Share on Social Media


ஹைலைட்ஸ்:

  • கொரோனா தோற்றம் குறித்து உலக சுகாதார நிறுவனம் முழுமையாக புலனாய்வு செய்ய வேண்டும்
  • எதிர்காலத்தில் இதுபோன்ற பேரழிவில் இருந்து பாதுகாத்து கொள்ள கொரோனா பற்றிய புலனாய்வு அவசியம்

உலகையே அச்சுறுத்தும் கொரோனாவின் தோற்றம் குறித்து உலக நாடுகளிடையே தொடர்ந்து விவாதிக்கப்பட்டு வருகிறது. சீனர்களின் உணவுப் பழக்கமே காரணம் என்றும், கொரோனா வைரஸ் திட்டமிடப்பட்ட உயிரி ஆயுதம் எனவும் பரப்பி விடப்பட்டது. ஆனால், இது எதுவுமே ஆதாரப்பூர்வமாக நிரூபிக்கப்படவில்லை.

அதனைத்தொடர்ந்து, உலக சுகாதார நிறுவனத்தின் வல்லுநர்கள் சீனாவின் வுஹான் நகருக்கு சென்று ஆய்வு நடத்தினர். அதிலும், கொரோனா திட்டமிட்டு பரப்பப்பட்டது என்று நிரூபனமாகவில்லை. இந்த நிலையில், கொரோனா வைரஸ் கிருமி சீனாவின் உயிரியல் ஆய்வகத்தில் இருந்து வெளியானதற்கான சாத்தியம் இருப்பதாக இங்கிலாந்து புலனாய்வு முகமை அதிகாரிகள் ஆதாரம் திரட்டியுள்ளனர்.

பிரிட்டன் உட்பட மேற்கத்திய புலனாய்வு அமைப்புகளின் விசாரணையில் கொரோனா வவ்வால்களின் உடலில் இருந்து பிரித்தெடுக்கப்பட்டது என்பதை உறுதி செய்துள்ளனர். இதேபோல் பிரிட்டன் மற்றும் நார்வே நாட்டு அறிவியலாளர்கள் இணைந்து நடத்திய ஆய்வில் உகான் ஆய்வகத்தில் விஞ்ஞானிகளே கொரோனா வைரஸை உருவாக்கியது கண்டறியப்பட்டதாக லண்டனில் இருந்து வெளியாகும் பிரபல டெய்லி மெயில் பத்திரிகை செய்தி வெளியிட்டுள்ளது. கொரோனாவின் தோற்றமாக கூறப்படும், சீனாவின் வுஹான் நகரில் உள்ள ஹூனான் மார்க்கெட் அந்த நாட்டின் வைரஸ் ஆராய்ச்சி மையம் அருகே அமைந்திருப்பதும் சுட்டிக் காட்டப்பட்டுள்ளது.

பள்ளியில் குழந்தைகளின் எலும்புக் கூடுகள்: பொதுமக்கள் அதிர்ச்சி!
கொரோனா தோற்றம் குறித்து உலக சுகாதார நிறுவனம் முழுமையாக புலனாய்வு செய்ய வேண்டும் என்று இங்கிலாந்து தடுப்பூசிகள் துறை அமைச்சர் நவீன் வலியுறுத்தியுள்ளார். எதிர்காலத்தில் இதுபோன்ற பேரழிவில் இருந்து நம்மை பாதுகாத்து கொள்ள கொரோனா எங்கே உருவானது என்ற முழுமையான புலனாய்வு அவசியம் என்று இங்கிலாந்து நாடாளுமன்ற தேர்வுக்குழு தலைவரும் பழமைவாத கட்சி எம்.பி.யுமான டாம் வலியுறுத்தியுள்ளார்.

முன்னதாக, கொரோனா வைரஸ் எங்கு தோன்றியது என்று 90 நாட்களுக்குள் கண்டறிந்து தெரிவிக்குமாறு அமெரிக்க உளவு அமைப்புகளுக்கு அந்நாட்டு அதிபர் ஜோ பைடன் அதிரடி உத்தரவிட்டுள்ளார் என்பது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *