Share on Social Media


குழந்தைகளுக்கும் உரிமைகள் உண்டு என்பதை எத்தனை பேர் அறிந்திருக்கிறார்கள். நம் குழந்தைகள் பாதுகாப்பாகவும் மகிழ்ச்சியாகவும் இருக்கிறார்கள் என்று உறுதியாக நம்மால் சொல்ல முடியுமா?

பெரும்பாலான குழந்தைகள் தங்கள் சொந்த குடும்பம் மற்றும் சில தெரிந்த நபர்களால் பல்வேறு வகையான துஷ்பிரயோகங்களை எதிர்கொள்கின்றனர். பாதிக்கப்பட்ட குழந்தைகள் பெரும்பாலும் யாருடனும் பகிர்ந்து கொள்வதில்லை, ஏனெனில் அவர்கள் தங்கள் கடினமான சூழ்நிலைகளைப் பகிர்ந்து கொள்ள நம்பகமான நபரைப் பெறவில்லை.

​பாதிக்கப்படும் பெண் குழந்தைகள்

பெண் குழந்தைகள் பாதுகாப்பு குறித்து பெற்றோர்கள் எப்படி நடந்துகொள்ள வேண்டும். பாதிக்கப்பட்ட பெண் குழந்தைகளை மீட்க என்ன செய்ய வேண்டும் என்பது குறித்து சூர்யகலா Training and research officer , CHILDLINE India Foundation, Chennai.

குடும்ப சிகிச்சை மூலம் பெறும் நன்மைகள் என்னென்ன?

ஒவ்வொரு 2 குழந்தைகளில் ஒருவர் பாலியல் துஷ்பிரயோகத்திற்கு ஆளாவதாக புள்ளி விவரம் ஒன்று காட்டுகிறது. இதில் பெரும்பாலான துஷ்பிரயோகம் செய்பவர்கள் குழந்தைகளுக்கு தெரிந்தவர்கள். சிறுவர்களும் சிறுமிகளும் சமமாக பாதிக்கப்படக்கூடியவர்கள், ஆனால் பெரும்பாலான சிறுவர்கள் தங்கள் துஷ்பிரயோகத்தை வெளிப்படுத்துவதில்லை.

​குழந்தை பாலியல் துஷ்பிரயோகம் என்றால் என்ன?

samayam tamil Tamil News Spot

குழந்தை பாலியல் துஷ்பிரயோகம் என்பது மிகவும் சக்திவாய்ந்த நபரின் பாலியல் திருப்திக்காக குழந்தையைப் பயன்படுத்தும் எந்தவொரு செயலையும் குறிக்கும்.

குழந்தையின் உடலையும், நம்பிக்கையையும் மீறும் மோசமான செயல். இது தொடுதல் மற்றும் தொடாமல் கூட அடங்கும் மோசமான நிலை.

தொடுதல் சம்பந்தப்பட்ட துஷ்பிரயோகத்தை மக்கள் புரிந்து கொள்ள முடியும், ஆனால் தொடாமல் குழந்தைகளுக்கு எதிராக பல துஷ்பிரயோகங்கள் நடக்கின்றன.

உதாரணத்துக்கு ஆபாச வீடியோக்கள் மற்றும் படங்களைக் காட்டுவது, குழந்தையை பாலியல் செயல்களை பார்க்க வைப்பது, குழந்தையுடன் பாலியல் செயல்பாடு பற்றி பேசுவது, குழந்தையின் தனிப்பட்ட உடல் உறுப்புகளை பார்ப்பது. இது ஆன்லைனிலும் நடக்கிறது.

பாலியல் துஷ்பிரயோகம் குழந்தைகளை உடல் ரீதியாகவும், உணர்ச்சி ரீதியாகவும் மற்றும் சமூக ரீதியாகவும் நீண்ட காலமாக பாதிக்கிறது. குழந்தைகள் அவமானம், குற்ற உணர்வு, சோகம் மற்றும் கோபம் போன்ற உணர்ச்சி மோதல்களை அனுபவிக்கலாம். அது அவர்களை பயத்தையும், அதிர்ச்சியையும், குழப்பத்தையும் ஏற்படுத்தக்கூடும்.

நமது குழந்தைகளைப் பாதுகாப்பது மற்றும் பாலியல் துஷ்பிரயோகத்தில் இருந்து பாதுகாப்பாக இருக்க அவர்களுக்கு திறன்களைக் கற்றுக்கொடுப்பது பெற்றோர்கள், ஆசிரியர்கள் மற்றும் பராமரிப்பாளர்களாகிய நமது பொறுப்பு.

​உங்கள் குழந்தை பாதுகாப்பாக இருப்பதை நீங்கள் எப்படி ஆதரிக்க முடியும்?

samayam tamil Tamil News Spot

உங்கள் குழந்தையின் உடன் நேரம் அதிகம் செலவழிக்க வேண்டும். குழந்தையின் தினசரி செயல்பாடுகளை கவனிக்க வேண்டும். குறிப்பாக அவர்களது நண்பர்கள் (இருபாலராகவும்) இருக்கலாம். அவர்களைப் பற்றியும் அவர்களது குடும்பத்தைப் பற்றியும் நீங்கள் அறிந்திருப்பது கூடுதல் பாதுகாப்பு. இது எந்தத் தவறும் இல்லை.

ஒரு நண்பராக தினமும் என்ன நடந்தது என்பதைப் பற்றி விவாதித்து, அவர்களின் உலகத்திற்குச் சென்று அவர்களைப் புரிந்து கொள்ளுங்கள். உங்கள் குழந்தையின் உணர்வுகளை மதித்து அது குறித்து கேளுங்கள் பேசுங்கள். தனிப்பட்ட பாதுகாப்பைப் பற்றி உங்கள் பிள்ளைக்குக் கற்றுக்கொடுங்கள். பாதுகாப்பான மற்றும் பாதுகாப்பற்ற தொடுதல் பற்றி அவர்களிடம் சொல்லுங்கள்.

சில நேரங்களில் எதிர்பாராத விதமாக நம் குழந்தைகள் பாலியல் துஷ்பிரயோகத்திற்கு ஆளாகிறார்கள். அந்த சூழ்நிலையில் நாம் நம் குழந்தைகளுக்கு உதவ வேண்டும். அப்போது எப்படி அவர்களுக்கு உதவுவது என்று பார்க்கலாம்.

​குழந்தைகள் ஏன் புகாரளிப்பதில்லை

samayam tamil Tamil News Spot

Step 1: பெரும்பாலான குழந்தைகள் துஷ்பிரயோகம் பற்றி புகாரளிப்பதில்லை. ஆனால் பெற்றோர்களும் பராமரிப்பாளர்களும் குழந்தையின் நடத்தை மாற்றங்களின் அடிப்படையில் அடையாளம் காண முடியும். அவர்களின் நடத்தையில் ஏதேனும் திடீர் மாற்றங்களை நீங்கள் கவனித்தது அவர்களிடம் பேசுங்கள். நீங்கள் ஆதரவளிக்க இருக்கிறீர்கள் என்று சொல்லுங்கள்.

Step 2: துஷ்பிரயோகம் பற்றி பேச குழந்தைக்கு உதவி செய்யுங்கள். பாலியல் துஷ்பிரயோகம் பற்றி அவர்கள் ஏன் பேசுவதில்லை என்பதை முதலில் புரிந்துகொள்வது முக்கியம் குழந்தை சூழ்நிலையை தாங்க முடியாமல் இருக்கும் போது குழந்தை உங்களிடமிருந்து உதவி பெற நாடும் போது முழுமையான ஆதரவு கொடுங்கள்.

​பாலியல் துஷ்பிரயோகங்களை யார் எதிர்கொள்கிறார்கள்.

samayam tamil Tamil News Spot

பயந்த சுபாவங்களை கொண்ட குழந்தைகள் தான் இந்த துஷ்பிரயோகத்துக்கு ஆளாகிறார்கள். அவர்களை பொறுத்தவரை நடந்தது தன்னால் தான் என்னும் எண்ணம் வலுவாக இருக்கும். இதனால் குற்ற உணர்வு அதிகமாக வளைய வருவார்கள். யாரிடமும் சொல்லாமல் இருப்பார்கள்.

இவர்களை மீட்க பெற்றோர்கள் விரும்பினாலும் அவர்களாகவே வெளியேற பழக்க வேண்டும். அவர்களது அறியாமையை உணர வைக்க வேண்டும். இந்த நிலை தொடர்ந்தால் இது மற்ற குழந்தைகளுக்கும் தொடரும் என்பதை அவர்களுக்கு புரிய வைக்க வேண்டும். இயன்றவளவு அவர்களே அவர்களுக்கு தைரியம் கொடுக்க வேண்டும் என்னும் மனநிலையை உண்டாக்க வேண்டும். இது உடனே இல்லை என்றாலும் படிப்படியாக அவர்களை மாற்ற முடியும்.

இப்போதும் பெற்றோர்கள் குழந்தைகளுடன் முழுமையாக ஒன்றுவதில்லை. குறிப்பாக கிராமப்புற பகுதிகளில் குழந்தைகளை பேச விடுவதே இல்லை. உண்மையில் ஆலோசகர்கள் இல்லாமல் பெற்றோர்களாலேயே குழந்தைகளை மீட்டு வர முடியும். ஆனால் பல பெற்றொர்கள் குழந்தைகளை நம்புவதிலும், அவர்கள் சொல்வதை கேட்பதிலும் முழுமையாக ஈடுபடுவதில்லை. இவை செய்தாலே குழந்தைகள் முழுமையாக பெற்றோர்களின் வழிகாட்டுதலின் கீழ் சமாதானமாகிவிடுவார்கள்.

​குழந்தையிடம் பெற்றோர்கள் எப்படி நடந்து கொள்ள வேண்டும்

samayam tamil Tamil News Spot

செய்யவேண்டியவை

அமைதியாக இருந்து கேளுங்கள்

குழந்தையை நம்புங்கள்

குழந்தையின் கேள்விக்கு நேர்மையாக பதிலளிக்கவும்

குழந்தையின் தனியுரிமையை மதிக்கவும்,

அவர்களுக்கு சொல்லுங்கள்: “இது உங்கள் தவறு அல்ல”, “நான் உங்களுடன் இருக்கிறேன்” என்று ஆதரவு கொடுங்கள்.

செய்யக்கூடாதவை

குழந்தையை குறை கூறாதீர்கள். 18 வயதிற்குட்பட்டவர்கள் குழந்தை தான். அவர்களின் தவறு அல்ல.

பீதி அடைய வேண்டாம் அல்லது மிகைப்படுத்தாதீர்கள்

பேசுவதற்கு குழந்தையை வற்புறுத்த வேண்டாம். நேரம் கொடுங்கள்

அதிகமாகவோ அல்லது ஆக்ரோஷமாகவோ கேள்வி கேட்காதீர்கள். குழந்தைகள் எதுவும் சொல்ல மாட்டார்கள். இதனால் தவறான முடிவை எடுக்க வாய்ப்பு உள்ளது.

குழந்தையை கதையை மீண்டும் மீண்டும் சொல்ல வைக்க வேண்டாம்.

குழந்தையின் முன்னிலையில் குற்றவாளியை எதிர்கொள்ள வேண்டாம்

குழந்தையை மறக்க அல்லது சரிசெய்யும்படி கேட்காதீர்கள்

இந்த சூழ்நிலையில் குழந்தைகளுக்கு ஆதரவளிக்காததால், அவர்களில் பெரும்பாலோர் எந்த உதவியையும் கேட்பதில்லை. பெரும்பாலான பெற்றோர்கள் சமூக இழிவு பற்றி கவலைகொள்கிறார்கள். குழந்தையின் மனநிலையை உனர்வதில்லை. இதனால் குற்றவாளி தனது நடத்தையை மீண்டும் மீண்டும் செய்கிறார், இதனால் மேலும் பல குழந்தைகள் பலியாகலாம் என்பதை மறந்துவிடுகிறார்கள்.

​சிறுவர்களுக்காக சில தனிப்பட்ட பாதுகாப்பு விதிகள்

samayam tamil Tamil News Spot

உங்கள் அந்தரங்க உறுப்புகளை யாராவது தொடுவது, பார்ப்பது அல்லது பேசுவது எல்லாம் அனுமதிக்காதீர்கள் என்பதை சிறு வயது முதலே கற்றுக்கொடுங்கள்.

யாராவது விதியை மீற முயற்சித்தால் இல்லை (Say NO) என்று சொல்லிவிட்டு வெளியேறுவதை திடமாக பின்பற்ற செய்யுங்கள்.

குழந்தைகளிடம் ஏதேனும் மன ரீதியான பாதிப்பு நேரந்தால் நம்பகமான பெரியவரிடம் சொல்ல அறிவுறுத்துங்கள். உங்களுக்கு உதவி கிடைக்கும் வரை தொடர்ந்து சொல்லுங்கள்.

குழந்தைகளுக்கு அப்பாக்கள் தான் முதல் ஹீரோ என்பது ஏன் தெரியுமா? காரணம் இதுதான்!

சிலர் விளையாட்டு மற்றும் காதல் என்ற பெயரில் இந்த விதிகளை மீற முயற்சி செய்யலாம் ஆனால் இதை செய்ய ஒருபோதும் அனுமதிக்க வேண்டாம்.

குழந்தைகள் தங்கள் வாழ்க்கையில் எப்போதும் ரகசியம் காக்க கூடாது. நம்பிக்கையான நண்பரிடம், உறவினரிடம் பகிர்ந்துகொள்வதை காட்டிலும் பெற்றோர்களே நண்பர்களாய் குழந்தைகளுக்கு உற்ற துணையாய் இருப்பது பாதுகாப்பானது.

கவனிப்பு மற்றும் பாதுகாப்பு தேவைப்படும் குழந்தைகளுக்கு தேவையான உதவிக்கு 1098 என்ற எண்ணை மனதில் பதிய வைக்க வேண்டும்.



Source link

Share on Social Media

Leave a Reply

Your email address will not be published. Required fields are marked *