Share on Social Media


குழந்தைகள் எப்போதும் இனிப்பு சுவைக்கு அடிமையானவார்கள். இனிப்பு நிறைந்த மிட்டாய்களுக்கும் சாக்லேட்டுகளுக்கும் எல்லா குழந்தைகளும் அடிமை தான். குழந்தைகள் சர்க்கரையை சாப்பிடுவதால் அவர்களுக்கு சர்க்கரை நோய் வரும் என்னும் கட்டுக்கதைகள் உலவி வருகின்றன. குழந்தைகள் சர்க்கரை சாப்பிடுவதால் அவர்களுக்கு நீரிழிவு வருமா என்பது குறித்து இப்போது இந்த பதிவில் தெரிந்துகொள்வோம்.

​சர்க்கரை சாப்பிடுவதால் குழந்தைக்கு சர்க்கரை நோய் வருமா?

குழந்தைகளுக்கு காய்ச்சல் வந்தால் கூட மருத்துவரை அணுகும் போது அவர்கள் எடுத்துகொண்ட உணவு காரணமா என்று கேட்கிறோம். குறிப்பாக ஜங்க் ஃபுட் எடுக்கும் போதும் இனிப்பு நிறைந்த உணவை சாப்பிடும் போதும், சோடா குடிக்கும் போதும் இதை தவிர்க்காமல் மருத்துவரிடம் கேட்கிறோம்.

டைப் 1 நீரிழிவு நோய் வரும் போது அதன் காரணம் சர்க்கரை உட்கொள்ளலுடன் தொடர்புடையது அல்ல என்பது பலருக்கும் தெரியாது. டைப் 1 நீரிழிவு நோய் தன்னுடல் தாக்க நோய் ஆகும். இது உடலில் இன்சுலின் உற்பத்தி இழப்பதால் உண்டாகிறது. இதற்கு காரணம் கண்டறியப்படவில்லை. மேலும் அதை தடுக்க வழியும் இல்லை. டைப் 1 நீரிழவு சர்க்கரை அல்லது சர்க்கரை அல்லாதவை போன்றவற்றால் பாதிக்கப்படுவதில்லை.

கர்ப்பிணி : தூக்கமும் சோர்வும் நிறைய வரும், ஆனா தூங்க முடியாது, காரணம் என்ன, தீர்வு என்ன தெரிஞ்சுக்கலாம்!

அதே நேரம் டைப் 2 நீரிழிவு எடை அதிகரிப்புடன் தொடர்பு கொண்டது. சர்க்கரை உணவுகள் அல்லாமல் ஆரோக்கியமற்ற உணவுகளை தொடர்ந்து எடுத்துகொள்வதால் உண்டாகலாம்.

சர்க்கரை அல்லது இல்லாவிட்டாலும் டைப் 2 நீரிழிவு நோயின் அதிக ஆபத்தை எடை அதிகரிப்பவர்கள் கொண்டிருப்பார்கள். சில குழந்தைகளுக்கு உடல்நலக்குறைவு காரணமாக டைப் 2 நீரிழிவு நோய் அபாயம் இருக்கலாம்.

​நீரிழிவு வகைகள்

samayam tamil Tamil News Spot

நம்மில் எல்லோரும் இரண்டு வகையான நீரிழிவு மட்டுமே அறிந்திருக்கிறோம். ஒன்று குழந்தைகளை பாதிக்கிறது. டைப் 1 நீரிழிவு இது குழந்தைகளுக்கானது மற்றும் டைப்2 நீரிழிவு பெரியவர்களுக்கு என்று அறிந்துள்ளோம். ஆனால் குழந்தைகளுக்கும் டைப் 2 நீரிழிவு வரலாம் என்பதை அறிந்திருக்கிறோமோ அதுவும் இரண்டு விதமான வகைகளுக்கு மேல் இருக்கலாம். நீரிழிவு நோயின் நான்கு புதிய வகைகள்

இளம் பருவத்தினரின் முதிர்வு தொடக்க நீரிழிவு நோய் ,

ஸ்டீராய்டு தூண்டப்பட்ட நீரிழிவு,

சிஸ்டிக் ஃபைப்ரோஸிஸ்ட் தொடர்பான நீரிழிவு,

வகை 1.5 நீரிழிவு

​குழந்தைகளுக்கு நீரிழிவு பரம்பரையா?

samayam tamil Tamil News Spot

பெரும்பாலான பெற்றோர்கள் நீரிழிவு நோய் அவர்களிடமிருந்து குழந்தைகளுக்கு பரவும் என்று கவலைப்படுகிறார்கள் என்கிறார்கள் நிபுணர்கள். நீரிழிவு மரபியலில் ஒரு காரணமாக இருக்கலாம். எனினும் குழந்தைக்கு டைப் 2 நீரிழிவு வருவதற்கு எடை மற்றும் உணவு முறை முக்கிய பங்கு வகிக்கிறது.

