Share on Social Media


ஹைலைட்ஸ்:

  • தடுப்பூசி 2 டோஸ் போட்டுக் கொண்டவர்கள் மாஸ்க் அணியவில்லை
  • பெரும்பாலான இடங்களில் முகக்கவசம் அணிய வேண்டாம்
  • அமெரிக்க அரசு அதிரடி அறிவிப்பு

அமெரிக்காவில், கொரோனா தடுப்பூசியின் இரண்டு டோஸ்களையும் செலுத்திக் கொண்டவர்கள், பெரும்பாலான இடங்களில் முகக்கவசம் அணிய வேண்டாம் என, அந்நாட்டு நோய் கட்டுப்பாடு மற்றும் தடுப்பு மையம் அறிவித்துள்ளது.

கொரோனா வைரஸ் பரவலை தடுக்க, தடுப்பூசியை மக்களுக்கு செலுத்தும் நடவடிக்கையில் உலக நாடுகள் தீவிரம் காட்டி வருகின்றன. அமெரிக்காவிலும் கொரோனா தடுப்பூசி செலுத்தும் பணிகள் தீவிரமடைந்துள்ளன. இதனால், அந்நாட்டில் கொரோனா வைரஸ் பரவல் பெருமளவில் குறைந்துள்ளது.

அமெரிக்காவின் மொத்த மக்கள் தொகையில், 46 சதவிகிதம் பேருக்கு கொரோனா தடுப்பூசியின் முதல் டோஸ் செலுத்தப்பட்டுள்ளது. அதாவது, 15 கோடியே 40 லட்சம் பேருக்கு தடுப்பூசியின் முதல் டோஸ் செலுத்தப்பட்டுள்ளது. அதேவேளை, 11 கோடியே 70 லட்சம் பேருக்கு தடுப்பூசியின் இரண்டு டோஸ்களும் செலுத்தப்பட்டு விட்டன.

100 மாவட்ட ஆட்சியர்களுடன் பிரதமர் மோடி ஆலோசனை

இந்நிலையில், அமெரிக்காவில் கொரோனா தடுப்பூசியின் இரண்டு டோஸ்களையும் செலுத்திக் கொண்டவர்கள், பொது இடங்களில் முகக் கவசம் அணிய வேண்டாம் என, அந்நாட்டின் நோய் கட்டுப்பாட்டு மற்றும் தடுப்பு மையம் அறிவித்துள்ளது. மேலும், 6 அடி சமூக இடைவெளியை பின்பற்ற தேவையில்லை என்றும் அறிவிக்கப்பட்டுள்ளது.

தடுப்பூசியின் இரண்டு டோஸ் செலுத்திக் கொண்டவர்கள், கூட்டம் நிறைந்த பகுதிகளான மருத்துவமனைகள், பொது போக்குவரத்து, விமானங்கள், விமான நிலையங்கள், சிறைச்சாலைகள் மற்றும் வீடுகள் இல்லாத தங்கும் இடங்களில், தொடர்ந்து முக்கவசம் அணிய வேண்டும் என தெரிவிக்கப்பட்டு உள்ளது.

tamil samayam Tamil News Spotரத்தாகிறதா பிளஸ் 2 பொதுத்தேர்வு? கசிந்த முக்கியத் தகவல்!

மேலும், ஒன்றிய, மாநில, உள்ளூர், எல்லைக்குட்பட்ட சட்டங்கள் நடைமுறையில் உள்ள பகுதிகளில், முகக்கவசம் அணிய வேண்டும் என்ற உத்தரவு இருக்கும் பட்சத்தில், அந்த உத்தரவை கடைபிடிக்க வேண்டும் என்றும், அமெரிக்க நோய் கட்டுப்பாட்டு மற்றும் தடுப்பு மையம் தெரிவித்துள்ளது.

கொரோனா தடுப்பூசியை இன்னும் செலுத்திக் கொள்ளாதவர்கள், இரண்டு டோஸ்களையும் முழுமையாக செலுத்திக் கொள்ளாதவர்கள், ஒரு டோஸ் மட்டுமே செலுத்திக் கொண்டவர்கள், கொரோனா தடுப்பூசியின் இரண்டு டோஸ் செலுத்தி இரண்டு வாரங்கள் நிறைவடையாதவர்கள், கட்டாயம் முகக்கவசம் தொடர்ந்து அணிய வேண்டும் என்றும் தெரிவிக்கப்பட்டுள்ளது.



Source link

Share on Social Media

Leave a Reply

Your email address will not be published. Required fields are marked *