Share on Social Media


ஹைலைட்ஸ்:

  • காலை முதல் இரவு வரையில் என்னுடன் நூலகத்தில் இருக்க விரும்புகிறீர்களா
  • நான் உங்கள் இளமையின் ஒரு பகுதியாக மாற விரும்புகிறீர்களா
  • பெண்களை பயன்படுத்தி, மாணவர்களை கவர்ந்து இழுக்கும் வகையில் விளம்பரம்

சீனாவின் முன்னனி பல்கலைக்கழகங்களில் நாஞ்சிங் பல்கலைக்கழகமும் ஒன்று. இந்த நிலையில், அந்நாட்டில் தேசிய கல்லூரி நுழைவுத்தேர்வு கடந்த திங்கள் கிழமை நடந்தது. இதையொட்டி, தங்களது பல்கலைக்கழகத்துக்கு மாணவர்களை ஈர்க்கும் பொருட்டு சமூக வலைதளமாக வீபோவில் அப்பல்கலைக்கழகம் விளம்பரம் ஒன்று கொடுத்திருந்தது.

அந்த விளம்பரத்தில், நாஞ்சிங் பல்கலைக்கழகத்தில் வெவ்வேறு பிரிவுகளில் படிக்கும் மொத்தம் 6 மாணவ, மாணவிகள் பதாகைகளை ஏந்திக் கொண்டு நிற்கின்றனர். அதில், இரண்டு மாணவிகள் ஏந்திக் கொண்டு நின்ற பாலியல் தொடர்பான பதாகைகள் கடுமையான சர்ச்சையை ஏற்படுத்தியுள்ளது.

“காலை முதல் இரவு வரையில் என்னுடன் நூலகத்தில் இருக்க விரும்புகிறீர்களா?” என்று ஒரு பெண்ணும், “நான் உங்கள் இளமையின் ஒரு பகுதியாக மாற விரும்புகிறீர்களா?” என்று கூறும் வாசகங்களைக் கொண்ட அட்டைகளை மற்றொரு பெண்ணும் ஏந்திப் பிடித்திருந்தனர். ஆனால், மாணவர் ஒருவர் கையில் இருக்கும் பதாகையிலோ, “நீங்கள் ஒரு நேர்மையான, விடாமுயற்சியுள்ள, லட்சியமான நாஞ்சிங் மாணவராக மாற விரும்புகிறீர்களா” என்று குறிப்பிடப்பட்டுள்ளது.

நடப்பாண்டின் முதல் கங்கண சூரிய கிரகணம்: நெருப்பு வளையத்தை கண்டு ரசித்த மக்கள்!
இதையடுத்து, பெண்களை பயன்படுத்தி, மாணவர்களை கவர்ந்து இழுக்கும் வகையில் விளம்பரம் வெளியிட்ட நாஞ்சிங் பல்கலைக்கழகத்துக்கு எதிராக கடுமையான கண்டனங்கள் எழுந்தன. அழகான பெண்களையும் பயன்படுத்துவதற்குப் பதிலாக பல்கலைக்கழகம் தங்களது திறமையையும், ஆசிரியர்களின் தரத்தின் அடிப்படையில் மாணவர்களை சேர்க்க வேண்டும் என்று விமர்சனங்கள் முன்வைக்கப்பட்டன. கடுமையான விமர்சனங்களைத் தொடர்ந்து அந்த விளம்பரத்தை நாஞ்சிங் பல்கலைக்கழகம் நீக்கியுள்ளது.



Source link

Share on Social Media

Leave a Reply

Your email address will not be published. Required fields are marked *