குடும்பத்தில் உணவு என்பது ஒரே மாதிரியாகத்தான் எடுக்கிறார்கள். அதனால் பெற்றோர்கள் டைப் 2 நீரிழிவு இருந்தால் அவர்கள் ஆரோக்கியமற்ற உணவை சாப்பிடுவதால் அவர்களின் குழந்தைகளும் அதை பெறலாம். டைப் 1 நீரிழிவு மரபியல் பங்கு வகிக்கிறது. அது எப்படி என்பதற்கான காரணம் இன்னும் புரிந்துகொள்ளப்படவில்லை.

​குழந்தைக்கு சர்க்கரை எவ்வளவு கெடுதி

samayam tamil Tamil News Spot

குழந்தைகள் சாப்பிடும் சர்க்கரையின் அளவு காலப்போக்கில் பெரிய இரத்த சர்க்கரை அதிகரிப்புக்கு வழிவகுக்கிறது. இது இன்சுலின் எதிர்ப்பு, முன்கூட்டிய நீரிழிவு மற்றும் டைப் 2 அபாயத்தை அதிகரிக்கிறது.

அதிகப்படியான சர்க்கரை உங்கள் குழந்தையின் மனநிலை செயல்பாடு மற்றும் அதிவேகத்தன்மையை பாதிக்கும். இது அவர்களது நடத்தையை பாதிக்கிறது. ஏனெனில் இரத்த சர்க்கரை என்பது ரோலர் கோஸ்டர் போன்றது. நாள் முழுவதும் மேலும் கீழும் இருக்கலாம்.

எல்லா சர்க்கரையும் மோசமானது அல்ல. பழங்கள், முழுதானியங்கள், பீன்ஸ் மற்றும் பால் பொருள்கள் சர்க்கரை இருந்தாலும் பயப்பட வேண்டியதில்லை. இது இயற்கையான சர்க்கரை, இவை குழந்தையின் வளர்ச்சிக்கு அவசியம் தேவை.

​டைப் 2 நீரிழிவு குழந்தைகள் தவிர்க்க வேண்டிய உணவு

-2-

டைப் 2 சர்க்கரை நோய் குழந்தைக்கு உறுதியானால் குழந்தைகள் இனிப்பு சேர்த்த சாறுகள், சோடா மற்றும் செயற்கை இனிப்பு பானங்கள் தவிர்க்க வேண்டும்.

சிப்ஸ் , குக்கீஸ் மற்றும் ஆரோக்கியமற்ற நொறுக்குத்தீனிகள் தவிர்க்க வேண்டும்.

வெள்ளை ரொட்டி, அரிசி, பாஸ்தா வகைகளையும் தவிர்க்க வேண்டும்.

எண்ணெயில் வறுத்த, ஆழமாக வறுத்த உணவுகள், ஜங்க் ஃபுட் உணவுகள் தவிர்க்க வேண்டும்.

கொழுப்பு நிறைந்துள்ள சிவப்பு இறைச்சி, முழு கொழுப்புள்ள பால் பொருள்களையும் தவிர்க்க வேண்டும்.

​குழந்தைக்கு நீரிழிவு நோயை குணப்படுத்த முடியுமா?

samayam tamil Tamil News Spot

டைப் 1 நீரிழிவு நோய்க்கு சிகிச்சை இல்லை. மருத்துவர்களும் ஆராய்ச்சியாளர்களும் ஏன் இந்த நிலை ஏற்படுகிறது என்பதற்கான காரணத்தை ஆராய்ந்து கொண்டிருக்கிறார்கள்.

குழந்தைக்கு டைப் 2 நீரிழிவு நோய் மாற்றியமைக்கலாம் மற்றும் அரோக்கியமான வாழ்க்கை முறை மாற்றங்களுடன் நிறுத்தலாம்.

குழந்தைங்க ரொம்ப புத்திசாலியா வளரணுமா ? 3 வயசு வரை இந்த 5 விஷயங்களை செய்தாலே போதுமாம்!

குழந்தைக்கு ஆரோக்கியமான உணவு, உடற்பயிற்சி மற்றும் ஆரோக்கியமான எடையை பராமரிப்பது டைப் 2 நீரிழிவு நோயை மாற்றியமைக்க உதவும். குறிப்பாக பெற்றோர்களில் இருவர் அல்லது ஒருவர் டைப் 2 நீரிழிவு நோயால் பாதிக்கப்பட்டிருந்தால் ஆரோக்கியமான உணவு முறை மற்றும் வாழ்க்கை முறையை குழந்தைக்கு பழக்குவதன் மூலம் அவர்களுக்கு வராமலே தடுக்க முடியும்.



Source link

Share on Social Media

Leave a Reply

Your email address will not be published. Required fields are marked *