Share on Social Media


ஹைலைட்ஸ்:

  • குழந்தைகள் வாழ்நாள் முழுக்க தன்னம்பிக்கை இல்லாமல் மற்றவர்களை சார்ந்தே இருப்பார்கள்.
  • சம்பவத்துக்கு பிறகு நடந்தவை பிம்பமாக வந்து தொல்லை செய்யும். உச்சகட்டமாக தற்கொலை எண்ணத்தில் முடியும்.

பெண் குழந்தைகள் வன்கொடுமைக்கு ஆளானால் அவர்கள் ஆயுளுக்கும் அதிலிருந்து மீண்டு வரமாட்டார்கள். அவர்களுக்கு உண்டாகும் பாதிப்புகள் மற்றும் அவர்களை மீட்க உதவும் குறிப்புகள் குறித்து பார்க்கலாம்.

வன்கொடுமைக்கு ஆளான குழந்தைகள்

பாலியல் துன்புறுத்தலுக்கு ஆளான பெண் குழந்தைகளின் மனநிலை பாதிப்புகள் மற்றும் அவர்களை மீட்கும் வழிமுறைகள் குறித்து மருத்துவ உளவியலாளர் வந்தனா தரும் குறிப்புகள் பார்க்கலாம்.

வன்கொடுமைக்கு ஆளான பெண் குழந்தைகள் உடலளவில் பாதிப்பு அடைந்திருப்பார்கள். அதோடு மனதளவில் மிகக்கொடுமையான பாதிப்பை அடைந்திருப்பார்கள். இது வருங்காலத்தில் சிறு துன்பம் கூட பெருமளவு பாதிப்பை அவர்கள் மனதில் உண்டு செய்யும்.

Healthy Heart : இதய கோளாறு இருக்கிறவங்க ஆலிவ் எண்ணெய் தான் சாப்பிடணுமாம், வேறு என்னலாம் சாப்பிடலாம்!

இவர்கள் எப்போதும் மந்தமான நிலையிலேயே இருப்பார்கள். மூளை செயல்பாடுகள் மற்றவர்களை காட்டிலும் குறைவாக இருக்கும். இதை ஆய்வுகளும் நிரூபித்துள்ளது. உடலளவான பாதிப்பு தாண்டி மனதளவில் நீண்ட காலம் பாதிப்பை சந்திப்பார்கள். இதற்கான சிகிச்சையை முழுமையாக எடுத்துகொண்டால் மட்டுமே அவர்களை மீட்கவே முடியும்.

குழந்தைகள் இயல்பு நிலைக்கு திரும்ப எவ்வளவு காலம் வரை ஆகலாம்?

நெருங்கிய உறவினர்களால் பாதிக்கப்பட்ட குழந்தைகள் பெரும்பாலும் வெளியே சொல்வதில்லை. மீண்டும் அவர்களை சந்திக்கும் போது அவர்களை தவிர்க்கவே செய்வார்கள். அந்த பாதிப்பு வன்கொடுமை மற்றும் உறவு நெருக்கத்தை பொறுத்து மாறுபடும்.

பெண் குழந்தைகள் வன்கொடுமையிலிருந்து மீண்டு வரும் காலத்தில் மிக முக்கியமானது அவர்களுக்கு எவ்வளவு அரவணைப்பு கொடுக்கிறோம் என்பது. இது பெற்றோர்கள், சமூகம் மற்றும் சிகிச்சை மூன்றையும் பொறுத்தது.

பெண் குழந்தை இந்த சம்பவத்துக்கு முன்பிருந்து அவர்கள் பெற்றோர்களுடன் எவ்வளவு அன்பாக நெருக்கமாக இருந்தார்கள் என்பதை பொறுத்தது. ஏனெனில் இந்த சம்பவத்தின் மூலம் தன்னால் தான் மிகப்பெரும் தவறு நேர்ந்தது என்ற குற்ற உணர்ச்சியை கொண்டிருப்பார்கள். இதை பொறுத்து தான் இவர்களது மீட்சி வேகமாக இருக்கும்.

பெரும்பாலும் இந்த கொடுமைக்கு ஆளான குழந்தைகளுக்கு உடல் பாதிப்புக்கு மட்டுமே சிகிச்சை முறையில் கவனம் செலுத்துகிறார்கள். மனநலம் குறித்து கவனம் செலுத்துவதில்லை. இந்த குழந்தைகள் இதிலிருந்து மீள்வதற்கு அதிக காலம் பிடிக்கலாம். அல்லது வாழ்நாள் முழுக்க இந்த பிரச்சனைகளோடு வாழலாம்.

