Share on Social Media

தற்போதைய காலகட்டத்தில் கருவுறுதல் நிகழ பல தடைகள் ஏற்படுகின்றன. ஒரு குழந்தை பெற்றுக் கொள்ளவே பல மருத்துவமனைகளை ஏறி இறங்குகிறோம். ஆனாலும், குழந்தை பெற்றுக் கொள்வது மிகவும் கடினமாகவே உள்ளது. சில வருடங்களாக கருவுறுதல் மற்றும் குழந்தை பெற்றுக் கொள்ளவதற்கு என்றே பல மருத்துவமனைகளும், பெர்டிலிட்டி கிளினிக்குகளும் அதிகமாக உருவெடுத்து இருக்கின்றன. நமது வாழ்க்கை முறை மற்றும் உணவு முறை கூட கருவில் குழந்தை தாங்காமல் போவதற்கு காரணங்களாகின்றன.

பெரும்பாலும் விந்தணுக்களின் தரம் அல்லது கரு முட்டையின் தரம் தான் கருவுறாமைக்கு முக்கிய காரணமாக அமைகின்றது. அதே சமயத்தில் ஒரு சில சந்தர்ப்பங்களில் கர்ப்பப் பை கூட கருவுறாமல் இருப்பதற்கு காரணமாகிறது என்று சொன்னால் நம்ப முடிகிறாதா…? ஆம், இது உண்மை தான். கர்ப்பப் பையின் வடிவத்தில் மாறுபாடு இருந்தால் கூட கருவுறாமை நிகழும்.

​கர்ப்பப்பையின் வடிவம் மற்றும் நிலை

இதுகுறித்து, மகளிர் இனப்பெருக்க உட்சுரப்பியல் பட்டதாரி டாக்டர் ரேச்சல் பெவர்லி கூறுகையில், கர்ப்பப் பையால் கருவுறுதல் நிகழாமல் இருந்தால் அது கர்ப்பப் பையின் வடிவத்துடன் தொடர்புடையதாக இருக்கலாம். கர்ப்பப் பையை பொறுத்தவரை இதன் மற்றுமொரு பிரச்சனை, கரு உருவாகி குழந்தை தங்குவதற்கு ஏற்ற வகையில் கர்ப்பப் பை உள்ளதா என்பது தான்.

கருவுறுதல் நிகழாமல் இருக்க கர்ப்பப் பை மட்டுமே காரணம் என்று சொல்லி விட முடியாது. சுமார் 30 சதவீதம் முதல் 40 சதவீதம் வரை ஏன் என்று விவரிக்க முடியாத மலட்டுத் தன்மை கூட கருவுறாமைக்கு காரணமாகிறது.

​கர்ப்பப் பை முரண்பாடுகள்

samayam tamil Tamil News Spot

ஒரு சில நேரங்களில் சிலருக்கு கர்ப்பப் பை அசாதாரணமாக உருவாகிறது. மேலும், சில உடற்கூறியல் வடிவங்கள் கூட கருவுறாமைக்கு வழிவகுக்கும். அல்லது ஒரு குழந்தை பெற்றுக் கொள்வது கூட மிகவும் கடினமாக இருக்கும். கர்ப்பப் பையின் வடிவத்தில் முரண் இருந்து, அப்பெண்ணுக்கு கருத்தரிப்பு ஏற்பட்டால் அவர்கள் பல வித சிக்கல்களை சந்திக்கக் கூடும். அதேபோல் மீண்டும் மீண்டும் கருச் சிதைவு ஏற்படவும் வாய்ப்புள்ளது. கர்ப்பப் பையின் வெளிப்புறம் சாதாரணமாக காட்சியளிக்கிறது. ஆனால், கர்ப்பப் பையின் உட்பகுதி திசுக்களால் ஆன சுவரால் பிரிக்கப்படுகிறது. இது செப்டம் என்று அழைக்கப்படுகிறது.

​கருச்சிதைவுக்கு காரணமாகும் கர்ப்பப் பை

samayam tamil Tamil News Spot

செப்டமில் தான் கரு பொருத்தப்படும். ஆனால், அங்கு சரியான அளவில் இரத்த ஓட்டம் இல்லை என்றால் கரு செப்டமில் ஒட்டாது. இதனால் ஆரம்ப கால கருச்சிதைவு ஏற்படும் வாய்ப்பு உள்ளது. தொடர்ச்சியான கருச் சிதைவு ஏற்படும் பெண்களுக்கு ஹிஸ்டரோஸ்கோப்பி எனும் கர்ப்பப் பையின் உட்புறத்தைக் காணும் பரிசோதனையை மகப்பேறு மருத்துவர்கள் பரிந்துரை செய்கின்றனர்.

​இரு கர்ப்பப் பை

samayam tamil Tamil News Spot

ஒருவருக்கு இரண்டு தனித் தனி கர்ப்பப் பைகள் இருப்பது, கர்ப்பப் பை டிடெல்பிஸ் என்று அழைக்கப்படுகிறது. இது நடைமுறைக்கு சிக்கலானதாக் தோன்றினாலும், கருவுறுதலில் இதனால் பிரச்சனை வருவதில்லை. அதனால் இது குறித்து பயம் கொள்ளத் தேவையில்லை.

​இதய வடிவ கர்ப்பப் பை

samayam tamil Tamil News Spot

மற்றொரு பொதுவான பிரச்சனை பைகோர்னுவேட் கர்ப்பப் பை ஆகும். அவர்களுக்கு கர்ப்பப் பை பாதி அளவில் தான் இருக்கும். இதனை இதய வடிவிலான கர்ப்பப் பை என்றும் அழைக்கின்றனர். இவர்களுக்கு கருவுறுதலில் பிரச்சனை ஏற்படும். அதுமட்டுமின்றி, அவர்களுக்கு முன் கூட்டிய பிரசவம் ஏற்படக் கூடிய ஆபத்தும் உள்ளது. ஏனெனில் அவர்களுக்கு கர்ப்பப் பையில் போதுமான இடம் இருக்காது. இதனால் முன்கூட்டிய பிரசவம் அல்லது குறை பிரசவம் மற்றும் கருச்சிதைவு ஏற்படும் நிலை உருவாகும்.

​கர்ப்பப் பை இல்லாமலே பிறக்கும் பெண் குழந்தைகள்

samayam tamil Tamil News Spot

பிறக்கும் போதே இன்னும் சில பெண் குழந்தைகள் கர்ப்பப் பை இல்லாமலே பிறக்கிறார்கள். இது அசாதாரணமானது தான் என்றாலும், மருத்துவ உலகின் முன்னேற்றத்தால் இதற்கென பல சிகிச்சை முறைகள் வந்து விட்டன. சில மருத்துவ மையங்கள் கர்ப்பப் பை மாற்று அறுவை சிகிச்சைகள் செய்துள்ளதும் குறிப்பிடத்தக்கது. ஆனால், இப்படி கர்ப்பப் பை இல்லாமல் பெண் குழந்தைகள் பிறப்பது மிகவும் அரிதானவை தான் என்கின்றனர் மருத்துவர்கள்.

Thanks for the Source

Share on Social Media

Leave a Reply

Your email address will not be published. Required fields are marked *