Share on Social Media


தர்மபுரி மாவட்டம் அரூர் அடுத்த அண்ணாமலைபட்டி கிராமத்தைச் சேர்ந்தவர் ராஜசேகர். வயது 26. பட்டதாரியான இவர் கடந்த 2018ஆம் ஆண்டு இரண்டாம் நிலை காவலர் தேர்வில் வெற்றி பெற்று ஆயுதப் படையில் பணியாற்றி வந்தார்.

அதன்பின் 2019ஆம் ஆண்டு செப்டம்பர் மாதம் முதல் கோவை மாவட்டம் கருமத்தம்பட்டி காவல் நிலையத்தில் இரண்டாம் நிலை காவலராக பணியில் சேர்ந்தார். கடந்த ஒரு வருடங்களுக்கு மேலாக கருமத்தம்பட்டி காவல் நிலையத்தில் பணிபுரிந்து வந்த நிலையில் மருத்துவ விடுமுறை எடுத்துக்கொண்டு ராஜசேகர் கடந்த சில தினங்களுக்கு முன்னர் சொந்த ஊருக்குச் சென்றிருந்தார்.

இதனிடையே சேலத்தில் உள்ள தனியார் மருத்துவமனையில் உறவினர் ஒருவர் அனுமதிக்கப்பட்டிருந்த நிலையில் அவரை பார்ப்பதற்காக ராஜசேகர் புதன்கிழமை காலை வந்துள்ளார். காலை 6 மணி அளவில் மருத்துவமனை வளாகத்தில் நடந்து வந்து கொண்டிருந்த அவருக்கு திடீரென நெஞ்சு வலி ஏற்பட்டது.
வலியால் அலறி துடித்த அவர் ஒரு இருக்கையில் அமர்ந்துள்ளார்.

அப்போது அவர் அமர்ந்திருந்த இடத்திலிருந்து திடீரென மயங்கி கீழே சரிந்தார். இதைப் பார்த்த அக்கம் பக்கத்தினர் அவரை மருத்துவமனைக்குத் தூக்கிச் சென்றனர்.

கழிப்பறையில் நாற்றமா கோவை கமிஷ்னருக்கு கடிதம் அனுப்பலாம்!

மருத்துவர்கள் பரிசோதனை செய்ததில் ராஜசேகர், மாரடைப்பால் உயிரிழந்தது தெரியவந்தது. இதனை அடுத்து அவரது உறவினர்கள் மற்றும் காவல்துறையினருக்குத் தகவல் தெரிவிக்கப்பட்டு ராஜசேகர் உடல் பிரேதப் பரிசோதனை செய்யப்பட்டது.

புதன்கிழமை மாலை உறவினர்களிடம் ராஜசேகர் உடல் ஒப்படைக்கப்பட்டது. இதனிடையே காவலர் ராஜசேகர் நெஞ்சு வலியால் துடிப்பதும் ஒரு இடத்தில் போய் அமர்ந்து இருப்பதும் அங்குப் பொருத்தப்பட்டிருந்த சிசிடிவி கேமராவில் பதிவாகியுள்ளது. இளம் வயது காவலர் ஒருவர் மாரடைப்பால் உயிரிழந்த சம்பவம் கருமத்தம்பட்டி காவல்துறையினர் இடையே அதிர்ச்சியை ஏற்படுத்தியுள்ளது.



Thanks for the source

Share on Social Media

Leave a Reply

Your email address will not be published. Required fields are marked *