பொதுவாக மன அழுத்தம், மனச்சோர்வு போன்ற சிறு மன நல பிரச்சனைகள் மற்றும் மனச்சிதைவு போன்ற பெரிய மன நோய்கள் பற்றி அறிந்திருக்கிறோம். ஆனால் இந்த கொடுமைக்கு ஆளானவர்கள் இதை காட்டிலும் பெரிய மனநல பாதிப்பை அடைவார்கள். இது traumatic stress disorder என்று அழைக்கப்படுகிறது.

அதாவது இந்த சம்பவம் நடந்து பல காலம் ஆனாலும் மீண்டும் மீண்டும் பிம்பமாக வந்து அவர்களது தூக்கம், கல்வி, வேலை என எல்லா நேரங்களிலும் செயல்பட முடியாத பாதிப்பை உண்டு செய்யும். இது உச்சகட்ட நிலைக்கு போகும் போது அவர்களை தற்கொலைக்கு தூண்டுகிறது. அதனால் உடல் சிகிச்சை போன்று மன நல சிகிச்சையும் அவசியம்.

வன்கொடுமைக்கு ஆளாகும் குழந்தைகளின் நிலை

குழந்தைகளின் மனநிலை ஒரே மாதிரி இருக்குமா?

பெண் குழந்தைகளை வன்கொடுமை செய்பவர்கள் பெரும்பாலும் அவர்களுக்கு தெரிந்தவர்களாகவே இருக்கிறார்கள். அவர்கள் நண்பராகவோ, உறவினராகவோ, ஆசிரியரோ, பக்கத்து வீட்டில் இருப்பவரோ என யாராக இருந்தாலும் முதலில் பெரும் அதிர்ச்சியை அளிக்கிறது.

Child, Sexual Abuse- க்கு ஆளான பெண் குழந்தைகளுக்கு உண்டாகும் பாதிப்புகள் என்ன?

வன்கொடுமைக்கு ஆளான குழந்தைகள் சிறு அளவில் தாக்கத்தை எதிர்கொண்டாலும் வாழ்நாள் முழுக்க அவர்கள் தன்னம்பிக்கை இல்லாமல் மற்றவர்களை சார்ந்தே இருப்பார்கள். எதிலுமே சாதிக்க முடியாத எண்ணங்களை கொண்டிருப்பார்கள். சிறு வேலையை கூட துணிந்து செய்ய முன்வரமாட்டார்கள். எதிர்மறையான எண்ணங்கள் வராமல் இருக்க சிகிச்சை அவசியம்.

சிகிச்சை என்பது வன்கொடுமை சம்பவத்தால் பாதிக்கப்பட்ட குழந்தைகள் தங்கள் பழக்க வழக்கத்தால் தான் இது நடந்தது என்ற குற்ற உணர்ச்சியை அதிகரிக்காமல் இருக்க வேண்டும். அவர்களிடம் இந்த பாதிப்பு பலருக்கும் நடக்கும் விஷயமே . பாதிக்கப்பட்ட குழந்தைகள் பெருமளவு மீண்டு வந்திருக்கிறார்கள் என்பதை அவர்கள் உணர செய்ய வேண்டும். இதுதான் அவர்களுக்கு வேண்டிய சிகிச்சை. இதன் மூலம் அவர்கள் வெளி உலகிற்கு வரும் போது எதிர்மறை எண்ணங்கள் தலைதூக்காமல் பாதுகாத்துகொள்ளலாம். தங்கள் மீது இழைத்த கொடுமைக்கு தாழ்ந்து போக வேண்டும் என்னும் மனநிலையிலிருந்து அவர்கள் வெளியேற இந்த சிகிச்சை தான் அவசியம்.

குழந்தை தங்கள் வயதை ஒத்தவர்களிடம் பழகும் முறை

வன்கொடுமைக்கு ஆளான பெண் குழந்தைகள் ஆண் குழந்தைகள் இருவருமே அவர்கள் வயதை ஒத்திருக்கும் குழந்தைகளுடன் சகஜமாக இருக்க மாட்டார்கள். பெரும்பாலும் தனித்து இருப்பார்கள். அவர்களது பழக்க வழக்கங்கள் மாறுபடும். சிந்தனைகள் வேறுபடும். மூட் ஸ்விங் இருக்கும். படிப்பில் கவனம் செலுத்துவது சிரமமாக இருக்கும். கூட்டத்தை தவிர்க்க விரும்புவார்கள். எப்போதும் தனக்கு ஏன் இப்படி நடந்தது என்பதையே நினைத்து நினைத்து மருகுவார்கள். இந்த நேரத்தில் குழந்தைகளை தனித்து விடாமல் அவர்களோடு கலந்து இணைந்து பேசி மீட்க வேண்டும்.


பாதிக்கப்பட்ட குழந்தைக்கு மனநல மருத்துவம் அவசியமா?

