Share on Social Media


பொதுவாக கோடை காலத்தில் எல்லாருக்கும் தாகம் அதிகமாக எடுக்கும் என்று தெரியும். ஆனால் சிலருக்கு எப்பொழுது பார்த்தாலும் தாகம் எடுத்துக் கொண்டே இருக்கும் அவர்களும் தண்ணீரை குடித்துக் கொண்டே இருப்பார்கள். இப்படி அடிக்கடி தாகம் எடுப்பதற்கு என்ன காரணம் என்று என்றாவது யோசித்து இருக்கோமா. கண்டிப்பாக கிடையாது. ஏனெனில் நிறைய பேர் வியர்வை அதிகமாக வெளியே போவதால் தான் தாகம் எடுக்கிறது என்று நினைத்துக் கொள்கின்றனர். ஆனால் உண்மையில் அது கிடையாது. தாகம் அதிகமாக எடுப்பதற்கு உங்க உடலில் இருக்கும் சில பிரச்சினைகள் தான் காரணம்.

சில உடல் நல பிரச்சினைகள் உங்க உடலில் சோர்வு, நீரிழப்பு, மங்கலான பார்வை இவற்றை ஏற்படுத்தி அதிகப்படியான தாகத்தை ஏற்படுத்திக் கொண்டே இருக்கும் என்று மருத்துவர்கள் கூறுகின்றனர். அப்படி ஒருவருக்கு அடிக்கடி தாகம் எடுக்க கீழ்க்கண்ட 5 சுகாதார நிலைகள் தான் காரணம் என்கிறார்கள் மருத்துவர்கள். அதைப்பற்றி இப்பொழுது நாம் பார்க்கலாம்.

​நீரிழிவு நோய்:

உங்கள் உடலில் உள்ள செல்கள் இன்சுலின் எதிர்ப்பு சக்தியாக மாறும்போது, உங்கள் இரத்தத்தில் இருந்து அதிகப்படியான சர்க்கரையை அகற்ற உங்கள் சிறுநீரகம் கடினமாக உழைக்க வேண்டியிருக்கும். இதனால் உங்க உடலில் இருந்து அதிகப்படியான திரவத்தை கொண்டு சர்க்கரையை அலசி வெளியேற்றும். இதனால் உங்க உடலில் உள்ள நீர்ச்சத்து அளவு குறையும். இதனால் உங்களுக்கு அடிக்கடி தாகம் எடுத்து தண்ணீர் குடிக்க ஆரம்பிப்பீர்கள். எனவே உங்களுக்கு அடிக்கடி தாகம் எடுத்தால் இரத்த சர்க்கரை அளவை பரிசோதனை செய்து பார்ப்பது நல்லது. அடிக்கடி சிறுநீர் கழித்தல் மற்றும் அதிக தாகம் இரண்டும் நீரிழிவு நோயின் அறிகுறிகள் ஆகும்.

​அனிமியா (இரத்த சோகை) :

samayam tamil Tamil News Spot

இரத்த சோகை என்பது உங்க உடலானது ஹூமோகுளோபின் தயாரிக்க போதுமான சிவப்பு இரத்த அணுக்கள் இல்லை என்பதை காட்டுகிறது. இவை மோசமான உணவு, இரும்பு ஊட்டச்சத்து பற்றாக்குறை அல்லது அதிக இரத்த போக்கு காரணமாக ஏற்படலாம். நீரிழப்பு என்பது இரத்த சோகையின் முதல் அறிகுறியாகும். உங்களுக்கு கடுமையான இரத்த சோகை இருந்தால் தலைசுற்றல், சோர்வு, வியர்வை போன்ற பிரச்சினைகளை சந்திப்பீர்கள்.

​ஹைபர்கால்சீமியா:

samayam tamil Tamil News Spot

ஹைபர்கால்சீமியா என்பது உடலில் கால்சியத்தின் ஆபத்தான அளவை குறிக்கிறது. அதிகப்படியான பாராதைராய்டு சுரப்பிகள், காசநோய் மற்றும் புற்றுநோய் காரணமாக இது நிகழ வாய்ப்பு உள்ளது. அதிக தாகமாக இருப்பது ஹைபர்கால்சீமியாவின் முதல் அறிகுறியாகும். இரத்தத்தில் அதிக அளவு கால்சியம் இருப்பது எலும்புகளை பலவீனப்படுத்தி சிறுநீரக கற்களை உருவாக்கக்கூடும் என மருத்துவர்கள் தெரிவிக்கின்றனர்.

​வறண்ட வாய் பிரச்சினை :

samayam tamil Tamil News Spot

சிலருக்கு வாய் எப்பொழுது பார்த்தாலும் வறண்டு கொண்டே இருக்கும். இதற்கு முக்கிய காரணம் போதிய உமிழ்நீர் சுரப்பு இல்லாமல் இருப்பது தான். எனவே அவர்கள் வாய் வறட்சியை போக்க ஏராளமான தண்ணீரை எடுப்பார்கள். இந்த பிரச்சினையானது புற்றுநோய்க்கு எடுத்துக் கொள்ளும் சில மருந்துகள் அல்லது சிகிச்சைகள் அல்லது புகையிலை பயன்பாடு போன்ற வாழ்க்கை முறை பழக்க வழக்கங்களால் நிகழலாம் என்று கூறப்படுகிறது. வாய் வறண்டு போகும் போது வாய் துர்நாற்றம், சுவை மாற்றம், ஈறுகளில் எரிச்சல் மற்றும் மெல்லுவதில் சிக்கல்கள் போன்றவை ஏற்படலாம்.

​கர்ப்ப காலம் :

samayam tamil Tamil News Spot

ஒரு பெண் கர்ப்பமாக இருக்கும் போது அதிக தாகத்தை சந்திக்க நேரிடும். குழந்தையின் வளர்ச்சிக்காக முதல் மூன்று மாதங்களில், இரத்த அளவு அதிகரிக்கிறது. இது சிறுநீரகங்களை அதிகப்படியான திரவத்தை உருவாக்க கட்டாயப்படுத்தும். எனவே இப்படி உடலில் இருந்து வரும் நீரிழப்பு உங்களுக்கு தாகத்தை உண்டாக்கும்.

எனவே உங்களுக்கு அடிக்கடி தாகம் ஏற்பட்டாலோ அல்லது மேற்கண்ட அறிகுறிகள் தென்பட்டாலோ உடனே மருத்துவரை அணுகி ஆலோசனை பெறுங்கள்.

Thanks for the Source

Share on Social Media

Leave a Reply

Your email address will not be published. Required fields are marked *