1602004830 pic Tamil News Spot
Share on Social Media

குழந்தைக்கு சுவை அறிந்ததும் அது முதலில் விரும்புவது இனிப்பு சுவையை தான். அதனால் குழந்தைக்கு பிடிக்கிறதே என்று சுவை அறிந்த உடன் சாக்லெட் பழக்கம் கூடாது. பொதுவாக குழந்தைக்கு இரண்டு வயதாகும் வரைசாக்லேட்கொடுப்பதை தவிர்ப்பது தான் நல்லது. சாக்லேட் இருக்கும் காஃபின் மற்றும் தியோப்ரோமைன் காஃபின் கலவை என்பதால் குழந்தைக்கு தவிர்ப்பது நல்லது.

குழந்தைக்கு திட உணவு பழகினாலும் கூட சாக்லேட் போன்ற இனிப்பை தவிர்ப்பதே நல்லது. அப்படியானால் குழந்தைக்கு சாக்லேட் கொடுக்கவே கூடாது என்ற முடிவுக்கு வர வேண்டாம். இரண்டு வயதுக்கு பிறகு கண்டிப்பாக குழந்தைக்கு சாக்லேட் கொடுங்கள். ஏனென்றால் இது பல நன்மைகளை குழந்தைக்கு கொண்டிருக்கிறது.

பிறந்த குழந்தையோட தூக்கம் எவ்வளவு நேரம் வரை இருக்கணும் ? எது ஆரோக்கியம்?

குழந்தைக்கு தாய்ப்பாலுக்கு பிறகு கொடுக்கும் எந்த உணவாக இருந்தாலும் அது குழந்தைக்கு ஒப்புகொள்கிறதா? வேறு ஏதேனும் ஒவ்வாமை உண்டாகிறதா என்பதை அறிந்துகொள்வது அவசியம். இது கடினமாக இருந்தாலும் குழந்தைக்கு பழகும் ஒவ்வொரு பொருளுமே குழந்தையின் உடலில் எத்தகைய மாற்றத்தை உண்டாக்குகிறது என்பதை அறிந்த பிறகு தொடர வேண்டும்.

சாக்லேட் நன்மை

சத்தான காய்கறிகள் முதல் பழங்கள், உணவு, உலர் பருப்புகள் என்று எதுவாக இருந்தாலும் குழந்தைக்கு அது எந்த ஒவ்வாமையையும் தரவில்லை என்றால் மட்டுமே தொடர வேண்டும். சமயங்களில் குழந்தைக்கு பால் ஒவ்வாமை உணர்வை தருவதால் சாக்லேட் கொடுக்கும் போது இன்னும் கூடுதல் கவனம் தேவை. இரண்டு வயதுக்கு பிறகு குழந்தைக்கு சாக்லேட் கொடுப்பதை தவிர்க்க வேண்டாம் என்று சொல்கிறோமே. என்ன மாதிரியான நன்மைகள் கிடைக்கும் என்று பார்க்கலாம்.

குழந்தைக்கு சாக்லேட் பழகும் போது மருத்துவர்கள் சாக்லேட் பால் அறிமுகப்படுத்தலாம். சாக்லேட்டில் இருக்கும் ஃப்ளேவனாய்டுகள் மூளை அலைகளை தூண்டி இலகுவாக பணி செய்ய உதவுகிறது. அறிவாற்றல் திறன்களையும் மேம்படுத்துகிறது. மூளையில் குறைபாடு நேராமல் நினைவுத்திறனை அதிகரிப்பதிலும் சாக்லேட் உதவுகிறது. பதப்படுத்தப்பட்ட சாக்லேட் வகைகளை காட்டிலும் டார்க் சாக்லேட் வாங்கிதருவது நிச்சயம் ஆரோக்கியமானது.

சாக்லேட் எடுத்துகொள்வதன் மூலம் குழந்தையின் இதயம் ரத்த நாளங்களின் செயல்பாடுக மேம்படுத்தப்படுகிறதாக சொல்லப்படுகிறது. சாக்லேட்டில் இருக்கும் ஃப்ளவனோல்கள் ரத்தக்கட்டி உண்டாகாமல் தடுத்து ரத்த ஓட்டத்தை மேம்படுத்துகிறது.

குழந்தையின் துணியிலும் கிருமி இருக்கலாம், எப்படி துவைக்கணும் ?

சாக்லேட்டில் இருக்கும் ஆக்ஸிஜனேற்றிகள் பழங்கள் காய்கறிகளை போன்று உடலில் உயிரணு சேதமாவதை தடுக்கிறது. உயிரணுக்களின் செயல்பாட்டை மேம்படுத்துகிறது. சாக்லேட் சாப்பிடும் போது அவை எண்டோர்பின்ஸ் எனப்படும் நரம்பு மண்டலத்தை தூண்டுகிறது. மேலும் இதில் இருக்கும் செரடோனின் இயற்கையாகவே மகிழ்ச்சியான மனநிலையும் புத்துணர்ச்சியும் கிடைக்கும்.

குழந்தைகளுக்கு கொழுப்பு குறித்த அச்சம் தேவையில்லை என்றாலும் சாக்லேட் நல்ல கொழுப்பின் அளவை அதிகரித்து உடலில் இருக்கும் கெட்ட கொழுப்பின் அளவையும் குறைக்கிறது.

குழந்தைக்கு சாக்லேட்

குழந்தைக்கு சாக்லேட் நல்லது என்று சொன்னாலும் என்ன மாதிரியான சாக்லேட் வாங்கிதருகிறீர்கள் என்பதும் அவசியம் அறிய வேண்டும். ஏனெனில் எல்லா வகையான சாக்லேட் வகைகளும் குழந்தைக்கு ஏற்றதல்ல. அதிகம் இனிப்பு கலந்த சாக்லேட் குழந்தைக்கு கொடுப்பதை தவிர்ப்பது நல்லது. மிதமான இனிப்பு கொண்ட சாக்லெட் வகையறாக்கள் மட்டுமே குழந்தைக்கு கொடுக்க வேண்டும்.

கசப்பு சுவை கொண்ட டார்க் சாக்லேட் கொடுத்து பழகலாம். பெரும்பாலும் குழந்தைகள் எல்லோருமே இந்த கசப்பு சுவையை அனுபவிக்க விரும்பமாட்டார்கள். ஆனால் இனிப்பு சுவை தான் சாப்பிடுகிறார்கள் என்று அதிகப்படியான சாக்லேட்டை வாங்கி தருவது குழந்தைக்கு பல் சொத்தை, உடல் பருமன் போன்ற பிரச்சனையை உண்டாக்கிவிடவும் கூடும். மேலும் குழந்தைக்கு 45 மில்லி கிராம் அளவுக்கு மேல் காஃபின் இருக்க கூடாது. சாக்லேட்டில் இருக்கும் கொக்கோ பவுடர் தான் உடல் ஆரோக்கியத்துக்கு துணைபுரிகிறது.குழந்தைக்கு ஏதேனும் உடல் குறைபாடுகளை கண்டறிந்தால் மருத்துவரை அணுகிய பிறகு கொடுப்பது தான் நல்லது.

சாக்லேட் தான் நல்லதாயிற்றே என்று அள்ளி கொடுக்காமல் ஒரு நாளைக்கு ஒரு துண்டு என்று மட்டும் பழக்கப்படுத்துங்கள். சாக்லேட் மட்டுமல்ல எந்த இனிப்பு சாப்ப்பிட்டாலும் குழந்தையை வாய் கொப்புளிக்க பழகுங்கள். இதனால் பற்கள் பாதுகாக்கப்படும். எல்லா உணவும் உடல் ஆரோக்கியத்துக்கு தான் ஆனால் அளவாக பயன்படுத்த வேண்டும் என்பது பெரியவர்களை விட வளரும் குழந்தைகளுக்கு மிக பொருத்தமாக இருக்கும்.

Thanks for the Source

Share on Social Media

Leave a Reply

Your email address will not be published. Required fields are marked *