Share on Social Media


ஹைலைட்ஸ்:

  • பென்னு சிறுகோள் பூமியை நோக்கி வருவதாக விஞ்ஞானிகள் எச்சரிக்கை
  • பூமியின் மீது விழுந்தால் அணுகுண்டை விட அதிக சேதத்தை ஏற்படுத்தும்
  • ராக்கெட்கள் மூலம் தாக்கி சிறுகோளை உடைக்க விஞ்ஞானிகள் திட்டம்

விண்ணில் நாம் கண்டிராத ஏராளமான அதிசயங்கள் கொட்டிக் கிடக்கின்றன. அவற்றால் நன்மையும், தீமையும் ஒருங்கே கிடைக்கின்றன. இந்நிலையில் 8.5 கோடி டன் எடை கொண்ட பிரம்மாண்ட விண்கல் ஒன்று பூமியை நோக்கி வருவதாக விஞ்ஞானிகள் கண்டறிந்துள்ளனர். இதன் பெயர் ‘பென்னு’. முன்னதாக இந்த விண்கல் கடந்த 1999ஆம் ஆண்டு கண்டுபிடிக்கப்பட்டது. இது செவ்வாய் மற்றும் வியாழன் ஆகிய கோள்களுக்கு இடையில் உள்ள சிறுகோள் ஆகும்.

பென்னு சிறுகோள்

இதனை ‘விண்வெளி குப்பை’ என்றும் அழைக்கின்றனர். நாம் வாழும் சூரிய மண்டலத்தில் 4.5 லட்சம் ஆண்டுகளுக்கு முன்பு தோன்றியது பென்னு விண்கல். பூமியின் உயிரினங்கள் தோன்றிய அதே காலகட்டத்தில் இந்த விண்கல்லும் தோன்றியதாக தெரிவிக்கப்பட்டுள்ளது. எனவே இதில் ஏராளமான அதிசயங்கள் நிறைந்திருப்பதாக விஞ்ஞானிகள் கூறுகின்றனர்.
ஒரே நேரத்தில் 2 வகை கொரோனா தொற்றால் பாதிக்கப்பட்ட மூதாட்டி பலி!
பூமியை எப்போது தாக்கும்?

அதாவது பூமியில் இருப்பதை விட பல மடங்கு தங்கம், பிளாட்டினம் உள்ளிட்டவை பென்னு சிறுகோளின் மேற்பரப்பில் இருப்பதாக சொல்லப்படுகிறது. இது வரும் 2175 மற்று 2199 ஆகிய ஆண்டுகளுக்கு இடைப்பட்ட காலகட்டத்தில் பூமியை தாக்கும் அபாயம் உள்ளதாக விஞ்ஞானிகள் தெரிவித்துள்ளனர். ஒருவேளை பூமியை தாக்கினால் 1,200 மெகா டன் ஆற்றல் வெளிப்படும்.

அணுகுண்டை விட பயங்கரம்

ஜப்பானின் ஹிரோஷிமா மீது வீசப்பட்ட அணுகுண்டின் ஆற்றலை விட 80 ஆயிரம் மடங்கு அதிகமாக இருக்கும் என்று கருதப்படுகிறது. இதன்மூலம் பூமியில் யாரும் எதிர்பார்த்திராத பெரும் சேதம் ஏற்படும் என்று அஞ்சப்படுகிறது. எனவே பென்னு சிறுகோளை தற்போதே அழிக்க சீனாவை சேர்ந்த விஞ்ஞானிகள் திட்டமிட்டுள்ளனர்.

நிலச்சரிவில் சிக்கி 3 பேர் பலி!

இதற்காக 20க்கும் மேற்பட்ட ராக்கெட்களை பென்னுவை நோக்கி அனுப்பி பல்வேறு துண்டுகளாக உடைக்க வியூகம் வகுக்கப்பட்டுள்ளது. இதையடுத்து பூமியில் இருந்து வேறு திசை நோக்கி பென்னு சிறுகோள் சென்றுவிடும் என்பது தான் திட்டம். இந்த ராக்கெட்கள் ஒவ்வொன்றும் 992 டன் எடை கொண்டதாக இருக்கும் என்று தகவல்கள் தெரிவிக்கின்றன. பூமியை அழிவிலிருந்து விஞ்ஞானிகள் காப்பாற்றுவார்களா என்ற பெரும் எதிர்பார்ப்பு ஏற்பட்டுள்ளது.



Source link

Share on Social Media

Leave a Reply

Your email address will not be published. Required fields are marked *