரண உதவி வழங்கப்படும். தமிழகத்தில் மொத்தமுள்ள 11,449 மூன்றாம் பாலினத்தவர்களில், குடும்ப அட்டை வைத்துள்ளவர்களுக்கு நிவாரண உதவித் தொகை வழங்கப்பட்டுள்ளது. எஞ்சியவர்களுக்கும் நிவாரணத் தொகை வழங்கப்படும் என தெரிவித்தார்.

காங்கிரஸ் தலைவர் சோனியா காந்திக்கு முதல்வர் ஸ்டாலின் கொடுத்த பரிசு!
இதையடுத்து, அரசின் உதவித்தொகை வழங்கும் திட்டத்தை தவறாக பயன்படுத்த கூடாது என்று அறிவுறுத்திய நீதிபதிகள், உண்மையான மூன்றாம் பாலினத்தவர்களின் பெயர், முகவரியை அளிக்க வேண்டும் என்று உத்தரவிட்டு, நிவாரணத் தொகை கிடைக்காமல் விடுபட்டவர்கள் குறித்து தெரிவிக்கும் பொருட்டு வழக்கு விசாரணையை மூன்று வாரங்களுக்கு தள்ளி வைத்தது.



Thanks for the source

Share on Social Media

Leave a Reply

Your email address will not be published. Required fields are marked *