கண்டிப்பாக இது அவசியம். இல்லையெனில் மனதளவிலும் மூளை வளர்ச்சியிலும் அதிக பாதிப்பை எதிர்கொள்வார்கள். இது அவர்களது எதிர்கால வாழ்க்கையில் பெரிய பாதிப்பை உண்டாக்கும். அதனால் உடல் நல சிகிச்சையோடு மன நல மருத்துவர் அல்லது மன நல ஆலோசகர் ஆலோசனை அவசியம்.

குழந்தைகளை தொடாமலும் பாலியல் துஷ்பிரயோகம் செய்ய முடியும்? பாதுகாப்பதும் மீட்பதும் எப்படி, ஆலோசகர் வழிகாட்டுதல்!

குழந்தைகள் வன்கொடுமைக்கு ஆளான நிலையில் பெற்றோர்களிடம் சொல்லாத நிலையில் அவர்கள் பாதிப்பு இன்னும் அதிகமாகவே இருக்கும். குறிப்பாக பெற்றோர்களிடம் நல்ல உறவில் இருந்தாலும் சில குழந்தைகள் அதை பகிர்வதில்லை.

பெண் குழந்தைகள் வன்கொடுமை

இன்று பெற்றோர்கள் இருவரும் வேலைக்கு செல்வதால் பெரும்பாலும் குழந்தைகளுடன் நேரம் செலவிடமுடியாத நிலை உருவாகியுள்ளது. எனினும் குழந்தைகளின் வயதுக்கேற்ப அவர்களுடன் பேச வேண்டிய விஷயங்களை பகிர்ந்துகொள்ள வேண்டும். குழந்தையின் நடவடிக்கையில் மாற்றம் தெரிகிறதா என்பதை கவனிக்க வேண்டும். பெற்றோர்கள் குழந்தையுடன் நேரம் செலவழித்தால் மட்டுமே இதை கண்டறிய முடியும்.

உடல் நலன் என்றால் அது பல விஷயங்களை உள்ளடக்கியது. ஆரோக்கியம் என்பது உடல் நலம், மன நலம், சுற்றுப்புற சூழல் என எல்லாமே சேர்ந்தது தான். அதனால் உடல்நலன் பாதிப்பை மட்டும் கவனத்தில் கொள்ளாமல் எல்லா விஷயங்களிலும் சிகிச்சை அளிக்க வேண்டும். 8 முதல் 10 சிட்டிங் வரையான கவுன்சிலிங் மூலம் மனதளவில் பெருமளவு மாற்றம் கொண்டு வரமுடியும். அவர்களை இயல்பு நிலைக்கு மீட்டு கொண்டுவர முடியும்.

இதயம் முதல் எடை கட்டுபாடு வரை அனைத்துக்கும் நன்மை செய்யும் தேங்காய் மாவு பத்தி தெரிஞ்சுக்கங்க!

எதிர்கால வாழ்க்கையில் உண்டாகும் மாற்றம்

பெண் குழந்தைகள் வன்கொடுமைக்கு ஆளாகும் போது அவர்கள் எதிர்காலத்தில் தாம்பத்திய வாழ்க்கையில் பிரச்சனைகளை எதிர்கொள்வார்கள். அப்போது சிகிச்சை தேவைப்படும். எங்களிடம் வரும் பலரிடமும் அதை பார்க்கிறோம். சிகிச்சையின் போது தான் அவர்களது குழந்தைப்பருவத்தில் நடந்த விஷயங்கள் வெளியே கொண்டு வருவார்கள்.

இறுதியாக பாலியல் வன்கொடுமையில் ஈடுபடுபவர்கள் குறித்தும் ஒரு விஷயம் தெரிந்துகொள்ள வேண்டும். ஏனெனில் பாதிப்பை உண்டாக்கியவர்கள் சிறு வயதில் இந்த நிலைக்கு ஆளாகியிருக்கலாம். இதை ஆளுமை தன்மை கோளாறு என்று சொல்லலாம். அவர்களது குழந்தை பருவம் மோசமானதாகவோ, இரக்கத்தன்மையாகவோ இருக்கலாம்.

சிலருக்கு குழந்தைகள் மீது ஈர்ப்பு இருக்கும். சிலருக்கு விலங்குகள் மீது ஈர்ப்பு இருக்கும். இவர்களுக்கு தண்டனையை தாண்டி சிகிச்சையும் அவசியம். இல்லையெனில் இவர்கள் தண்டனைக்காலத்துக்கு பிறகு மீண்டும் இதே தவறை செய்வதற்கு வாய்ப்பு உண்டு.



Source link

Share on Social Media

Leave a Reply

Your email address will not be published. Required fields are marked *