Share on Social Media


கொரோனா இரண்டாம் அலையின் தாக்கம் படிப்டியாக குறைந்து வருகிறது. கொரோனாவை முற்றிலுமாக ஒழிக்க தடுப்பூசி ஒன்றே தீர்வு என வலியுறுத்தி வருகின்றனர் மருத்துவ வல்லுனர்கள். இதனையடுத்து திரையுலக பிரபலங்கள் பலரும் பொது மக்கள் மத்தியில் நிலவி வரும் கொரோனா தடுப்பூசி குறித்த அச்சத்தை போக்க, தாங்கள் தடுப்பூசி செலுத்தி கொண்ட புகைப்படங்களை இணையத்தில் பகிர்ந்து வருகின்றனர். இந்நிலையில் சீயான் 60 திரைப்பட குழுவினர் அனைவரும் தடுப்பூசி போட்டு கொண்டதாக தெரிவித்துள்ளனர்.

கார்த்திக் சுப்புராஜ் இயக்கத்தில் தனது 60 வது திரைப்படத்தில் நடித்து வருகிறார் விக்ரம். இந்த படத்தில் முதன்முறையாக தனது மகன் துருவ்வுடம் இணைந்து நடித்து வருகிறார் விக்ரம். இந்த படத்தை 7 ஸ்கிரீன் ஸ்டூடியோ நிறுவனம் சார்பில் லலித்குமார் தயாரிக்கின்றார். ஆக்ஷன் திரில்லர் கலந்த திரைப்படமாக சீயான் 60 உருவாகி வருகிறது.

இப்படத்தில் சிம்ரன், வாணி போஜன், பாபி சிம்ஹா ஆகியோர் முக்கிய கதாபாத்திரத்தில் நடிக்கின்றனர். சந்தோஷ் நாராயணன் இசையமைக்கும் இந்த திரைப்படத்தின் படப்பிடிப்பு கொரோனா இரண்டால் அலையால் நிறுத்தப்பட்டுள்ளது. இந்நிலையில் கொரோனா தொற்று குறைந்து வருவதால் சீயான் 60 திரைப்படத்தின் படப்பிடிப்பை மீண்டும் துவங்க ஆயத்தமாகி வருகின்றனர் படக்குழுவினர்.

ரஜினி தரப்பில் இருந்து எந்த விளக்கமும் அளிக்கப்படவில்லை: கஸ்தூரி ட்விட்டை மறுத்த மக்கள் தொடர்பாளர்!
இந்நிலையல் சீயான் 60 படப்பிடிப்பில் ஈடுபடுபவர்களின் பாதுகாப்பை உறுதி செய்யும் விதமாக அனைவருக்கும் கொரோனா தடுப்பூசி போடப்பட்டுள்ளதாக அறிக்கை ஒன்றை வெளியிட்டுள்ளனர் படக்குழுவினர். இதனால், இந்த வார இறுதியில் மீண்டும் சீயான் 60 திரைப்படத்தின் படப்பிடிப்பு துவங்கும் என எதிர்பார்க்கப்படுகிறது.

இதே போல் அஜய் ஞானமுத்து இயக்கத்தில் விக்ரம் நடித்துள்ள கோப்ரா திரைப்படமும் விரைவில் வெளியாக உள்ளது. தமிழ், தெலுங்கு, இந்தி ஆகிய மூன்று மொழிகளில் தயாராகி வரும் இந்த திரைப்படத்தில் பல கெட்டப்களில் மிரட்டலான நடிப்பை தந்துள்ளார் விக்ரம். இந்த படமும் ஆக்ஷன் திரில்லர் ஜானரில் உருவாகி வருவது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *