Share on Social Media


கொரோனா இரண்டாம் அலையின் தாக்கம் படிப்படியாக குறைந்து வருவதை தொடர்ந்து பல மாதங்களாக ஒத்தி வைக்கபட்ட படப்பிடிப்புகள் தற்போது முழு வீச்சில் நடைபெற்று வருகிறது. அந்த வகையில் கார்த்திக் சுப்புராஜ் இயக்கத்தில் விக்ரம் நடிக்கும் ‘சீயான் 60‘ படத்தின் படப்பிடிப்பு படு வேகமாக நடந்து வருகிறது. இந்நிலையில் ‘சீயான் 60’ படத்தின் இறுதிக்கட்ட படப்பிடிப்பு விரைவில் நிறைவடைய உள்ளதாக தகவல்கள் வெளியாகியுள்ளன.

கார்த்திக் சுப்புராஜ் இயக்கத்தில் தனது 60 வது படத்தில் நடித்து வருகிறார் விக்ரம். இந்த படத்தில் முதன்முறையாக தனது மகன் துருவ்வுடம் இணைந்து நடித்து வருகிறார். இந்த படத்தை 7 ஸ்கிரீன் ஸ்டூடியோ நிறுவனம் சார்பில் லலித்குமார் தயாரிக்கிறார். ஆக்ஷன் திரில்லர் கலந்த படமாக ‘சீயான் 60’ உருவாகி வருகிறது. இப்படத்தில் சிம்ரன், வாணி போஜன், பாபி சிம்ஹா ஆகியோர் முக்கிய கதாபாத்திரத்தில் நடிக்கின்றனர்.

சந்தோஷ் நாராயணன் இசையமைக்கும் இந்தப்படத்தின் படப்பிடிப்பு கொரோனா இரண்டாம் அலையால் நிறுத்தப்பட்டுள்ளது. இந்நிலையில் கொரோனா தொற்று குறைந்து வருவதை தொடர்ந்து அண்மையில் ‘சீயான் 60’ படத்தின் படப்பிடிப்பு மீண்டும் துவங்கியது. இந்த படத்தின் இறுதிக்கட்ட படப்பிடிப்பிற்காக துருவ் விக்ரம் உள்ளிட்ட இதர படக்குழுவினர் கொண்ட சுமார் 60 க்கும் மேற்பட்டோர் தனி விமானம் மூலம் டார்ஜிலிங் சென்றனர்.

நான் கல்லூரி படிப்பை கைவிட இவர்தான் காரணம்: பிரபல இயக்குனரை கை காட்டும் கார்த்திக் நரேன்!
இந்நிலையில் டார்ஜிலிங்கில் படமாக்க வேண்டிய காட்சிகளை எல்லாம் படக்குழு முடித்து விட்டதாக தகவல்கள் வெளியாகியுள்ளன. மேலும் ‘சீயான் 60’ படத்தில் துருவ் விக்ரம் சம்பந்தப்பட்ட காட்சிகள் அனைத்தும் முடிவடைந்துள்ளதாகவும் கூறப்படுகிறது. இதையடுத்து நேபாள் எல்லைப் பகுதியில் சில முக்கியமான காட்சிகளை எடுக்க உள்ளனர். அத்துடன் ஒட்டுமொத்த படப்பிடிப்பும் நிறைவடைகிறது.

இதே போல் அஜய் ஞானமுத்து இயக்கத்தில் விக்ரம் நடித்துள்ள ‘கோப்ரா’ படமும் விரைவில் வெளியாக உள்ளது. தமிழ், தெலுங்கு, இந்தி ஆகிய மூன்று மொழிகளில் தயாராகி வரும் இந்த திரைப்படத்தில் பல கெட்டப்களில் மிரட்டலான நடிப்பை தந்துள்ளார் விக்ரம். இந்த படமும் ஆக்ஷன் திரில்லர் ஜானரில் உருவாகி வருவது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *