Share on Social Media


ஹைலைட்ஸ்:

  • அண்டை மாநிலங்களில் அதிகரித்து வரும் கொரோனா வைரஸ் பாதிப்பு
  • கோவையில் நாளை முதல் புதிய கட்டுப்பாடுகள் அமலாகின்றன
  • கடைகள், உணவகங்கள், மார்க்கெட்கள் இயங்க கட்டுப்பாடுகள் விதிப்பு

தமிழகத்தில் கூடுதல் தளர்வுகளுடன் கூடிய ஊரடங்கு கடந்த ஜூலை 31ஆம் தேதி முதல் வரும் 9ஆம் தேதி வரை நீட்டிக்கப்பட்டுள்ளது. இந்த சூழலில் தமிழகத்தின் அண்டை மாநிலங்கள் மற்றும் மாநிலத்தின் சில பகுதிகளில் கொரோனா வைரஸ் பாதிப்பு அதிகரித்து வருகிறது. இதனால் நோய்த்தொற்றை தடுக்கும் முன்னெச்சரிக்கை நடவடிக்கைகளில் தீவிரம் காட்ட வேண்டியுள்ளது. அதேசமயம் பொதுமக்களின் வாழ்வாதாரம் பாதிக்காத வகையிலும் நடவடிக்கை எடுக்கப்பட வேண்டும்.

முக்கிய ஆலோசனைக் கூட்டம்

இதையொட்டி கோயம்புத்தூர் மாவட்ட ஆட்சியர் அலுவலகத்தில் நேற்று நடைபெற்ற ஆலோசனை கூட்டத்தில் மாவட்ட காவல் ஆணையர் மற்றும் பல்வேறு வர்த்தக சங்க பிரதிநிதிகள் கலந்து கொண்டனர். இதனைத் தொடர்ந்து நாளை (ஆகஸ்ட் 2) முதல் கோயம்புத்தூர் மாவட்டத்திற்கு புதிய கட்டுப்பாடுகள் அமல்படுத்தப்படுவதாக அறிவிப்பு வெளியாகியுள்ளது. அதன்படி,

தமிழகப் பள்ளிகள் திறப்பு; அரசுக்கு காத்திருக்கும் சவால்கள் என்ன?

* கோயம்புத்தூர் மாவட்டத்தில் உள்ள அத்தியாவசிய கடைகளான பால், மருந்தகம், காய்கறி கடைகள் தவிர மற்ற கடைகள் காலை 10 மணி முதல் மாலை 5 மணி வரை மட்டும் செயல்பட அனுமதிக்கப்படும்.

ஞாயிற்றுக்கிழமைகளில் தடை

* கோயம்புத்தூர் மாநகராட்சி எல்லைக்கு உட்பட்ட கிராஸ்கட் சாலை, 100 அடி சாலை, காந்திபுரம் 5, 6, 7வது தெருக்கள், ஒப்பணக்கார வீதி, ராமமூர்த்தி சாலை, சாரமேடு சாலை, ரைஸ் மில் சாலை, என்.பி இட்டேரி சாலை, எல்லை தோட்ட சந்திப்பு, துடியலூர் சந்திப்பு ஆகிய தெருக்களில் இயங்கும் அத்தியாவசிய கடைகளான பால், மருந்தகம், காய்கறி கடைகள் தவிர மற்ற கடைகள் அனைத்தும் ஞாயிற்றுக்கிழமைகளில் இயங்க தடை விதிக்கப்படுகிறது.

மேகதாதுவில் அணை கட்ட முயற்சி செய்யும் கர்நாடக அரசை கண்டித்தும், மத்திய அரசை கண்டித்தும் கண்டன ஆர்ப்பாட்டம் !

* மாவட்டத்தில் உள்ள அனைத்து உணவகங்களும் காலை 8 மணி முதல் மாலை 5 மணி வரை அமர்ந்து 50 சதவீத வாடிக்கையாளர்களுடன் இயங்க அனுமதிக்கப்படுகிறது. மாலை 5 மணி முதல் இரவு 9 மணி வரை பார்சல் சேவைக்கு மட்டும் அனுமதி அளிக்கப்படுகிறது.

சுழற்சி முறையில் அனுமதி

* கோயம்புத்தூர் மாவட்டத்தில் உள்ள அனைத்து மார்க்கெட்டுகளில் மொத்த விற்பனை நிலையங்களுக்கு மட்டும் அனுமதி, சில்லரை விற்பனைக்கு அனுமதியில்லை மற்றும் 50 சதவீத கடைகள் சுழற்சி முறையில் இயங்க அனுமதிக்கப்படும். சம்பந்தப்பட்ட உள்ளாட்சி அமைப்புகள் இதனை கண்காணிக்க உத்தரவிடப்பட்டுள்ளது.

ஓபிஎஸ், ஈபிஎஸ்-க்கு நெருக்கடி; ஓபனா பேசிய அதிமுக நிர்வாகிகள்!

* கேரளா – தமிழ்நாடு மாநில எல்லைகள் அனைத்தும் சோதனைச்சாவடி அமைத்து கண்காணிக்கப்பட்டு வருகிறது. மேற்படி சோதனைச்சாவடி வழியாக கோயம்புத்தூர் மாவட்டத்திற்குள் வரும் பயணிகள் அனைவரும் 72 மணி நேரத்திற்குள் எடுக்கப்பட்ட RT-PCR பரிசோதனை மேற்கொள்ளப்பட்ட கோவிட்யின்மை சான்று அல்லது கொரோனா தடுப்பூசி (2 தவணைகள்) செலுத்தப்பட்டதற்கான சான்று கண்டிப்பாக உடன் வைத்திருக்க வேண்டும். இல்லையெனில் சோதனைச் சாவடியிலேயே Random RT-PCR பரிசோதனை மேற்கொள்ளப்படும் என்று தெரிவிக்கப்பட்டுள்ளது.



Thanks for the source

Share on Social Media

Leave a Reply

Your email address will not be published. Required fields are marked *