Share on Social Media


ஹைலைட்ஸ்:

  • ரஷ்யாவில் தொடங்கும் கோப்ரா பட இறுதிக்கட்ட ஷூட்டிங்.
  • பிப்ரவரி இறுதி வாரத்தில் ஷூட்டிங் தொடங்குகிறது.

‘கடாரம் கொண்டான்’ படத்தை அடுத்து விக்ரம் நடிக்கும் ‘கோப்ரா’ படத்தை இமைக்கா நொடிகள் பட இயக்குநர் அஜய் ஞானமுத்து இயக்கி வருகிறார். மாபெரும் பொருட்செலவில் உருவாகி வரும் இந்தப் படத்தில் விக்ரம் பல கெட்டப்களில் நடித்து வருகிறார்.

இந்தப் படத்தில் விக்ரமுக்கு ஜோடியாக ‘கேஜிஎப்’ பிரபலம் ஸ்ரீநிதி ஷெட்டி நடித்து வருகிறார். தமிழ், தெலுங்கு, இந்தி மொழிகளில் இந்தப் படம் வெளியாக இருக்கிறது. ஆக்‌ஷன் த்ரில்லர் படமான இதன் டைட்டிலுக்கும் விக்ரம் கேரக்டருக்கும் தொடர்பு இருக்கிறது என்று அஜய் ஞானமுத்து கூறியிருந்தார் என்பது குறிப்பிடத்தக்கது.

இந்தப் படத்தின் ஷூட்டிங், ரஷ்யாவில் நடந்த போதுதான் கொரோனா பரவல் அதிகமானது. அப்போது ரஷ்யாவிலும் ஊரடங்கு அமல்படுத்தப்பட இருந்ததால், படப்பிடிப்பைப் பாதியில் நிறுத்திவிட்டு இந்தியா திரும்பியது படக்குழு.

பின்னர் கடந்த டிசம்பர் மாதம் இதன் ஷூட்டிங் மீண்டும் தொடங்கியது. இந்தியாவில் படப்பிடிப்பு அனுமதிக்கப்பட்ட பிறகு, சில முக்கியமான காட்சிகளை இரவு, பகலாகப் படமாக்கி வந்தது படக்குழு. ரஷ்யாவில் எடுக்க வேண்டிய காட்சிகளை, க்ரீன் மேட்டில் எடுத்து கிராபிக்ஸ் செய்ய ஆலோசனை நடத்திவந்தது. ஆனால், பொருட்செலவு, கால அவகாசம் என எதிர்பார்த்ததை விட அதிகம் தேவைப்பட்ட காரணத்தால், மீண்டும் ரஷ்யாவிலேயே படப்பிடிப்பை நடத்த ‘கோப்ரா’ படக்குழு திட்டமிட்டது.

இதன் படப்பிடிப்பு ரஷ்யாவில் பிப்ரவரி 23ம் தேதி தொடங்குவதாக தகவல்கள் வெளியாகி உள்ளது. இதற்காக விக்ரம் நாளை மாலை ரஷ்யாவுக்கு பயணிக்க இருக்கிறார். இதோடு ரஷ்யாவில் இந்த படத்தின் படபிடிப்பு முழுமையாக முடிந்துவிடும் என்று தெரிகிறது.

அதற்குப் பிறகு சென்னையில் ஓரிரு நாட்கள் சின்ன சின்ன காட்சிகளைப் படமாக்க உள்ளனர் படக்குழுவினர். அத்துடன் ஒட்டுமொத்த படப்பிடிப்பும் முடிந்துவிடும் எனப் படக்குழுவினர் சார்பில் தெரிவித்தார்கள். இந்தப் படத்தின் படபிடிப்பை முடித்துவிட்டு, மணிரத்தினம் இயக்கி வரும் ‘பொன்னியின் செல்வன்’ படப்பிடிப்பில் ஏப்ரல் மாதத்தில் கலந்து கொள்ள இருக்கிறார் நடிகர் விக்ரம்.

இதையடுத்து இந்தப் படங்களை முடித்துவிட்டு, கார்த்திக் சுப்புராஜ் இயக்கத்தில் உருவாகும் தற்போது படத்தில் கவனம் செலுத்த உள்ளார் விக்ரம். விக்ரமின் 60வது படமாக உருவாக இருக்கும் இந்தப் படத்தில், துருவ் நாயகனாகவும், விக்ரம் வில்லனாகவும் நடிப்பதாகக் கூறப்படுகிறது. இந்தப் படத்திற்கு ரசிகர்கள் மத்தியில் பெரும் எதிர்பார்ப்பை ஏற்படுத்தி உள்ளது என்பது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *