Share on Social Media


ஹைலைட்ஸ்:

  • உலகின் பணக்கார நாடான சீனா
  • அமெரிக்காவுக்கு பெரும் பின்னடைவு

உலகளவில் மிகப்பெரிய பணக்கார நாடுகளில் அமெரிக்காவை பின்னுக்கு தள்ளி சீனா முதலிடத்தைப் பிடித்துள்ளது. சர்வதேச அளவில் பணக்கார நாடுகள் குறித்து மெக்கின்சி நிறுவனமும், அதன் துணை நிறுவனங்களும் ஆய்வு நடத்தின.

இந்த ஆய்வில், உலகின் 60% வருமானத்தை வைத்திருக்கும் நாடுகளின் இருப்புநிலை (Balance sheet) குறித்து ஆய்வு செய்யப்பட்டது. இதில், உலகின் செல்வம் கடந்த 20 ஆண்டுகளில் மூன்று மடங்கு உயர்ந்துள்ளதாக தெரியவந்துள்ளது.

இந்த ஆய்வு வெளியிட்டுள்ள தகவல்படி, உலகின் செல்வம் 2000ஆம் ஆண்டில் 156 லட்சம் கோடி டாலரில் இருந்து 2020ஆம் ஆண்டில் 513 லட்சம் கோடி டாலராக உயர்ந்துள்ளது. இதில் பெரும்பாலான வளர்ச்சி சீனாவுக்கே சேர்ந்துள்ளது. சீனாவின் செல்வம் 2000ஆம் ஆண்டில் 7 லட்சம் கோடி டாலரில் இருந்து 2020ஆம் ஆண்டில் 120 லட்சம் கோடி டாலராக உயர்ந்துள்ளது.

மகாத்மா காந்தியின் சிலை சேதம்: பிரதமர் கடும் கண்டனம்!
தற்போது உலகின் பணக்கார நாடாக அமெரிக்காவை முந்தி சீனா முதலிடத்தைப் பிடித்துள்ளது. இரண்டாம் இடத்தில் அமெரிக்காவும், மூன்றாம் இடத்தில் ஜெர்மனியும் உள்ளன. அடுத்தடுத்த இடங்களில் பிரான்ஸ், இங்கிலாந்து, கனடா, ஆஸ்திரேலியா, ஜப்பான், ஸ்வீடன் ஆகிய நாடுகள் உள்ளன.

இதில் சுட்டிக்காட்ட வேண்டிய விஷயம் என்னவென்றால், சீனா, அமெரிக்கா ஆகிய இரு நாடுகளிலும் மொத்த செல்வத்தில் மூன்றில் இரு பங்கை மிக பணக்கார 10% குடும்பங்கள் மட்டுமே கையில் வைத்துள்ளன. செல்வத்தில் இவர்களின் பங்கு தொடர்ந்து உயர்ந்துகொண்டே போவதாகவும் இந்த ஆய்வு கூறுகிறது.



Source link

Share on Social Media

Leave a Reply

Your email address will not be published. Required fields are marked *